2022-08-01 17:31:20
ام البنين...وانطيتك اولاد اربــعه
ام البنين...جدامك ابـــكل مفزعه
ام البنين...خل بيهم الراس ارفعه
ام البنين
اجيتك باربع اولادي دخيله ابجاهك اقبلهم
اموتن لو تـــروح انته ويـمّي اهنا اصد الهم
نذري اسنين عاش اوياي لمّن صاروا ابحلهم
اریدنــهم یخــدمونك اوصيـــهــم واحملهم
خذهم وياك...من رحت اهناك...خلهم يمناك...اخوتك
يابن الاجواد.......يابوالسجاد.....هاي الاولاد...فدوتك
جرحي يطيب....لمّن اشــوفنكم سوه
جرحي يطيب....عباس شيـال الـ لّوه
جرحي يطيب....ارتــاح واتنفس هوه
ام البنين
اسمعني يَضي عيني وضي عيـن الدرك معناك
الك ربـيت انا اولادي اخــذ هاي الهدايه اوياك
اناامّوصيّتهم ابكلشي بيهم حارب اعلى اعداك
رفعت راس تلگاهم نصرتك حلوه من اعضاك
لورايد عون..خل ايفزعون...فدوه ايروحون...طبگهم
بس لاتحتار....واتدوّر انصار.....یابوالاحرار......عگبهم
هاذالسفر...تحتاج الك عون وخدم
هاذالسفر...تدري الگلب منه انصدم
هاذ السفر..موبس دمع راح ابچي دم
ام البنين
وداعك چن ملح بالعین سدها وما اشوفنك
ويبن فاطم عزيز انته و اعز اوداع اودعنك
لو بيدي گلت لتروح لكن ما اخلفنك
عفت كلشي بأثر حزنك هاي امن الله مو منك
شفتك مهموم...واكثر هاليوم...گلبك ملچوم..بأذيه
يابوالاحساس...يمك عباس...شيال الراس...تچیه
لاتستهم...مادامه وياك الگمر
لاتستهم...حملك يشيله اعلى الظهر
لاتستهم...ربيته تربية فخر
ام البنين
مواقف مرّن اعليه حملت انا مئاسيهن
كبرت اوياهن الهسه كل ساعه و احس بيهن
لكن طلعتك هايه جمره وحرگه احر منهن
لن ماخذ هلك كلها وبناتك هم توديهن
ظعنك لوراح...ياخذ لفراح...يتركلي انواح...غريبه
انتم ملفاي...لعیوني الماي...روحتكم هاي...مصيبه
انتم هلي...وماعندي والي ابلاهلي
انتم هلي...یل گلتوا ليه اتدللي
انتم هلي...يالراسي بيكم معتلي
ام البنين
ردت منك يبوالسجاد ذكرى ابخاطري ليه
عادك لو يجن الليل اطريها ابتواليه
بس ادموع ظلّتلي وتهد كل حيل عاليه
وربيع اسنيني شال اوياك ظلت حسرته اعليه
يابخت البيت..بسمك ناديت..وانته الّلبيت..صياحي
يااغلى احباب..وديلي اكتاب..يرهم لصواب..جراحي
كل الهله...لو حتى طارش هم وصل
كل الهله...اشما صار الي وبيه حصل
كل الهله...مامره دلالي انفصل
ام البنين
هادي الامغيطي البوغبيش
https://telegram.me/alaBuziat
40 views14:31