#تلحين القصائدالحسينيه@

2022-08-03 15:21:56 ((ابوذيات لمسلم ع))
___________________
زماني ما رحم بيه ....ولا دار
بقيت بلا سكن وحدي.....لادار
ادير الوجه عن شخصك...لادار

وصيح حسين خويه الحك عليه
*************************
حسافه الزمن مايرحم......وخوان
ذبحني الشامت بعينه.....وخوان
لون عندي مثل عباس .....وخوان

يحضرون بفخر اهل الحميه
***********************
((جواب طوعه ))

امشي عليك حامي الجار...ون سال
عليك الاشعث بحقده .....ون سال
معقوله الدمه من العين.....ون سال

يفزع كل غيور بهالمسيه
***********************
يمسلم بالفخر والصيت .....هاميت
يبو طاهر دموع العين......هاميت
صدك من القصر مولاي......هاميت

على باب القصر جثتك رميه
*************************
خادمكم: يوسف الفتلاوي باز کردن / نظر دهید

2022-08-03 15:18:38 لسان حال مولاي مسلم بن عقيل عليه السلام

الغربه والغدر والعطش لاجن
بگلبي واسروني اعداي لاجن
اهِم بيكم گلت عباس لوجان
اوياي الحبل جا مالف اديه

علي محسن الزيادي باز کردن / نظر دهید

2022-08-03 15:16:34 ابوذيات لمولاي مسلم ع

عيوني اويه الدمع شوفي يرنّه
بعد وجه الولي ماظن يرنه
الخيل بسوگ اذا مسلم يرنّه
الشمر بالسوك باجر يجر بيه
ــــــــــــــــــ ــــــــــــــــــ
البنات اويه الابو اتهنّت ونامات
ابوي وعيني مانشفت ونامات
جرح جرحين بالوادم وانا ميت
جرح والوالد اكلفهن عليّه

علي محسن الزيادي باز کردن / نظر دهید

2022-08-03 15:16:15 ليلة مولاي مسلم .
مولاتي حميدة تسولف وي ابوها


مشتاكه لعيونك يبعد عيوني
ناسيني جنك يالمغير لوني
يا بويه كاتلني اليسر
كل ساعه يخزرني الشمر
انه حميده
ــــــــــــــــــــــــــــــــــــــ
مشتاكه لأيام الزغر من جنت ترفه امتوني
من جنت ما تقبل تغمض الا اغمض اعيوني
كلشي انتهى لمن رحت بويه بحبل جتفوني
الما ترضه يلسمها الهوه فوك الجمر مشوني
.
واشكد نخيتك من اجوني
من ابحبلهم كيدوني
ترضاها وانه الهاشميه
بناكه هزله يركبوني
.
اشكيلك ودمعي يهل
يا بويه كتلتني الهزل
مشتاكه اشمك بالنحر
يا بويه كاتلني اليسر
أنه حميده
ــــــــــــــــــــــــــــــــــــــ
ما لحضه من بالي رحت تشهد علي الهزله
ومشتاكه لكليبك لجن ياهو اليروح يكله
الذله مو دوس الجمر فركتك بويه الذله
اخلاف صوتك يالحنين الموت اشوه واحله
.
عطشانه يالبشوفتك ماي
اهلال بعدك صاير اكفاي
حيرني حتى وني وياك
مدري حمام الدوح لو ناي
.
الما ضايك الفركه صدك
لا يحجي بسرار العشك
الفركه ما ترحم بشر
كاتلني يا بويه اليسر
أنه حميده
ــــــــــــــــــــــــــــــــــــــ
اعذرني اسولفلك واعاتب عل الجروح البيه
بس تدري ما يوجع يبويه الجرح بي راعيه
مدللني بعيونك جنت هسه صرت مسبيه
احبالهم خشنه وشفت دم يطلع امن اديه
.
لو بيك بويه اليوم جيه
اعيوني اطشهن واهليه
ضليت وحدي وفاكده الراي
وثوب الحزن لايك عليه
.
بويه العطش ما ينحمل
واجفوفي ذبلها الحبل
لشوفتك مشتاكه اشكثر
يا بويه كاتلني اليسر
أنه حميده
ــــــــــــــــــــــــــــــــــــــ
يالحاير وما تدري ليش اخدودي صارت صفره
اكبال عيني ابن الزجيه حسين كطعو نحره
عاري وعلى التربان نايم خيل تسحك صدره
ومن كثر ما عطشان بويه ريجه صاير صحره
.

شيخ الهواشم بويه عاري
وعطشان نايم بالصحاري
حسين وجه الله هضيمه
كلبه انجوه بشمس الضهاري
.
الشيخ نايم بالترب
واعياله جتفوها الغرب
وبطيحتة ضاع الخدر
يا بويه كاتلني اليسر
أنه حميده
ــــــــــــــــــــــــــــــــــــــ
بويه الكفل زينب بقت فوك النهر جفينه
صاير منامه اعلى الترب والسهم نام بعينه
وكل ساع طفله اتكلها زينب الكفلنه وينه
يا عمه موتنه العطش وين الذي يروينه
.
من طاحت الرايه الحنينه
بسياطهم بويه انولينه
ما يدري ابو فاضل بالمتون
زوركت من هجمو علينه
.
يا بويه من طاح العلم
الكوم هجمت عل الخيم
خلونه نتمنى الكبر
يا بويه كاتلني اليسر
أنه حميده

#عبدالله_الفريجي

فاطميون @h_ameer1       
الرسميه   @h_ameer2
القصائد   @h_ameer3      
النسائية   @h_ameer4 باز کردن / نظر دهید

2022-08-03 15:15:05 ركضت طوعه صاحت والدمع طاح
ثكيله الروس هاي الفوك الرماح
ثكيلات _ عزيزات _ مشبهه عليهن اهواي
///////////////////////////////
يوم من الأيام _ واحله من الأحلام
الليل اجه بسرعه _ مسلم صعب وظعه _ صلاله جم ركعه
كتله الدمع ليش _ كلالي ماعيش
وصاني ياطوعه _ ويدك عله ظلوعه _ سولفلي بدمعه
باجر تسمعين _ طب ظعن الحسين
نسوانه مسبيه _ انطيهم اميه _ وسالي عله ابينه

وصف بنتي حميده ويه الاطفال
زغيره اجفوفهه مو يم الحبال
الزغيرات _ سبيات _ اركضي اعليهن ابماي
///////////////////////////////
صار شكثر صار _ اتنطر اخبار
شصار ابني هاشم _ فهموني ياوادم _ ماكو ظعن قادم
ليلي كظه ادموع _ وبالباب الشموع
بالرايح وراجع _ عن كربله شسامع _ عندي ظعن ظايع
جذبت العيون _ من جيتو تمشون
علويه لا تبجن _ الروس هاي المن _ وعليمن انذبحن

زينب مااصدك انتي هايه
وخيالج ما طلع جوه العبايه
حرامات _ حرامات _ بشمس ماعندج افياي
///////////////////////////////
عيني اعله الرماح _ وما بعد ارتاح
مسلم تذكرته _ ايده اعله خاطرته _ من الكوفه حذرته
الراسه كمر ليل _ ينطي شبه حيل
حيرني بوصافه _ حين النظر شافه _ المفطره اشفافه
شفت الفرق وين _ بس نبلت العين
الفوك الرمح صاعد _ مسلم تره وكاعد _ ثنين الشكل واحد
يصد اعليج اشوفه ودخن الرأس
شبه مسلم عرفته هذا عباس
عيورين _ ميامين _ نفسه الغيره والراي
//////////////////////////////
هذا الوجه شاب _ ومغيره التراب
من الحبل ينجر _ بعينه الزعل يكثر _ هذا ابو الاكبر
انطيني تفصيل _ اشسوت الخيل
شلون أربعين حافر _ سحكنه بالعاشر _ جاصدره اشصاير
نفس الحجي يدور _ هم شفت عاشور
مسلم صعد قصره _ تالي انشمر حسره _هم انهشم صدره
انشمر من القصر مسلم تكسر
وعله كد كربله حسينج تطشر
نفسهه _ شفتهه _ مصيبه صارت وياي
//////////////////////////////
راح الحجي يطول _ يم الدلول
هذا الطفل شسمه _ يم الرمح نسمه _ لو مرت تلجمه
كلب امه محروك _ منتجيه عالنوك
تكله اسمع اونيني _منتظرك احظيني _ عبدالله ياعيني
عدوانج انذال _ يذبحون الاطفال
مسلم عله فكره _ هم نذبح بزره _ الدنيه صدك مره

شنو ذنب الاطفال الجنهم اطيور
جبيره ارماحهم وزغيره النحور
والاحظان _ بالاحزان _ تلولي اعليهه دنياي
//////////////////////////////
اركض من البيت _ لملكاج انه جيت
بالشيب البراسي _دمعي اجه يواسي _وياج الزمن قاسي
اشبك حميده _ هذا الاريده
الوصاني ابحسره _ موعدنه يم كبره _ تضل روحه منتظره
والكوفه شتريد _ من الاجاويد
عالكوفه كل عتبي _ الطبلها تغدر بي _ منذبح لو مسبي

وجهجن وين هسه بهاي الايام
بعد حركت الكوفه لوعت الشام
اسيرات _ كسيرات _ عليجن يصعب الجاي
//////////////////////////////
تمت______ علاء الزيدي


فاطميون @h_ameer1       
الرسميه   @h_ameer2
القصائد   @h_ameer3      
النسائية   @h_ameer4 باز کردن / نظر دهید

2022-08-03 15:09:23 لمولاي مسلم محرم ١٤٤٣ هــ #اساسية

غريبه مساهره العين
جنت وين وصرت وين
ابوي واخوتي اثنين راحو منديه
...
حميده الطالبيه .. وجرح للفرگه بيه
أنه بالغاضريه اتسجلت اول يتيمه

شوكت بالدنيه ارتاح .. وابوي من القصر طاح
وگلتها بدمعتي عمي الحُسين ايظلي خيمه

واجه عاشر محرم .. وشفت وجه السمه اظلم
هلي مآخذهم الموت وحياتي صفت هيمه

چنت بالطف زغيره
وشلت لوعه چبيره
بفرد ساعه عشيره راحو منديه
...
الجمر ياكل خيمنه .. وعليل الباقي يمنه
يعلوياتي صاح اتوجهن صوب الصحاري

ركُض كلنه طلعنه .. وخبر يكتل سمعنه
صعد فوگ الرمح راس الغريب وجسمه عاري

اخوتي ضيعتهم .. من اهدها وما شفتهم
بخيمنه احترگو ؟ الحافر اخذهم ؟ الله داري

عليهم عيني تربي
صحت سترك يربي
بچيت ويدري گلبي راحو منديه
...
بچه الطف اعله صوتي .. ادور وين اخوتي
وبقيت بحسرة الخوه وخذت روحي الملامه

صدگ يلتم شملنه .. وصيح بكل محنه
هله محمد هله ابراهيم اجيتوني بسلامه

ولكن ادري وكتي .. ولا يرحم دمعتي
الوكت من يولي ما يعفي ولا يرحم يتامه

وسط عيني صورهم
وادور عن اثرهم
وصل ليه خبرهم .. راحو منديه
...
بحبلهم چتفوني .. وعالهزله خذوني
بوجوه اطفالْ أهل الكوفه عيني دورَتهم

گبر مسلم رحتله .. شبگته وسولفتله
گلتله اخواني ضاعو مني ما جوك وشفتهم

عَليْ رد من وريده .. يبويه ياحميده
اعله شاطي نهر المسيب يودعوني اسمعتهم

ازغار وما رعوهم
يحشمون بأبوهم
يتامه وذبحوهم راحو منديه

...
وصلت لديرة الشام .. بحبل واصل للعظام
اذا اتعب متن زينب وساده ايصير اليه

تگابلني رقيه .. وبواچينه سويه
الخرابه تالي ما تالي خذت مني رقيه

بقيت بدمعي ارسم .. طشت بي راس مسلم
گلت وين الله اشتمه وتوافيني المنيه


هلي كلهم مچاتيل
وبيهم سحگته الخيل
شتفيد ادموع التسيل .. راحو منديه
خادم الحسين ( عليه السلام)
كرار حسين الكربلائي
( ابو كميل)

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2022-08-03 15:07:05 محرم ١٤٤٤هـــ #اساسية

مولاي مسلم بن عقيل (عليه السلام)

طِـيـح ابـمـايـهـُم يـا دم الاجـراح
عطـشـان اليموت ايموت مـرتـاح
وگِـلهـم لأجل أبـو الأكـبـر
حتى المـاي اصبغه أحمـر
عطـشـان اليموت ايموت مرتـاح

إِِنزف يا دِمه اشفاي..وأحمر إصبغ الماي..ما محـتاج إلهم
هذا الماي مـردود..الماي اليسوه بالجـود..عد عباس گلهم
اليابس ينذبـح أقـوى مـن المبـلـل
وغَثهم دمي چي من ينزل امهيـل
وأنه مـعدل واضحي لسيد مـعدل
ونظل والله نذلهم حتى من نرحل

عدليِن ويـذلهـم منَّه كل صـوت
ومن انـمـوت بيهم ياكل المـوت
وإصـرخ بالقـصـر وإفخـر
حتى المـاي اصبغه أحمـر
عطـشـان اليموت ايموت مرتـاح
ـــــــــــــــــــــــــ١ـــــــــــــــــــــــــ

بقصرهم واگف اوحيد..واضحك ضحكة العيد..وتتراجف زلمهم
يحَذروَّن ويِهِدوِن..وأنه بخزرة عيـون..أطشـرهم وألمهم
امچتف بس إليه ارواحهـم خضعـن
طـلعـن من أگـلهـن كلـهـن ايـطـلعـن
عـالي وروسهــم مـا بـاوعـن ركـعـن
يعرفـن ليَّه بـس يرتـفـعـن ايوگـعـن

وما يحچون چي عندي الحچي الزين
وياهو اليحچي ويه اليحچي بحسين
وصوتي اليذل صوت الشر
حتى المـاي اصبـغـه أحمـر
عطـشـان اليموت ايموت مرتـاح
ـــــــــــــــــــــــــ٢ـــــــــــــــــــــــــ

السطح أصعدله فرحان..أموت لأعظم انسان..فداء حسين رايح
الخوف البيهم اصريخ..وأنه لقمة التاريخ..صاعد رغم طايح
المطـر يرتاح من ايطيـح من غيمـه
ويفـرح مـن يبـاوع خيـره بالهـيمـه
المـا يـنـفـع الــوادم مالـه أي قيـمـه
والينـفـعـهـم الـلـه يـريـد تـكـريـمـه

وكـرمنـي الله بسفـارة اتوزع الخيـر
وبَـيَّـن خيـرها اعلـه البشـر والطـيـر
وخير حسين حيل أكـثـر
حتى المـاي اصبغه أحمـر
عطـشـان اليموت ايموت مرتـاح
ـــــــــــــــــــــــــ٣ـــــــــــــــــــــــــ

متت وامرَيح البال..واذا جـروّني بحـبـال..هـذا يـدل ضعفـهم
خافو مني مذبوح..لأن شافوها الاجروح..بدت تكتب حتفهم
جِروحي اتسولف ورادو يسكـتوهـا
وجـروني بحـبل مبتسمـه شافـوهـا
وصـارو ويـن مـا جـروني يلـگـوهـا
تِخَـضـر ثـوره واتـذلـهـم يعـرفـوهـا

جـروح الثـائر من الـلـه منـارات
وتكشخ بيها أمـلاك السـمـاوات
ومسك من عـدهـا تتعطـر
حتى المـاي اصبـغه أحمـر
عطـشـان اليموت ايموت مرتـاح
ـــــــــــــــــــــــــ٤ـــــــــــــــــــــــــ

دمي إفتَر على الدور..وللحق باقي ناطور..خاف الناس تِنكُر
وخـاف الوادم تگـول..چا الحسين معقـول..مـا دز أي مبشُـر
بشـوارعهم رسائـل دمـي طشـرتـه
ياهـو ايگـول مسلـم بعد ما شفتـه
الما شاهدني عايش ميت اوصلته
ذاك حسيـن گـتله ولِبـد شـاهـدتـه

ميـت وادخلـت للنـاس بالسـوگ
بس الذله اشوفنـهـا الهـم تـلوگ
ومـيـت وانـكــر المــنـكـر
حتى المـاي اصبغه أحمـر
عطـشـان اليموت ايموت مرتـاح
ـــــــــــــــــــــــــ٥ـــــــــــــــــــــــــ

مشيت شكثر ما اشوف..فقط بس غدر السيوف..لابو اليمه يتاني
شيسوي حسين بالناس..مدام اوياه عباس..ما يحتـاج ثـانـي
وإيـغـدروه انـه ادري هـنـاكـه بـالعـاشـر
ويـظــل مــولاي لـلـطــبــرات والحـافـر
ويجيني الراس بس فـوگ الرمح باچـر
ونــتـگـــابـل ســـوالــــف ثــائـر وثــائـر

ونبقى أحرار رغـم الذبـح والصـار
ومثلنه الناس كون اتصـير احـرار
وعـنبـر يحچي وي عـنبـر
حتى المـاي اصبغه أحـمـر
عطـشـان اليموت ايموت مرتـاح
ـــــــــــــــــــــــــ٦ـــــــــــــــــــــــــ

أحمد البصراوي العبادي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2022-08-03 14:59:31 محرم ١٤٤٤هـــ #مقدمة

ظلمه بلياك صارت دنياي
اكبر والنوح يكبر وياي
بويه مسلم بويه مسلم
**
تعال الوجهك اشتاكيت وعاين يالابو حالي
كل ما اذكر العشره تصير اصورك اكبالي
عفتني والمسافه اجروح وهجرك صاب دلالي
بدمعي اكتب المرسال ومحد يقره مرسالي

الذيج الايام حنيت اهواي
اكبر والنوح يكبر وياي
*
صرت عكبك غصن ذبلان وريدنك ترويني
من يوم الرحت لليوم احس كلشي يبجيني
تانيت اشكثر عالباب وتربي اعله الدرب عيني
ما ادري يبويه الموت فرك بينك وبيني

كل ما اشتاك تهمل عيناي
اكبر والنوح يكبر وياي
**
شيخلص عذاب الليل بواجي اكظيها يوميه
مني انباكت الضحكات ونيرانك دوت بيه
يبويه ابلا ابو تدري يتيمه اتصير البنيه
وانه اتيتمت عكبك وريد اليمسح اعليه

يالمثل حسين ما شارب ماي
اكبر والنوح يكبر وياي
****
كل ليله احن واشتاك وروحي اتريد للكوفه
صحت ليش اليكحل العين كمت بعيني ما شوفه
اول مره عمي حسين يمسح راسي بجفوفه
وانه باليتم حسيت وخذتني الحيره والخوفه

دوم اعله البال ما جانت هاي
اكبر والنوح يكبر وياي
**
صايرلك صحت جم يوم اخبارك عني مكطوعه
ومن طبع الغريب اتصير كلش تحرك دموعه
اخذني وياك حته اهناك اجيب الماي من طوعه
لوعة فركتك تدري مثلها ما شفت لوعه

انسه الالام لو شفتك جاي
اكبر والنوح يكبر وياي
**
حميده انه الكثر حزني وابد ما غمضت عيوني
وباجر بالطف امن الصوط راح اتورم امتوني
مثل ما بالحبل جتفوك باجر هم يجتفوني
ولو صار السبي للشام بالكوفه يمروني

ويم كبرك راح اشرح بلواي
اكبر والنوح يكبر وياي
***
تمت
تحسين الخفاجي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2022-08-03 14:57:56 كأني بلسان يتيمة مسلم مولاتي حميده ص... ادور اخوتها...
لمن هجمت الخيل..هامو اخوتها الصغار من شدة الخوف...على وجه البيداء .. هنا أيست مالگتهم


راح.... بالهيمه صوتي
راح.... كلشي ويخوتي
راح... مـــنتظره موتي.... راح

آه... آه.... آه...آه
ـــــــــــــــــــــــــــــــــــــــــ
طفله وخايفه وحدي. مابين الخيول أركض
أسحگ عل جثث واعثر.وگوه أعلي ارد انهض
احس من الحرگ جدمي.گام لركضتي يرفض
احاچي ابروحي لاگيهم ولا مره گعدلچ حض

ويـــــــــن.... لمن ركضتو
ويـــــــــن... يخواني رحتو
ويـــــــــن...بياديره ضعـــــتو... ويـــــــــن

آه... آه... آه... آه

فحطت او أنه أتوسل.خلگ الله يـــحاچوني
ردت اسمع ولو چلمه.بحچايـــــــه يـطمنوني
يگولولي هذوله اهنا..وشوف اخواني بعيوني
سمعت عكس الذي ردته.بحچيهم والله بچوني


حيِل.... ضاعو أخوتچ
حيِل....أتمني مـــوتچ
حيِل...شتنفع رجوتچ.... حيل

آه... آه... آه... آه....
ــــــــــــــــــــــــــــــــــــــــــــــــــــــ

اردن وحدي معقوله. وبالبر تاهت اخواني
ضلمه ومحد الوياي. يموت ويايه شمتاني
ليش من الطفوله ليش. وكتي هيچي عاداني
أخذ مني ابوي ودار. لخوتي اوحدي خلاني


نار.... بضلوعي فزت
نار...ودموعي صرخت
نار... كل حلمي حرگت... نار
ــــــــــــــــــــــــــــــــــــــــــــــــــ
يريحت والـــدي بيكم. أشمكم تهجع ألامي
عفتوني وحيده ليش.خليتو الگلب دامي
دورت اشكثر عنكم. لمن رضـــت اعضامي
أيست وحلالي النوح.لطمت بحرگتي هامي

ليش... عفتوني وحدي
ليش.. بس انتو عندي
ليش.. فكرو بدمعتي... ليش

آه.... آه... آه.... آه....
ـــــــــــــــــــــــــــــــــــــــــــــــ

يموت اشعطلك عني.رجيتك فدوه ريحني
فطنت اعله الذبح والنوح. دمغ هالدنيه شبعتني
راوتني العذاب الـــــوان.سوط وجمره حرگتني
مشتني عله طول الشام. وسبيه الناس صاحـتني

نوح.... يحله ويليلي
نوح... فرهدلي حيلي
نوح...والفرگه أويلي.... نوح
ــــــــــــــــــــــــــــــــــــــــــــ
تمت بفضلهم ص
ياسر الزيادي باز کردن / نظر دهید