هحكيلكم حكاية اخت ليكم كانت مغتربة مع زوجها وأولادها الاخت دي | قصص قصيرة 📚
هحكيلكم حكاية اخت ليكم كانت مغتربة مع زوجها وأولادها الاخت دي عانت من ضيق الحال قبل من تسافر وكانت رافضة انها تشتغل حتى من قبل زواجها عشان الاختلاط وتتفرغ لبيتها وكانت حريصة انها ما تحمل زوجها فوق طاقته لدرجة ان كان عدا اكتر من عشر سنين على زواجها ويمكن ما كانت اشترت في العشر سنين دول اكتر من طقم ولا حذاء او اتنين من فلوس جوزها الا لو كان جاها فلوس من أهلها او من شغل بسيط كانت بتشتغله ولما سافرت اول سفر اشتغلت وبقت تساعد في البيت بجزء من راتبها وقدر انها ترجع لمدة سنتين وتسافر تاني ولما سافرت بلد تانية كان معاها اربع أطفال تلاته منهم في مراحل التعليم وكان ابو ولادها رافض يودي الولاد دروس ولا مدارس فكانت الام دي متفرغة لبيتها ومذاكرة ولادها التلاتة كل المناهج الكبيرة اخدت من تالته اعدادي لغاية تانيه ثانوي والأم بتذاكر لها والابن كذالك من الابتدائية لغاية الاعدادية وكانوا بينجحوا بمجموع كبير والصغيرة من أولى ابتدائي لغاية رابعة ابتدائي والأم الي اسستها ودلوقتي ماشاء الله من المتفوقين والابن في كلية قمة والبت اتخرجت من الجامعة وكمان الام لما كان ابوهم مابيسبش اي فلوس في البيت ويبقى برة طول النهار خرجت تدي درس واحد عشان تجيب مصروف ايدها ومصروف يومي لولادها وكمان كان سايب لها ولاد تحفظهم وياخد الفلوس وكانت شديدة الحرص على بناتها وتربيتهم وكان بيتها دايما نضيف وقايمة بما عليها من واجبات وكان لما ولادها يبصوا لجيرانهم انهم في مدارس ولا بيخرجوا يتفسحوا كانت تقول لولادها ابوكم بيأمن لكم مستقبلكم وكل واحد وظروفه تفتكروا الام دي كان جزائها ايه في غربتها كان جزاءها انها كانت قاعدة تتعشى مع ولادها وبدال ما تسمع كلمة طيبة من ابوهم يقول لها عارفة فلان صاحبي مراته جابت له عربية من شغلها وكان جزائها بعد ما رفضت انها تنزل بنتها لوحدها من السفر وصممت انها تنزل هي وأولادها ان كل اجازة بعد ما طول السنة بتكون لولادها ام وأب ان زوجها بدال ما ينزل اجازة يعوضها لا ينزل يضيق عليهم عيشتهم ويقعد في وسط اهله يحرضوه ان فلانة دي جوزها موظف وعاشت على قدها واشتروا ارض وفلانه بتشتغل وبتساعد جوزها وفلانه بتحوش وتعمل جمعيات مع انه اللهم بارك عمل مستقبل كويس وثروة كويسة ولكن لاااا ازاي لازم كان يعمل اكتر ولازم تفضل عايشة على قديمه ومتطلبش حاجة مع انها عمرها ماكانت بتطلب حاجة لنفسها وتغربت6 سنين وهو اتغرب 13سنةما جبلها حتى جرام دهب زيادة عن شبكتها الي طالبت بيها وجابها بعد مشاكل ولما لجأت لاخواته اخوه قالها لما تبقي تطلقي يبقى يجيبها لك ولما كانت من كتر الضغط يفيض بيها وتفقد السيطرة على اعصابها تطلع هي الي في الآخر بتعلي صوتها على زوجها الزوجة تطلب منكم ادعو لها بالجنة وان ربنا يحفظ لها ولادها ويرزقها الصبر
ـــــــــــــــــ * لاتنسووا الاشتراك بقنواتنا * *تابعونا لكل جديد على قنواتنا بالتلجرام*
* عالم الروايات الطويلة * https://t.me/ahgeel * عالم القصص القصيرة * https://t.me/ahgeelgsa * روايات مستندات pdf * https://t.me/ahgeelpdf * المكتبة العربية الشاملة * https://t.me/ahgeelbook *للتواصل مع ادارة القنوات * https://t.me/ahgeelbot *نتمنـى لكم قرأة ممتعـة*
