قناة أشعار خادم خدمة اهل البيت عليهم السلام

2020-08-07 13:27:16 اتقدم لكم بأجمل آيات التهاني والتبريكات لذكرى
يوم البيعة، لولي الله الاعظم الامام علي بن ابي طالب
في عيد الغدير الأغر،
عيدكم مبارك و ايامكم سعيدة


يا دليلي عوف كل شي بيعلك
وصّه بل ثِقْلين طاهه بيعلك
كل نبض رتّل يحيدر بيعلك
يا امامي ابرگبتي الحد الممات

عادل الصخراوي القريشي

https://t.me/adelsakhravighoreshi باز کردن / نظر دهید

2020-07-21 22:38:09 بس لا محرم هل سنه زينب وحيده
وحسين لا ناصر اله او لا هم عضيده
لا مجلس اقرايه او ولا منصوبه لخيام
او شمر الكورونه للفلك يوصل غريده
يل باني بگلوب اليحبونك مواكب
ما تطفه جمرة شيعتك تدري التريده
وفقنه ربي النصرة احسين او فكرته
هاي السنه وبكل سنه اعلينه عيده

عادل الصخراوي القريشي
https://t.me/adelsakhravighoreshi باز کردن / نظر دهید

2020-03-27 22:31:11 العگل شابع ملذّه من هو احسين
اصيل او حُر ضميره من هو احسين
اخبرك يل تناشد من هو احسين
النبي من عنده وهوه من نبيه
عادل الصخراوي القريشي
https://t.me/adelsakhravighoreshi باز کردن / نظر دهید

2020-03-23 22:47:18 القافله تسير والمنايا تحوم عليها
٢٨ رجب خروج الامام الحسين من المدينه الى مكه
شابگني وجفونك دميه
راسي تمسحه اتحب اديه
اتعاملني امعامل يتامه
لسباني گلبي او نار بيه
اتگلي نتلاگه يه بتي
يا صوب ادورك يا نويه
تنظرلي احس نظره اخيره
او شديت ضعنك للمنيه
عادل الصخراوي القريشي

https://t.me/adelsakhravighoreshi باز کردن / نظر دهید

2020-01-27 15:17:30 كسر گلب الرجل ماينسمع صوته
او لو فارگ حبيب اهوا يحن موته

مدري ابچي اعله امي لو عله الكرار
وشوف اثنينهم موته ابفعل غدّار
جثه الگبر منزلهه او جسد دوار
ذابل ولدموع امخاويه اسكوته

من يدفن علي امي اخذ روحه
وسدهه ابلحدهه اشكثر مجروحه
تنزف وجع ولآمال مذبوحه
بيد اهل الضغينه العارفه قوته

متوجر دليله او حالته حاله
المهاجر حبيبه ما رچد باله
ولا سلهم جفن لا عايش ابداله
ما تسمحله نفسه او حبه ومروته

يطب البيت ولدمعه ابكتر عينه
دار ابدار يبحث عله تسكينه
يطلع محزن او يفرك ابايدينه
يعاين كل كتر بعيون مبهوته

وآنه انظر علي متغيّره ارسومه
لا يهده ابجعدته لا هم ابنومه
عگب امي الخذاهه الموت مظلومه
والدمعه اعله خده احساب منحوته

تالي الليل اشوفه يعتني بره
يتعنه النخيل او منجلب عبره
دنّج عله بير او ينحب الزهره
چن خاتم ينوح ابفگد ياقوته

يحضنّه او يشمنه او دم يكت العين
آنه او يوز خواني الحسن وحسين
يا زينب يگلي استهدفاچ البين
كل احنه تشوفي ايفوت تابوته

عادل الصخراوي القريشي

https://t.me/adelsakhravighoreshi باز کردن / نظر دهید

2020-01-09 22:03:56 نرو زهرا نرو جانا

كجا، گلِ بهارِ من
كجا، روحُ قرارِ من
كجا، هميشه يارِ من
علي به بندِ تزويره
علي هواتو ميگيره
علي نباشي ميميره
نرو زهرا نرو جانا
تويي كه محرمِ رازي
تويي ختامُ آغازي
تويي كه من رو ميسازي
بمان كجا رهسپاري
بمان تو جانُ قراري
بمان كه تنهام نذاري
نرو زهرا نرو جانا
قسم به تارِ مويه تو
قسم به عطرُ بويه تو
قسم به آبرويه تو
علي شكسته بالُ پر
علي به پشتِ او خنجر
علي شرمندتر همسر
نرو زهرا نرو جانا
اگر نبوده قرآني
اگر نه عهدُ پيماني
اگر نه نشر ايماني
كنم من خيبري ديگر
كنم جلوه گري ديگر
كنم يك محشري ديگر
نرو زهرا نرو جانا

عادل صخراوي قريشي

https://t.me/adelsakhravighoreshi باز کردن / نظر دهید

2020-01-08 21:16:01 ذكريات زينب

شاهديتچ
يمه بين الحايط او باب اليگب
شاهديتچ
بلوجع مرهوبه لا واحد يطب

يمه وجهچ شفته مدمي او تهمسي ربي الامان
يمه ردت اتعنه اشبگچ لچن خنگاني الدخان
النار حاطتچ ييمه وللهب طالگ عنان
شاهديتچ
شمعه ذبتي امنل عصر ومنل ضرب


يمه شفت الباب مسعر ولخلگ رفسو عليچ
امنل حرگ ما بيهه قوّه تدفعه عنّچ اديچ
هِيچ حايط ماله منفذ وللهب ولباب هِيچ
شاهديتچ
ونتي درب الله او تدورين الدرب

العبايه احترگت اعليچ او جعدتي شاهديت
والدخان ايحيط حولچ بيه متحجبه رأيت
مثل ما وجّر بخنگچ يمه آنه وجّريت
شاهديتچ
لايذه او تتخفّي من عين الغُرب


يمه يمه او من شهگتي روحي شهگت حِضرتچ
تنظر البسمار كاسر للضلوع او طرحتچ
محسن اعله الگاع طايح فضه ركضت حضنتچ
شاهديتچ
بيدچ اتشيلين اخيي امنل ترب


عاينيت الغصنچ الريحان ذابل من وگفتي
فضه تچتلچ وشوف ابذانهه ابهيده همستي
حيدره لنخبره هسه بل حدث ولّي نظرتي
شاهديتچ
خايفه اعله الوالد او دمعچ يصب


عادل الصخراوي القريشي
https://t.me/adelsakhravighoreshi باز کردن / نظر دهید

2019-10-17 21:32:19 تلهَّب الفؤادُ شوقًا و تضرّما
مترنمَ في هواكَ و متيما
ألا من عليك تجمعتْ مصائبٌ
و ارادَ القومُ ذكركَ يعدما
شاءَ الالهُ خلودكَ رُغمَهم
تسعى اليك الخطواتُ و تُحْرِما
يا مَن أعطى الوجودَ بنحرهِ رونقا
و غَدا للاحرارِ اسوةً و مغرما
تهوى اليك الافئدةَ سيدي
و نهجكَ اصبحَ نبراسُ مُعَلِّما
اوْجدتَ للفطرةِ السليمةِ منهجًا
على الطغيانِ سبط المعظما

عادل الصخراوي القريشي
https://t.me/adelsakhravighoreshi باز کردن / نظر دهید

2019-10-11 04:42:53 لبواليمه للموت وفايه
نعتنيله بخلاص مشايه


يا امام ابن الامامي
سبط سيدهه الانامي
بضعة الزهره البتول

وي مرد الروس اجينه
انواسي الحره الحزينه
رغم كل طاغي او عذول

صدگ بل طف ماحضرنه
لچن انظرهه دمعنه
تهتف ابإسمك تگول

احسين صاير للروح الغايه


انته وصحابك حييتو
دين ربنه من صفيتو
وذر بتراب الطفوف

دمكم اعطه الشرع قيمه
يل هزمتوهه الهزيمه
النهج فاز اعله السيوف

مجد درّستو الضماير
مايموت العاش ثاير
عل ظلم لو صد حتوف

تعتلي الاكوان الكم رايه


كسر خشم الماي اخوك
او كفو نعمين ابن ابوك
الاسد عباس الوفه

وبنك الاكبر تحزّم
چنه حمزه من تجدم
يطرد المنكر صفه

او هلله هلله العاف عرسه
جاسم اللي بذل نفسه
شمعه للحگ ما طفه

والاصحاب البل مراجل آيه


زينب الحره اسيره
من خذوهه ديره ديره
تشرح اشصار او جره

يوم عاشر من محرم
ويه قرآن المكرم
والنفسْ لمخدره

فضحت ايزيد او عصبته
اشسوه بل هادي او عترته
لربعينك تنشره

ثورتك ما الهه اي انهايه


صافن العالم تحيّر
مايردنه اشما تغيّر
عدو لو حر او برد

يمن فارشهه سفرتك
من سكنه الحد حضرتك
تچرم الجاك او يرد

وبوفاضل اليعزّب
وابن ظاهر طلبه يكتب
لل اجو فرد ابفرد

ما تخيّب رجه يا مولايه

عادل الصخراوي القريشي


https://t.me/adelsakhravighoreshi باز کردن / نظر دهید

2019-09-30 01:15:19 كربله او مشايه اشعظمهه الآيه
المايشوف احسين عايش بـ الوجود
اهوه والميت سوه عوفه اللدود


هل ملايين التشد للـ طف رحال
تطوي ابهمّه مسافات الطوال
ناشره ابـممشاهه عنوان المقال
يـ التحب احسين ويانه تعال
نحضر ابن الزهره انطوف كلنه ابگبره
الما يلبّي الفطرته ابوكت العهود
اهوه والميت سوه عوفه اللدود


رايه رايه وره رايه تستدير
بـربعين احسين واگلوب التطير
عله اجناح الشوگ ارباب الضمير
والمواكب عامره ابطول المسير
هله بل زاير هله هله ابگاصد كربله
ياهو الينكرهه كل هاي الحشود
اهوه والميت سوه عوفه اللدود


من الاهواز الحبيبه الكربله
للمحمره والشلمچه المرجله
ولخفاجيه لحد السابّله
منفذ الچذابه كلهه امهلهله
هله زاير مرحبه الك كلشي التطلبه
لايهمك حچي اي واحد حقود
اهوه والميت سوه عوفه اللدود


واهل العراق الحمل يمهه ينوخ
كظهه من البصره حد سوگ الشيوخ
والعماره او ناصريتهه الشموخ
امسابگ ايعزبون والعالم يدوخ
شنهي هاي الوادم تچرم الكل قادم
رغم انف العدو اتنادي ابصمود
اهوه والميت سوه عوفه اللدود


اتشوف اهل النجف تفرشهه الجفون
طالعه تتلگه زوار اليجون
تحرِم المشايه عدهه او يگصدون
الطواف احسين رغم المغرضون
ترفع الهه رايه ساعيه المشايه
عمه المايگدر يشوف الهل وفود
اهوه والميت سوه عوفه اللدود


من عمود الاول الحد الگمر
يعني من حيدره العباس السفر
تزكيه او عرفان ايثار او فخر
والسفينه احسين منجاة الخطر
ربنه گل الطاهه والنبي علناهه
متم نوره الله او كلمن جحود
اهوه والميت سوه عوفه اللدود

عادل الصخراوي القريشي





عله انغام المحبه والخداميه
الك يحسين شاع الشوگ طاريه
گلبي ابكل نبض يرفعلك الرايه
روحي الكربله مولاي مشايه

يه معشوگ الضمير المستنير ابگلب عشاقه
حكاية معرفه متشرفه للنفس إشراقه
مداد امنل غرام ايدث هيام الروح اوراقه
يوقّع ياهو خدماني احضرنه
وأنه البيدي اوسده وآنه اجبلنه
شايع خادمك للناس طروايه
روحي الكربله مولاي مشايه

يمن گطر النده منك بده وكتسب تبجيله
واخذ من گبّتك ومحبتك عتبار تقبيله
معه وكت الفجر حين اليطر بـآذان تنزيله
ينادي امنل طفوف او معتني قادم
لرواح التحب احسين متوالم
وآنه امنل شجون امسابگ اهوايه
روحي الكربله مولاي مشايه

بعذوبة حنانك والتفاتك اصبحت والي
علانيه اوهمس هاي النفس تفداك يل غالي
متعرّش دليلي يا خليلي او بيرقك عالي
عله اجناح الموده اويه الدمه تسري
وتلالي ابعيني دمعي من يجري
نار الفرگه تدري حيل چوّايه
روحي الكربله مولاي مشايه

يبوطبع الشجه والمرتجه ابكل كرب وآلامه
العادل بين اخوته لو ضنوته او بين خدامه
عطر ريح المريح المنتشر للباري بـآنامه
يلمغازل هواجس شاعر ايوصفك
يبو چلمة علي لل لاطم ابلطمك
يامن بل محبه منعرف آيه
روحي الكربله مولاي مشايه

الي ابليل الذنوب اشما اتوب اتكون گمرايه
اطوفك يللي اشوفك نفس تجري او صاير الغايه
اعشگك عله بختك لا تهدني رجه مولايه
اظلن دوم بسمك افتتح يومي
وبذچرك اسامر حد مجي نومي
اكابر عل بُعد يا عشگ دنيايه
روحي الكربله مولاي مشايه

عادل الصخراوي القريشي

https://t.me/adelsakhravighoreshi باز کردن / نظر دهید