2019-12-12 14:27:54
معذور اليلوم اوحبه مامذبوح
يلوموني من اهل دمعه اعلا محبوبي
انه اللي احبه امگطع اومسلوب
اوينتقدوني من البس حزن ثوبي
حگي من البس الاسود واطفي النور
حبيبي منسلب ثوبه ابضهر عاشور
امير العالمين،،حبيب الله حسين،،
،،،،،،،،،،،،،،،،،،،،،،،،
هاي الوادم اشگد ماتعرف حسين
مايعجبهم احضر مجلسه اشويه
مو يوميه گالو مايصح يفلان
ماادري اشيضرهم ابچي يوميه
كلام الزهره گالت مايصير اثنين
سلام االله على الدمعه التصب لحسين
امير العالمين،،حبيب الله حسين،،
،،،،،،،،،،،،،،،،،،،،
تقبل عالمعاصي اشبيهه هاي الناس
واليلطم يعيرونه ابلطم صدره
ياوادم عبد عوفوني وي مولاي
حر يعجبني الطم واكتب او اقره
اريد انطي العمر كله الخيم عباس
وابيوم الحشر هوه اليعلي الراس
امير العالمين،،حبيب الله حسين،،
،،،،،،،،،،،،،،،،،،،،،،،،
كلمن دربه بالدنيه اشعليكم صار
ماجاي اعلا واحد واگف ابدربه
ماگاطع درب لا سلبت بالناس
انه انصب عزائي عالبقو غربه
يمنعوني اوخدر الله ابحبل مشدود
وعباس اعلا مودي ضل بلايه ازنود
امير العالمين،،حبيب الله حسين،،
1.5K views11:27