السلام عليكم ورحمة الله وبركاته عندي شوي كلام للطلاب والطالبا | الكيمياء للاستاذ عدنان القريشي طلاب السادس 2021
السلام عليكم ورحمة الله وبركاته عندي شوي كلام للطلاب والطالبات إلي طلعت نتائجهم بالأخص جماعة معدلات الحرجة او معدلات الي من 90 ل 95 هم مو فقط الحرجة اول شي احنا بالحياة لازم نتعلم على شغلة انو احنا مو بالأشكال ولا بالأسماء ولا بالوظائف انو اكون مدرس أو اكون معلم أو اكون طبيب أو اكون صيدلاني بقدر ما يكون عندي قيم هاي القيم هي الي تحدد الإنسان تمام انو شغلة مهمه جدا جدا انو هنالك قيم القيم إلي اني اكون بيها سواء كنت معلم أو موظف أو طبيب أو صيدلي هاي القيم إذا زرعتها بالناس وجابت ثمارها فا مايضرني ايش كنت حتى لو كنت عامل، لذلك لازم نكول الحمدلله لأن هاي إرادة رب العالمين لذلك الإنسان لازم يرضى بلي هو بي ويحاول يطور نفسو لما يروح كلية ومعدلاتكم ابد ابد ما قليل لكل شخص منكم لان تعبتوا ما شاء الله يعني معدل من 70_95 هاي معدل حلو كلش شي راقي يدل على رقي الإنسان يدل على معلوماتو يدل على فهموا على تعبو وذكاء إلي عندو لكن الله ماقدر نصل للشي الي نريدو وبالتالي كلنا لازم نفكر انو الله يريد واحنا نريد لكن دائما أرادة الله احسن من إرادتنا ليش لأن احنا مانعرف شنو الي يضرنا والي يفيدنا بينما رب العالمين يعرف شنو الي يضرنا والي يفيدنا دائما يختار الي يفيدنا. ومرات رب العالمين بشي الي ما نشوفه يخيرنا اختيارات اما يعطينا حلمنا بمقابل يعني مثلا هسه اني اريد اشتري فد ملابس أو فد شي استلم القطعة وانطي فلوس تمام لذلك مرات الأقدار تعلمنا انو انطيك شي اخذ منك شي اذا انطيك معدل الي تريدو اخذ يعني اقبض روح أمك أو اقبض روح ابوك أو اقبض روك اختك ( اسم الله عليهم كلهم) ما انطيك المعدل بس حافظ على هاي الروح كذلك لازم نتعامل مع الاقدار انو شي إلي صار هو خير النا انو منع منا شي واعطانا شي اخر انو منع منا تحقيق حلم ابتلانا بشي بس بالمقابل نجانا بشي أَكبر لازم دائما نخليها ببالنا انو اكو أشياء بيها مقابل لذلك انا أكول الحمدلله ياربي ما انطيتني شي الي يضرني بتالي انطيتني شي مهم جدا، ممكن ينطيني المعدل واصير ما زينه انقلب على نفسي انقلب على ديني ممكن ينطيني المعدل وافقد امي أو أبويه (اسم الله) لأن الحياة بيها توازنات ومن التوازنات انو يروح المفضل ويجي الأفضل منو. لذلك كولوا الحمدلله على كل حال كولوا اني راح ادرس راح أطور نفسي بالمجال الي اني بيها اني راح ازرع سلام داخلي واطمئنان وحب بالمكان إلي اني بيها وارفع من مستواي لأن حلمي هسه بلش وراح اصير دكتورة بالمجال الي اني بي واصير انسانه عندي قيم وهاي القيم ازرعها بالناس حتى هما هم يزرعوها بالناس واكون شجرة صالحة لكلشي بيها خير. (نترك أثر نكتسب منو اجر ليوم الدين) وبالاخير يبقى هذا هو الخير الذي اختاره الله ورب الخير لا يأتي إلا بالخير اختكم نرجس @dhat_athar3 : #نرجس_ذات_اثر
