جاسم يسمع صوت حسين،،،هيهات الذله لا ناصر ضله ولا امعين،،، | قناة الشاعر ابو عمار الدراجي🇮🇶🇮🇶
جاسم يسمع صوت حسين،،،هيهات الذله
لا ناصر ضله ولا امعين،،،هيهات الذله
العمه اتعناله وحاچاه
موتي اگبالك ما احلاه
هيهات الذله
،،،،،،،،،،،،،،،،،،،
ياگلب يحمل مصايب مثل ابو اليمه ورزيه
صحبه واولاده وخوته صرعى كلهه اعلا وطيه
والضمه گطع دليله والكسر ضهره اخيه
عل نهر گطعوا يمينه ،،، وبل سهم طفوله عينه ،،، زينب اتنادي انولينه ،،، ياهلي يهل الحميه
بين البيت بين اعداه ،،، لدور چتله
واگف سد من اليداناه ،،، لدور چتله
ولن جاسم يرفع هلصوت
دونك اعشگ عمي الموت
هيهات الذله
،،،،،،،،،،،،،،،،،،
يبني ارجع للمخيم هاذي وادم كلهه نقمه
حاذر يصيبك غدرهه وجرحي ياجاسم تلچمه
انته من عودك امانه خايف اصوابك يألمه
يبني لمك منهو ألهه ،،، انته واحد بيك أملهه ،،، لو طحت تكثر عللهه ،،، عليهه بعدك دنيا ظلمه
يبني العسكر كله اشرار ،،، ليصيبك نبله
تطلب ثار من الكرار ،،، ليصيبك نبله
فدوه ايگله الروح تروح
ريت اصبح گبلك مذبوح
هيهات الذله
،،،،،،،،،،،،،،،،،،
بصبرك اقسم ياحبيبي من الشهد احله المنيه
دونك وامي ارسلتني وهاذي من عودي الوصيه
لو شفت عمك ينادي يبني بارض الغاضريه
واكف يدورله ناصر ،،، يعينه وتحيطه المخاطر ،،، درعي البسه وسيفي حاظر ،،، احصد افلول آل أميه
امودع بالله يا جسام ،،، والدمع ايهله
تزفك يبني اليوم سهام ،،، والدمع ايهله
اقبل بس سالم يحسين
تبقى وما تهملك عين
هيهات الذله
،،،،،،،،،،،،،،،،،،،
شبل ابو محمد لفاهه يرتجز ماضي بيمينه
زلزله ونزلت عليهم والنحور امست رهينه
لسيفه والطف منه يرجف مابقت رايه أمينه
من بُعد عمه يراقب ،،، حملته ودلاله ذايب ،،، خايف اعليه الكتايب ،،، بل دمع غرگانه عينه
حاطت خيل العسكر بيه ،،، وبعيده اهله
سهام ارماح الكل ترميه ،،، وبعيده اهله
غفله تصوب منه الهام
طاح وردد ما ننظام
هيهات الذله
،،،،،،،،،،،،،،،،،،
عل رمل طاح وينادي مني الك عمي التحيه
ايگله رويته حسامي من دمه ولد الدعيه
هذا جدي الهادي يمي والوصي وامي الزچيه
جابواالماي ورفضته ،،، عمي گبلك ما شربته ،،، أدري گلبك ضامي عفته ،،، والعطش ناره سريه
خَبر التنطر وسط خيام ،،، أبنچ يارمله
حنه الچف ابدم الهام ،،، ابنچ يارمله
خالد يبقى ليوم الدين
صوت اليرعب للطاغين
هيهات الذله
،،،،،،،،،،،،،،،،،،،
لخادم خدمة الحسين ع
ابو عمار الدراجي
https://t.me/adoamar
