2022-08-03 15:21:56
((ابوذيات لمسلم ع))
___________________
زماني ما رحم بيه ....ولا دار
بقيت بلا سكن وحدي.....لادار
ادير الوجه عن شخصك...لادار
وصيح حسين خويه الحك عليه
*************************
حسافه الزمن مايرحم......وخوان
ذبحني الشامت بعينه.....وخوان
لون عندي مثل عباس .....وخوان
يحضرون بفخر اهل الحميه
***********************
((جواب طوعه ))
امشي عليك حامي الجار...ون سال
عليك الاشعث بحقده .....ون سال
معقوله الدمه من العين.....ون سال
يفزع كل غيور بهالمسيه
***********************
يمسلم بالفخر والصيت .....هاميت
يبو طاهر دموع العين......هاميت
صدك من القصر مولاي......هاميت
على باب القصر جثتك رميه
*************************
خادمكم: يوسف الفتلاوي
97 viewsالرادود علي الشاوي, 12:21