. .قصة اليوم ماساتى مع سلفاتى وحماتى قصة حقيقية حصلت لإحدى | قصص قصيرة 📚

. .قصة اليوم

ماساتى مع سلفاتى وحماتى

قصة حقيقية حصلت لإحدى الصبايا ..
تزوجت وكنت احلى وحده بسلفاتي وكانوا يغاروا مني.. طبعا عندي اربع سلفات.. وحماتي كانت تحبني من ايام الخطوبه وتظل تحكيلي إنت بنتي الي ما خلفتها...ولما تزوجت كنت كل يوم أنظف بيت حماتي وأخدمها مثل أمي وأطبخلها الطبخه الي بتحبها.. وكانت تدعيلي الله يوفقك ويرزقك ويطول بعمرك.... في يوم كنا مجتمعين عند سلفتي الكبيرة بدون حماتي.. وكانت عازميتنا على طبخة (كرشات).. سألتهم ليش حماتي مش موجوده.. صاروا يضحكوا علي شو بدك بهاي الشرشوحه أم السانين أم وجهيين.. قدامك بوجه ومن وراكي بوجه.. وبعدين أنتي ليش بتشتغليها وبتطبخيلها متجيب خدامه .. مهي معها مصاري ومكوميتهم على قلبها.. شو هي عامليتك شغاله عندها.. مهي دايما بتحكي عليك.. انك ما بتعرفي تطبخي ولا بتساعديها بشغل البيت.. أنا صراحه أنصدمت من كلامهم .. يعني فوق ما أنا دايرة بالي على حماتي ومهتمه فيها هيك تحكي علي.. وبلشت أغير تعاملي معها لا أطبخلها ولا أعمل أشي.. وأذا حكت كلمه أردها عشرة عليها.. وبلشت المشاكل بيني وبين حماتي .. وكل ما تشوفني تحكيلي الله يهديكي.. لحتى يوم دخل زوجي علينا ولقينا بنتهاوش أنا وامه وسمعني وانا بسب عليها... على السريع رمى علي يميين الطلاق.. وروحني عند أهلي.. وصار بينا محاكم وأتطلقت من هاي العيله... ودارت الايام وبعد سنتين ماتت حماتي.. واتصل علي محامي بعد موت حماتي باسبوعين.. المهم رحت ولا بحكيلي أم زوجك السابق كتبت الك حصه بالورثه.. ومفهمه ولادها أنه اذا ماتت يعطوكي حصتك.. انا هون نزلت دمعتي بعد كل الي عملته فيها ..هيك تعمل معي... كله من ورا سلفاتي ظلوا وراي حتى أتطلقت وخسرت حماتي الحنونه.. مش عارفه كيف بدي اكفر عن خطأي مع حماتي اخذت الورثة وتبرعت فيها عن روح حماتي.. لعل وعسا أنها تسامحني بقبرها .
قال تعالي { يأيها الذين ءامنوا إن جاءكم فاسق بنبا فتبينوا أن تصيبوا قوما بجهالة فتصبحوا علي ما فعلتم ندمين }
.. لا تجعلوا الناس تغيير صورة الناس الي بتحبوهم فتندموا في وقت لا ينفع فيه الندم ..

┈┅•٭ ٭•┅
#قصص_قصيرة
┌——————————————
├ s تابعونا ع التلجرام لكل جديد
├ @ahgeel : روايات طويلة
├ @ahgeelpdf : روايات مستندات
├ @ahgeelgsa : قصص قصيرة
├ @ahgeelbot : بوت التواصل
└——————————————