الشاعر سيد آدم الحسني

2022-07-06 10:03:52

باز کردن / نظر دهید

2022-05-29 09:46:22

باز کردن / نظر دهید

2021-12-22 17:58:55

باز کردن / نظر دهید

2021-08-22 22:21:28

باز کردن / نظر دهید

2021-08-22 20:06:57

باز کردن / نظر دهید

2021-08-20 12:39:19 بس النظر عندي بقى وبغيبتك بجيته
واضح على وجه السما اخر خبر قريته
مايرجع الحبيب
وجروحي ماتطيب

١//

انتهى كلشي وعرفت الما عرفته
لازم يموت الورد باحلامه سكته
وين يادنيا الحبيب المنتظرته
كلبي متفطر عطش يرويني ردته

بآخر وداع اتذكره هواي التفت عليه
وخلاني ابجي براحتي من ودعت رقيه
امشابك ونحيب .. وجروحي ماتطيب

٢//

دنيا من وجهك خلت تكضي عساها
بويه والله وداعتك ماشم هواها
الفركه كسرت غصني يابويه تراها
آه اصيح وصيحتي يرجع صداها

يم بابك انطر جيتك وبهالدرب أراقب
لابد يجيني والدي ياكلبي لا تعاتب
ارجعلي عن قريب .. وجروحي ماتطيب

٣//

مو عليله واكدر امشي شكد كلتلك
شنهو فرقي عن خواتي اني بنتك
بويه اخر مره تذكر من شبكتك
وكتلك تحبني وشفت نزلت دمعتك

صرت امسح الدمعه الجرت يالحاولت تضمها
وترد يبويه ارويحتي لو شيبتك اشمها
اشعر صرت غريب .. وجروحي ماتطيب

٤//

اسم الله شو وجه السما هالليله احمر
الله يستركم هلي وعنكم غدا الشر
آخ صدري بويه اضن صدرك تكسر
آخ ياكلبي واضن كلبك تفطر

باللحظه شو كلشي اختلف عينك يرب عليهم
ما ادري شنهو الي جره ومنهو الفكدته بيهم
ارحمني يامجيب .. وجروحي ماتطيب

٥//

بويه ضل يوجعني نحري شخيره نحرك
صرت اطيح شما كمت خوفي اعله ظهرك
آه بس لا ماترد عمري اعله عمرك
ان جان بعدك حي ترا ميته اني اخبرك

انت النبض وانت الهوى وكلشي ألي بحياتي
يالماخذتني بهالسفر وي اخوتي وخواتي
ماحسبت تغيب .. وجروحي ماتطيب باز کردن / نظر دهید

2021-08-20 12:39:19

باز کردن / نظر دهید

2021-08-17 07:35:38 في وجهكَ العرشُ العليُّ تجًسَد
في خَدكَ النورُ العظـــيمُ مُحمد
هذا علــي يا علــي في كَفِكَ النورُ جَلي
تَجَسَد تَجَسَد

1

أشرقتْ أنوارُ طــه في مُحرم صاغها نورُ جلـي
ســـيداً مـــن الٍ هاشــم يتقـدم واسمهُ كان علــي
من على الشهباءِ بالهيجا تَكلم بنشــــــيدِ يعتلـــي
أنني أبــــنُ الحسيـــنِ وتَبسم شِبهُ جـــدٍ كانَ لي

ياطلــــعةً منــها الفضاءُ تَنَور
يانفحةً منــــها الوجـــودُ تعطَر
في عينهِ صُبحٌ بدى في وجهِ بانَ النَدى
تجسد تجسد

2



راح للميـــــدانِ فــــي ذاكَ المُحيا خلفهُ عينٌ بكـت
عـــينُ ليلـــى فـــقدت وجــهِ عليا والى اللهِ أشتكت
وجهه كـــانَ يُزيـــد الشمسَ ضيا أيُ وجــهّ فقـدت
أخذت في خـــدرها تدعـــوا مليا نارَ قلبي سُجرت


عطشى على رؤيا صباحٍ أسفر
نادتـهُ ماعـــودتَني أنْ أُهــــجَر
واكبرا عُــــد ولــــدي صرتُ دموعاً ارتدي
تجسد تجسد


3


عَطِـــشٌ قلــــبَ علـــــيّ وتفطر ثـــــمَ نادى يا أبــي
ابتـــا هُ أن جسمــــي يتحـــــــفر وانا ابـــــنُ النبـــي
مســـــرعاَ راح حســيناً يتعـــثر لحبيبٍ طالبي
إذ رأى الاكبرَ مقتولاً تغيَّر صاحَ أي وا عجبي


جنـــبَ حبيـــبٍ ميتا يتمــــدد
حزني على جدي بنيَّ تجـــدد
ليلاكَ ضلت تنتظر في دمع عينٍ منهمر
تجسد تجسد

4
عادَ مقتولاّ الى ليلى مُقطّع قلبُها حرَّ لهُ
قد رأت اكبرُها للبيضِ مرتع عادَ فيهِ خيلهُ
أنَّةٌ من أبنها المذبوحُ تسمع صارَ جُرحاَ كلهُ
ولدي هلَّا ترى عينيَّ تدمع رامَ قلبي خِلهُ

نادت فلاخيــراً ارى فــــي عُمري
لا خيرَ في نوحي ولا في صبري
يا اكبراً من قطعك هذا عليٌ شيَّعك
تجسد تجسد


٥)

قطعوا بالسيفِ اوصالَ محمد فعلى الدنيا العفى
ولدي قلبي بنيرانٍ توقد صوتُ سبطَ المصطفى
وعلى الاكبرِ مُشتاقاً تمدد وهوَ جُرحٌ ينزفا
صاحَ إن القلبَ محزونٌ ومُجهد آهِي ما هذا الجفا

أني أرى فيكَ النبيُ توزع
قلبي بسيف الشوق فيكَ تقطع
وللهِ زادت حُرقتي .. من بعدكم واضيعتي
تجسد تجسد باز کردن / نظر دهید

2021-08-17 07:35:38 يا أول حسين .. راح من اديه
اشتاكتلك العين .. هاي المسيه
دورت خيمتك .. ماشفت صورتك .. يبني يبني
__________________________

يا أول جروح الكلب .. وعيوني تربي اعله الدرب
رد ليه يمه .. رد ليه يمه
انتظرك بفارغ صبر .. ذبلت رياحين العمر
والخيمه ظلمه .. والخيمه ظلمه

يالاكبر لو عدل بعدك دحاجيني
مسافة موت يبني البينك وبيني

القاسم يتانيك .. تزفه بجفوفك
يوليدي اناديك .. ارجعلي اشوفك
انتظر رجعتك .. ماشفت صورتك .. يبني يبني
___________________________

هم ترجع ونكعد سوه .. ومن عطرك اشتم الهوى
يالفاركتني .. يالفاركتني
صاير يبعد امك جرح .. وبصدرك شخله الرمح
اليا هم عفتني .. اليا هم عفتني

صدك ميت يايمه وهذا اخرها
وصدك يالغالي عيني الليله تهجرها

يالطلعتك نور .. وين الكه منك
ماضني عاشور .. يبعدني عنك
طولت غيبتك .. ماشفت صورتك.. يبني يبني

______________________

يبني ودليلك طاوعك .. تهدني وتروح المصرعك
وتفارك امك .. وتفارك امك
وجهك ذبل من الألم .. جنت انت المضوي الخيم
مشتاكه اشمك .. مشتاكه اشمك

علي يمه شكثر طبرات البجسمك
شضمد ياجرح يا طبره التألمك

مهرك رجع بيك .. تروي الارض دم
اشتاكيت احاجيك .. وبعطرك اشتم
ارتوي بشمتك .. ماشفت صورتك .. يبني يبني

__________________________

ها يمه اسمعك من تون .. اعرف كمت ليه تحن
كلبي تفطر .. كلبي تفطر
بدموعي اجيت اتوسلك .. ترجع دليلي اشتاك الك
اكعد يالاكبر .. اكعد يالاكبر

جنت اتنفسك انت هوى روحي
اعيش شلون بعدك يا دوه جروحي

بدرب السبي شلون تخليني وحدي
وسياط المتون شتخلي عندي
ياسمه بطيحتك .. ماشفت صورتك.. يبني يبني

___________________________

يامن جنت مثل الكمر ليش شكثر بيك الحفر
خليني المك .. خليني المك
اكعدلي اشبكك يالولد .. يالباقي راس بلا جسد
وبروحي اضمك .. وبروحي اضمك

وداعا يبني يم الزهره نتلاكه
وداعا يالعفتني بحزني مشتاكه

روح الله وياك الجدك يالاكبر
خل يرتوي ضماك لسانك تكسر
اذبل بفركتك .. ماشفت صورتك .. يبني يبني باز کردن / نظر دهید

2021-08-17 07:35:38 الهي بعلي وانت العلي رجَّع علي اليه
الهي بغربتي وبدمعتي لاتاخذه المنيه
________________________
ينور وطلع نورك من خيامه
الهي اتوسلك رده بسلامه
شبيه المصطفى بخلقه وكلامه
برز أول فتى يمثل عمامه

الهي بفاطمه نور السمه لا تٍبعده عليه
الهي بغربتي وبدمعتي لاتاخذه المنيه

________________________

بعد ماعندي غيره وانت تعلم
اخذ روحي وطلع من المخيم
الك مديت اديه وجفني هل دم
يأكبر رد الاكبر كلبي مهتم

الهي بكل نبي وبكل وصي فراكه صعب عليه
الهي بغربتي وبدمعتي لاتاخذه المنيه

___________________________

دعاء الفاكده يارب تسمعه
ردت شملي بعلي الاكبر تجمعه
انه ليلى الأنادي وكلي دمعه
يمن رديت يوسف ابني رجعه

الهي بكل ملك اتوسلك وبعبرتي الجريه
الهي بغربتي وبدمعتي لاتاخذه المنيه

___________________________

امانه بحضرتك ياربي الاكبر
الهي حارسه كن بالمعسكر
برز عطشان عنه خفف الحر
يربي بعينك ابني شو تأخر

الهي بونتي رد ضنوتي ياصاحب العطيه
الهي بغربتي وبدمعتي لاتاخذه المنيه

__________________________

يربي حسين هذا يناطر ابنه
دعيناك بدمع اسمع طلبنه
رفعنه جفوفنه وانت تحبنه
نريد تسلم الاكبر يربنه

الهي والكلب ناره تشب ياربي بالزجيه
الهي بغربتي وبدمعتي لاتاخذه المنيه

___________________________

الك مديت اديه اني الغريبه
يربي بالحسن ابني تجيبه
الهي ينكسر كلبي بمغيبه
قهر يكظي الحبيب بلا حبيبه

الهي والأمل بيك انعقد ياراحم البريه
الهي بغربتي وبدمعتي لاتاخذه المنيه باز کردن / نظر دهید