عيوني من الدموع الشوف كفن ولا گلبي يخويه اعليك كفن الك | قناة الشاعر ابو عمار الدراجي🇮🇶🇮🇶
عيوني من الدموع الشوف كفن
ولا گلبي يخويه اعليك كفن
الك عباس عل تربان كفين
طاحن ونهدم سور الحميه
،،،،،،،،،،،،،،،،،،،،،،
لون همي على الجلمود چا ون
يذوب ولا يحمل الگال چا وين
كفيلچ ما دره سهمين چاوين
الگلب والعين من صرخت رقيه
،،،،،،،،،،،،،،،،،،،،،،
ليالي الفرح گلبي ما يونه
ونبي يعگوب وني ما يونه
حدونه اجناب وهلي ما يونه
شعجب يرضون زينبهم سبيه
،،،،،،،،،،،،،،،،،،،،،
زماني اهموم كثره ورثاني
وسهم چتال يرمي ورثاني
احبه السال دمعه ورثاني
وحبيب ايقيده بسجل الزچيه
،،،،،،،،،،،،،،،،،،،،،
الدهر لاوين عن اهلي تلفني
غريبه امشيت وسهامه تلفني
ردت عباس بل رايه تلفني
ولا شامت يگول اختك سبيه
،،،،،،،،،،،،،،،،،،،،،
ظمايه العيس بالدمعات يردن
ولفتني هموم مني عظام يردن
حجابي شلون گلي تصير يردان
عگب ما چان رايه الهاشميه
،،،،،،،،،،،،،،،،،،،،
عبينه من سياط اعداي يردن
وعدي ايتام مني الماي يردن
بعد راية چفيلي اتصير يردان
حجابي وناس تنظرني اجنيه
،،،،،،،،،،،،،،،،،،،
،،،،،،،،،،،،،،،،،،،،،،
لخادم خدمة الحسين ع
ابو عمار الدراجي
https://t.me/adoamar
