خويه الخيم حرگوهه ،، وزينب بعد سلبوهه من طيحتك تدرينه ،، ابلاي | قناة الشاعر ابو عمار الدراجي🇮🇶🇮🇶
خويه الخيم حرگوهه ،، وزينب بعد سلبوهه
من طيحتك تدرينه ،، ابلايه ولي ظلينه
أم الخدر شافوهه ،، خويه الخيم حرگوهه
،،،،،،،،،،،،،،،،،،
يدري الكفل،،بعده شعمل،،شمر الخنا من جاني
سلب حرم،،احرگ خيم ،، يوم الذبح لخواني
خيل وزلم غارت على اخيمك ولينه
مثل النحل جيش العده وألتم عَلينه
لاوالي عدنه بس حرم گلي اشبدينه
وگمت اسمع باذني شتم امي وعلّينه
أعيالك فلا هابوهه ،، اطفال وحرم گيدوهه
لراعي العلم نادينه ،، چتفوا يخونه أدينه
أم الخدر شافوهه ،، خويه الخيم حرگوهه
،،،،،،،،،،،،،،،،،،
صوب النهر ،، درت النظر ،، انخه وحشم الوالي
وينك صحت،،حي لوطحت،،انغر يخويه الحالي
بأسمي الشمر خويه نده آنه العقيله
بصيواني چنت محجبه هاذي ثجيله
ذياب العلي گامت تصد دمعي اسيله
تبره غرب ضعني وسف رحله طويله
اختك يخي طلعوهه ،، فوگ الهزل صعدوهه
الحارس على الضعينه،،الوادم تناشد وينه
ام الخدر شافوهه ،، خويه الخيم حرگوهه
،،،،،،،،،،،،،،،،،،
رد الصده ،، يل ناشده ،، ودمعچ اشوفه هالي
ويه اللوه ،، چفه هوه ،، عل غبره مرمي الغالي
يمينه ويساره من الزند اضحنة گطيعه
جود وعلم يبچن بقن فوگ الشريعه
من بعدابوالغيره صرخن ضيعتنه ضيعه
صحت الدهر بيه اشعمل يالل الفجيعه
ايگلي وبعد صوبوهه ،، عينه بسهم طفوهه
ابعتبچ تره تاذينه ،، ومايحمل اتخبرينه
ام الخدر شافوهه ،، خويه الخيم حرگوهه
،،،،،،،،،،،،،،،،،،
بيكم يمر ،، درب اليسر ،، المنظر فجع دلالي
يمكم ردت ،، ابقى وكت ،،حد ماتذوب اواصلي
يبن امي صحت اعل رمل نايم يمدلول
حي چنت اظن وحشمت ماظني مچتول
من ناگتي الجسمك ملت دلالي مذهول
ماكو عظم منك سلم ما داسته اخيول
صدر وضهر سحكوهه،، جثتك يخي گطعوهه
نحرك سمعت اونينه،،راسك يصدلي بعينه
ام الخدر شافوهه ،، خويه الخيم حرگوهه
،،،،،،،،،،،،،،،،،،
غابت درر ،، شفت ابحر ،، دم وغطاهه الذاري
نور الارض،،حبهم فرض،، ودهم يرضي الباري
الوني تون خويه الارض وياهه الأكوان
ساعة شفت فوگ الثرى متذبحه اخوان
ياريت اصيح بكربله موتي يخي چان
ولااعوفك ابلايه دفن وامشي ويعدوان
اختك تظل منعوهه ،، ابگيد اليسر مشوهه
الشامت يصيح علينه،،راح الذي تحشمينه
ام الخدر شافوهه ،، خويه الخيم حرگوهه
،،،،،،،،،،،،،،،،،،،،
لخادم خدمة الحسين ع
ابو عمار الدراجي
https://t.me/adoamar
