ژمارەی(پەنجم) مانگنامەی تفکر انتقادی"ئەندێشەی ڕخنەیی" بڵاو بی ئی مانگنامە وە شێواز توێژینەوەیی و زانستی تێەیدە دەر و تەقەلای یەسە ک لە دەروەچ نووێگا بنووڕێدە بابەتەیل کۆمەڵایەتی، فەرهەنگی، هونەری و ڕامیاری. ئی ژمارە (پەنجم) تایبەت کریاسە تەوەر (نووگەرای و شوناس شاری) ک بڕێ لە نۊسەرەیل، توێژەرەیل، ئاکادمیسیەنەیل و ماموستایل زانستگە ئەڕا دەوڵەمەن کردن شێواز زانستی کار بەشدارێ بینە. ئی پەروەندە پێکهاتێە لە ۹٦ لاپەڕە ک بریتیە وە چوار وتوێژ و چەند وتار.لەی ژمارە وتارەیلێگ لە: موسڵم زارەعی، مەهناز ئەیووبی، مینا تاجدینی، مەدی ئەکبەریان، فردەوس هاشمی، موحسن فەتاحی، ئبراهیم شادمان، مسته‌فا به‌یگی، عەلی عەلیزاده، مینا تاجدینی، سەجاد حائری، مۆدەڕڕێس سەعیدی، پدرام ئەسەدی، ئەفشین غوڵامی، نامدار جابری، دیمەن پەروین، میکاییل بۊلبۊل و هەر ئیجوورە وەتوێژەیلێگ وەگەرد دوکتۆر محەمەد زاهر، یگانە ڕەجەبی، مستەفا بەیگی و بێژەن زامانپیرا، خوەنین. جی ئاماژەس ک ژمارە ئایندە(شەشم و هەفتم)ی مانگنامە تەرخان کریاسە بابەت (مەشرووتە) ک پێکهاتێیە لە : [دەور ئیلام و کرماشان لە سەردەم مەشرووتە] - دەور یارمحەمەد خان لە سەرکەفتن مەشرووتە - پەیڤەندی یار محەمەدخان و سەردارەل مەشرووتە - دەور ئیڵەیل کرماشان و ئیلام لە دەوران مەشرووتە - مەشرووتە و هووکارەیل وەهێز بۊن هۊریەت ناوەندگرایی دە کرماشان و ئیلام - زوان و شوناس کوردی لە جەریان مەشرووتە - کارگەری مەشرووتە لە پەراوێزکەفتن شوناس کوردی تکایە وتارەیلتان تا یەکم ڕەشەمە/ یکم اسفند ئەڕا نیشانی ئینترنتی ژێر کل بکەن. tafakorenteghadi@gmail.com 1.2K viewsAfshin Gholami, 09:30
