2022-02-17 19:43:54
شلون اضبط الفصل الثالث الاتزان الايوني
اولا.ً المواضيع تجي وزاري
بفر و الذوبانية و تعاليل الاملاح والايون المشترك
وتعريف وفراغات من الاسئلة البسيطة بداية الفصل
كل المواضيع تدرسها من بداية الفصل الى موضوع الايون المشترك عبارة عن اساسيات لازم تضبطة يعني اذا ضبطته مية بالمية راح تضبط الفصل رغم تشوفه سهلة تأكد بأن سهل وي سهل وي سهل يساعدك تفهم صعب لذلك لازم لاتستهين بشي، من بداية الفصل
لازم تحفظ الحوامض والقواعد الضعيفه والقوية
وتحفظ تطبيقات اللوغارتم وشلون تتعامل وياة بلاسئلة
لازم من توصل كل موضوع تكتب قوانينة وتكرر الكتابة عدة مرات وفهم وحفظ وتحل كل الاسئلة ورقة وقلم
موضوع الايون المشترك وبفر كلش سهل مابي فكرة مجرد قانون اذا ظابط قوانينة وتعرف نوع الملح مسيطر علية
الذوبانية لازم تتعلم اولا شلون تكتب معادلة ملح شحيح الذوبان وبعدة تحفظ القوانين وهي اجزاء
الجزء الاول اسئلة الذوبانية المولارية والذوبانية الغرامية وعلاقتهم بحاصل الاذابه كلش سهل ممكن بية صعوبة بلارقام
الجزء الثاني اسئلة الحاصل الايوني واقل دالة حامضية مابية شي صعب مجرد خطوات وتفهمة
الجزء الثالث تأثير الايون المشترك على الذوبانية لازم اولا تفهم الشرح وشلون تكتب المعادلة وياهو تهملة من المعادلات بحيث الايون المشترك تهمل قيمتة بلالكتروليت ضعيف وتاخذ قيمتة من الالكتروليت القوي (الملح). زين استاذ والمولات منين نحسبة هنا نعتمد على مولات الالكتروليت الضعيف...
والايون الثاني بلالكتروليت ضعيف نحسب قيمتة والايون الثاني بلالكتروليت القوي نهمل قيمته
يعني الايون بالالكتروليت القوي الي مشترك نحسب قيمتة
والايون الي بلالكتروليت الضعيف الثاني نحسب قيمتة
والباقي نهمل القيم
هنا اكثر الاسئلة الوزارية تجي على هذا الجزء
الجزء الرابع وهو تأثير الاس الهيدروجيني على الذوبانية
اولا نفهم الشرح ولازم نعرف هنا يجي ملح شحيح بية OH- بس هو بلاصل قاعدة بس لان يسلك سلوك الاملاح الشحيحة صارت اسئلتة وياهم هنا اسئلته تقريبا مو سهلة ويرادلة تركيز وفهم
بعد ماتكمل كل جزء من الذوبانية تروح تقرة وزاريات بفر والذوبانية بحيث تضبطهم لان كلش مهمات
ولازم تعرف اكثر فصل تجي علية درجة ثالث
اذا طبقت كل الكلام الفوك راح تشوف الفصل سهل
والله يوفقكم ونتمنالكم النجاح
الاستاذ عدنان القريشي
121 viewsعدنان القريشي, 16:43