اابو ندى : وانا ماعد بش كلام ازيد اقوله بعد كلامش يا ام فارس البنت بنتنا كلنا وانتي قد انتي ام الكل.
جمال مقعي(مفهي) للطاقه حق امه : من هي هذه يا اخوتي! امي طبيعيه ولا جلستا وحدها اثرت عليها ندي شيخ يقرا عليها او كيف الخبر يا خبره ابقصوني ادرا اننا ماببنحلمش
يوسف بقصصصصه
وليد مسك وجهه جالس يلطمه كف يمين كف يسار فارس جالس بقعته بيدي لهم أوامر
ابو ندى شافهم ضحك وخرج وهو فارح انه ماكسر بقلب بنته.
ندى في الطاقه فارحه جريت تكلم امها
جميله دخلت وقفلت الطاقه.
ثاني يوم..
جميله جالسه قدام دولابها تخرج بالطو من القديمات حقها وبرقع مختلف وكفوف لليد ولبستهن ومراعيه اسيل تخرج من غرفتها اول ماشافتها نزلت لحقتها..
في الصاله
وليد بيصتبح خرج الشيك: ها سير اشتري شنطة الخطبه
فارس رد الشيك: انت عاد انت ي اخي بدايه مشروعك لاتهم ولا شاديله انا
وليد بضبح ناوله الشيك مره ثانيه : ناااهي درينا انك الكبير بس مافيها شي لو اعترفت ان مشروعي مربح اكثر وقد جهزتها له لاتهم
جمال هزره وقام: الصدق مافيني لحقكم المقالعه شاجي معك اصرفه لي انت هيا وليد يكفيك اكل..
جميله مراعيه يخرجو عيالها لانها سمعتها بتقول لفيروز لما يخرج فارس مشتيش حد يعرف بهذا الشي ...وجالسه مراعيه اتصلت للتكس الي احيان يوصلها منتظرها في الحاره..
بعد ماخرجوا
اسيل نزلت بسرعه قبل ماتسالها عمتها وتعكنن مزاجها
جميله انتظرت لما خرجت من باب الشارع وخرجت دلا بعدها طلعت التكس بتمشي دلا شافتها وقفت تكس : الحق بعد هذه السياره ولاتفلتها حسك عينك تضيع طريقهم
السواق: حاضر تمام.
قدام بيت فيروز موقفه طلعت معها ومشين سوق ملابس الاطفال
جميله تعبت بعدهن مشي من محل لامحل متنكره ببالطو قديمه ومغطيه البرقع على وجهها لاتعرفها.
بيت ندى..
امها شافتها فارحه : الله يتم فرحتش يابنتي على خير الصدق ملاحظه جميله تغيرت اليومتين هذه يمكن جلستها مع نفسها خلتها تتغير وتدرا ان الدنيا مابتدوم لحد
ندى: على الله الله يكملها بعقلها
في الشركه..
وليد دخل ولقي ثلاجه الشاي وقلص وفي صحن مغطى شويه كعك اتصلها
السكرتيره باحراج: ايوه انا
وليد: ليش تعبتي نفسش
السكرتيره : مابش تعب ولاشي قلت بما انك بتتاخر للعصر ف اكيد بتجوع يعني اعتبره سناك
وليد :ايش من بتجوع والله جيت جاوع كأن انتي حاسه انتا ماكملت صبوحي
السكرتيره ضحكت بشويه خجل : طيب اي اوامر استاذ وليد؟
وليد: خلاص ولاشي قدامي هذا كله شكلي شابطل عمل ليوم واجلس معيد
في الطريق بعد ماكملين شراء ملابس مواليد واكياس كثيره
