اسولف وي مكاتيبك واحن سكته من اشوفك بالرسايل بس حبر ضليت ،، | الشاعر أمير الظالمي

اسولف وي مكاتيبك
واحن سكته من اشوفك
بالرسايل بس حبر ضليت ،،

#ميثاق_الهلالي


يالمعلمني اسولف ،، كلشي لعيونك

#حيدر_النوري


لگيت الماي كله
ابين اصابيعك ..

#عباس_الغالبي


وجهي صوره معلگه ابحيطان غربه !..

#عامر_عاصي


يخمريه ،،
الحزن حزني ،،
الحزن موليل حتى انام
الحزن شباچه بضلوعي .

#باسم_الخاقاني


چنت الم جروحي كلها
ويا جرح يلچمني بيكم
حيل الچمه

#غازي_ثجيل


واگلك هجرك شسوه
لوّن ادري فلا اهوه ،،

#كاظم_الرويعي


شمدريني
بحچي عيونك
حزن نعناع ما ينشم ..!

#كاظم_الركابي


خليني
حدر الزلف ترچيه اريد اغفه

#ذياب_كزار


گوم طش وحشة غربتي
بشذر خدك ،،
كاسر الظلمة بطلعتك
يا ضوه اليتمزلگ بضويات دجله
شلون اهدك ؟!..

#نوفل_الصافي


وتضل انت
على ايامي ،، حنين اشگر

#علي_الشباني


همزين عندك دمع
من تخلص اعذارك ،،

#غني_محسن


بيش ينباع الهوه البايس كذلتك

#حيدر _الطفيلي



مو رسايل ، ليش تحكمنه الضروف ?

#أمير-الضالمي