2021-09-13 19:05:03
الفرق بين الخصوصي واليوتيوب
اليوتيوب الايجابيات تكدر تعيد المحاضرة بأي وقت تريد
تكدر بكيفك تحول على المدرس اليعجبك
السلبيات ماكو اجبار للدراسة بحيث جدول منظم وتلتزم بي ماكو امتحانات يومية وشهرية
الحل
تسوي جدول مرتب وتعاهد نفسك تلتزم بي... وكل طلاب العام 2021 عدهم جداول... خاص بكل طالب... العام.. خلال دراستهم ...
تشوف قنوات تلكرام اما دورات مجانية او دورات الكترونية مو مجانية او قنوات تسوي اختبارات
وابتعد عن المدرسين الياخذون على الدورات الالكترونية مبالغ هواي لان مجرد شرح يشبة اليوتيوب وامتحانات
واذا دزيت سؤال لو يجاوبك لولا بعتبار هو مشهور
الخصوصي
الايجابيات دراسة وتنظيم وقت وامتحانات شهرية ويومية ومتابعة
السلبيات
ياخذ من وقتك هواي بحيث ماتلحك تدرس اذا دخلت بكل دروس لازم تدخل بثلث دروس او اربعة مو اكثر
واذا دفعت القسط بعد ماتكدر تغيرالمدرس احتمال بالبداية اول فصول تفهم علية وبعدين لا
بالنسبة للدراسة المجانية فهي اليوتيوب
اما تجارب المدرسين المجانية بالواقع فشلت
ومحد التزم وحسب كلامهم وحتى الالكتروني المجاني
قليل طلاب تلتزم وهذا من تجارب هواي مدرسين...
شلون اختار المدرس باليوتيوب
اهم شي تفهم على المدرس جرب اكثر من واحد
لحد ماتثبت على واحد وماعليك بغيرك لان كل طالب يفهم على مدرس معين ومهم يكون عندة ملزمة مرتبة وشاملة تكون مصدر دراستك والمدرس... هو استاذ تستعين بي لفهم المادة.. وتكون علميتة كاملة وطريقتة بالتدريس تفهم علية... وي مرور الوقت تتعود علية...
ولازم يشرح بالتفصيل ولكل مستويات الطلاب ويشرح بهدوء مو سريع ويشرح الاساسيات ومكمل المنهج
الاستاذ عدنان القريشي
572 viewsعدنان القريشي, edited 16:05