الشاعر احمد عباس الحساني

2022-08-01 09:45:04 الشاعر احمد عباس الحساني pinned «الچانت اتضّوّي ابألهلها موحشة  ومحد  دخلها وین أهلنة الضيعوني وین أهلنة الضيعوني ~~~~ سيّر على ابنيتك حلم ... مشتاگة بهدومك أشم ... بثوبك  تْرْد   عافيتي الچنت ابحياتة امدللة ... أكثر وكت محتاجة لة ... وبوجهة يضوي بيتي راحت الكعدة التلمنة وما أظن  ترجع بعد…» باز کردن / نظر دهید

2022-08-01 09:44:40 بدرُ الهواشم      بدرُ الهواشم
~~
يمرجف   گاع   الطف      ياعباس
يم سيفك صفو صف       ياعباس
من   يسطر   عدوانة        ياعباس
يخلس من يسطر چف      ياعباس

[إنهو العباس صعبُ الملتقى]

      ينعرف لو غاضب         من رفيف الشارب
بدرُ الهواشم      بدرُ الهواشم
~~
بالعسكر حط علة      ياعباس
واللابد       يندلة      ياعباس
             امن يسرفن ذرعانة      ياعباس
               كل  شارد   يوصلَة     ياعباس

[إنهو العباس صعبُ الملتقى]

چن ألف مو واحد         شارد ایطگ شارد
بدرُ الهواشم      بدرُ الهواشم
~~
مصدر نخوة وغيرة      ياعباس
گاطع روس  چبيرة      ياعباس
              يالزارع      بالوادم       ياعباس
            موت وخوف وحيرة      ياعباس

               [إنهو العباس صعبُ الملتقى]

       قائد اعلة القادة           ياعگيد    السادة
بدرُ الهواشم      بدرُ الهواشم
                   ~~
    الريشة براسة الغاية      ياعباس
   كاتل  جيش  اهواية      ياعباس
   زلزال  ابأرض  الطف      ياعباس
   من   يعگدها   الراية      ياعباس

               [إنهو العباس صعبُ الملتقى]

        من يدمدم يرعد       والشجاع   اليشرد
بدرُ الهواشم      بدرُ الهواشم
                   ~~
جيش وهوّة ايحركة     ياعباس
اكبر   خشم   ايفركة     ياعباس
كلشي  بإيدة وشورة     ياعباس
عركة  ويهوة  العركة     ياعباس

               [إنهو العباس صعبُ الملتقى]

     هيبة وارث حيدر       والعساكر    خيبر

بدرُ الهواشم      بدرُ الهواشم
                   ~~
                  أحمد عباس الحساني باز کردن / نظر دهید

2022-08-01 09:41:22 ابليل الوداع ملتمة العايلة
~~~~~
زينب  للحسين   مهمومة   إجت
تودع   إخوها   شبگتة    وبچت
اعليها المصايب طاحت وانحنت
اتگلة  يانور  النظر   حاچيني
احسين باچر وحدي لتخليني
وتنگطع  كل الدروب  ابعيني

ابليل الوداع ملتمة العايلة
~~~~~
او راحت  لخوها  عباس  الشهم
تودعة   او تگلة   يا  فخر  الزلم
ما  قصرت   لا    خوية   والنعم
شلون  لو باچر  متت  يالغالي
ياهو بعدك خوية يرحم حالي
وانت  بس   انت   ترة  كفالي

ابليل الوداع ملتمة العايلة
~~~~~
رملة  اوية  جسّام  والحنّة  دمع
رملة  اعلة  بنها  مكسورة  الضلع
والتشعل  ادموع ما تشعل  شمع
ودعّت  رملة  ابنها  القاسم
وتندعي  يارب  تردة  سالم
وگلها لحسيني تراني خادم

ابليل الوداع ملتّمّة العايلة
~~~~~
عبدالله   والماي   سالوفة   حزن
اتسولفهة  إمة   لو  صب   الجفن
تودع  طفلها    ويم   مهدة   توّن
گابلت  مهد الطفل  تحچيلة
موادع ونوح  وحزن هالليلة
اللمة بس هاية التُمر عالعيلة

ابليل الوداع ملتّمّة العايلة
~~~~~
الأكبر   ولحسين    توديع   ابعطش
ضم دمعه لحسين بس گلبة نخمش
چفة  اعلة   گلبة   والچف   ارتعش
وّدّع  ابنة  وچنة فاگد  روحة
احسين كلساعة تزيد اجروحة
وعينة من كثر البچي مجروحة

ابليل الوداع ملتّمّة العايلة
~~~~~
أصحاب  لحسين  واحدهم  بألف
عابس وهب  جون بن ظاهر كلف
لاگاهم  احسين  بس  گلبة   يرف
آخر  اموادع  وداع  أنصارة
احسين  وبگلبة  توجر  نارة
تشابگو بس  الدمع  يتجارة

ابليل الوداع ملتّمّة العايلة
~~~~~
أحمد عباس الحساني باز کردن / نظر دهید

2022-07-26 13:54:32 شدو    العزم    يلا    يخدام
نواسي الغريبة المالها اخيام
~~~
شهر الحزن مجبل علينة
كلمن يحّضّر لجلة  عينة
نواسي السبية والحزينة
عدنة  محرم   طول   الايام
نواسي الغريبة المالها اخيام
~~~
گالو  بدع  شيعة  ومجانين
إحنة الروافض نرفض اثنين
اليكره علي  واليكره احسين
خدمة احسينك اشرف اوسام
نواسي  الغريبة  المالها اخيام
~~~
نواسي أبو صالح بالمصاب
للباقي  عاري  فوگ  لتراب
دموعة دمة ولهسة ماطاب
متعوب   گلبة  وجفنة  مانام
نواسي  الغريبة  المالها اخيام
~~~
لحسين  إنطي  ماي  العيون
شد حيلك ابحيل اليخدمون
وموكب  وهيئة و اليلطمون
رادود    آنة     وانتة    لطام
نواسي الغريبة المالها اخيام
~~~
الأيام  تمشي  والسنة  اتدور
ولحسین  عمري  كلة  منذور
وكلشي يروح و ايبقة عاشور
يلا يخوتي شدو الحزام
نواسي الغريبة المالها اخيام
~~~
                   أحمد عباس الحساني
        باز کردن / نظر دهید

2022-07-25 13:12:03 القلق زاد وكثر نوحي
وديتة  ولمت  روحي
تأخر  كثرن  جروحي         ابوفاضل
~~~
أسولف  وية روحي وين اخو گلبي - تأخر ليش -  ومتاني
يجي لا ما يجي اي خاف يتأخر - قلقت اهواي -  ماجاني
أنا المتعوب گلبة او تعبة خوانة - من يمشون - خواني
بقيت أصفچ بدية راح أبوفاضل - وحدي اعضيدي خلاني

أعز  إنسان  بإخواني    
تأخر  ليش ما  جاني
اباب الخيمة ومتاني         ابوفاضل
~~
سمعتة ايگول اشوف احسين اتمنة - لكن منطفي شوفة
أصعب  موقف ايمر بالاخو  لمّن - تروح اخوانة واتعوفة
لگيتة  ايريد يمسح  دم  البعينة - و اهو متگطعة اچفوفة
بشر دم اولحم ما أحمل الفرگة - شلون اعضيدي ماشوفة

وجهة  ضايع  ابدّمة
سهم بالعين ويلچمة
فرصة  لو متت  يمة          ابوفاضل
~~~
ترة العباس   روحي  وگلبي  الثاني - وچنة نگعد ابفيّة
اوصلت يمة وگلت لا هذا مو هوة -  شعجب متغير اعلية
گوم  لخاطر  الخوة  يبو  الخوة - عدواني اشمتت بية
يبعد  الدگة  البگلبي  يبعد  أهلي - يبعد الروح والرية

أكثر    من    إخو    انتة
گلب واضلوعي حاضنتة
دمع  بين   الجفن  شلتة       ابوفاضل
~~~
اگعدت يمة وندهتة ياگمر اگعد - تعب حيلي ياعمري 
أصيحن يابوفاضل ماكو رد منّة - كسر گلبي وكسر ظهري
أصيح وصوتي ضاع اوما يجاوبني-وبالعبرة اختنگ صدري
طلعت روح اخوي اومات بين ايدي - عفية وما خلص صبري

اوگفت بس الظهر محني
اجدامي     ما     يعينّنّي
صحت  راح  الگمر   مني        ابوفاضل
~~~~
ارجعت لخيامي بالي كله يم زينب - حيرة اشلون أگللها
أگلها  هسة  يرجع  لو  أگلها  مات - الچان بعينة شايلها
راح   الماكو   بالدنية  اخو  مثلة - راح الجاب محملها
ترة صعبة أخوك ايموت بين ايدك - زينب مات كافلها

أحاول اخفي بدموعي
وإيدي لازمة اضلوعي
تعرف هيّة  موضوعي           ابوفاضل
~~~~
أحمد عباس الحساني
{ث.ابوفاضل} باز کردن / نظر دهید

2022-07-20 09:10:28 الما تتلاوة الچف تنباس
مسلم   هذا   لو   عباس
نفس الغيرة ونفس النخوة
نفس الغيرة ونفس النخوة
~~
چفك  يشبه  چف الكافل
              چفك    لايگلة    الصمصام
انت الغيرة ابوكت الغيرة
              اتشح بالناس الموش ازلام
مسلم برز ياهو اليجي لقتالة
شافو  ابو فاضل ترا  ابخيالة

مسلم ضيغم مسلم حيد
الگابل سيفة حيلة ايبيد
ابن   العم  ا بنفس   الخوّة
نفس الغيرة ونفس النخوة
~~
ابگصتك غيرة اتكفي الوادم
                وزع  غيرة  الهاي  الناس
الكوفة اگبالك ماي اوشاطي
                مسلم   شافوك   العباس
مثل الگمر خشنة اوعلي چفوفة
لكل  ينهزم  شّرّد  زلم    بالكوفة

الوادم  صفنت  صفنةت  ليل
هوسة وركضة امراكض خيل
بس خل نشرد صاحو فدوة
نفس الغيرة ونفس  النخوة
~~
حاطو مسلم من كل جانب
               ما هز گلبة  لحظة الخوف
الصوت  اهناكة ما  يتفرزن
              طگ اسنون وطگ اسيوف
وحدة لچن عندة خمس خصائل
بطل ، شهم ، كلف ، أسد ، مقاتل

وحدة  لكن  حيّر  جيش
بيش ايگابل مسلم بيش
جيش  اوماخذ منك  عطوة
نفس الغيرة ونفس  النخوة
~~
سطرة  إيدة اللاحت واحد
                  يصفر لونة وحگة يموت
اسنابل  چانو  يم  اچفوفة
                  ويحصد بيهم  بالتابوت
وبس   لبني   هاشم  ترة   القيادة
منّ الله هيچ امفصلة اعلة السادة

هاشم  عدهم  زلم  احيود
تنطي ارگاب وتنطي ازنود
الحگ   اتجيبة   امربع  گوة
نفس الغيرة ونفس  النخوة
~~
احسين إتمنة ابيوم العاشر
                 مسلم   يمة  اهناك   ايكون
چا  صار  امزاود  بالحومة  
                 ومثل الكافل ينطي اعيون
لكن  وگف  وگفة  أخو  لأخَيَّة
وبيدة  جزاءة اتقدمة  الزچية

وگفة مسلم ما تنقاس
بس  ابذرعان  العباس
بدمة  سَجّل  موقف  يسوة
نفس الغيرة ونفس  النخوة
~~
أحمد عباس الحساني
(ث.مسلم) باز کردن / نظر دهید

2022-07-13 13:17:33 تراث المنبر اقريناه .... وجوب علينه ماننساه
___
تراث المنبر الخالد اله اقرينه
وغصبا عن مشاعرنه يبجينه
بيه حمزة الزغير يجذب ونينه
يذكر شاب عايف امه الحنينة

يمه ذكريني .... من تمر زفه شباب
من العرس محروم ... وحنتي دم المصاب
شمعة شبابي من يطفوهه
حنتي دمي والجفن ذاري التراب
___
ونذكر قائم العترة فداه اهلي
قصيدة السيلت دمعة وبقت تهلي
سويه المستهل نقرالة ونعلي
قصيدة اللي نظمها حيدر الحلي

الله ياحامي الشريعة ....الله
اتقر وهي كذا مروعة.... الله
__
مقدس هالتراث وللطم دستور
الحداثة استلهمت منه عذوبة وطور
ومن رواد شعره كاظم المنظور
نردد هالقصيدة ويالمحب ماجور

عالمشرعة العباس... صاب السهم عينه
آحا ياسهم العين .... وانكسر ظهر احسين
واحنه انكطع بينه
____
ونذكرها القصيدة التصدع الخاطر
عن طفلة عليلة والابو مسافر
من شعر الرصين لشاعرة جابر
مطلعها كبل ومتروح وتهاجر

كبل متروح وتهاجر يطير الصاف تانيني
اخذني وياك لاحبابي على الجنحان حليني
وادود وين ...... ابويه احسين
_
وزرينب آه يزينب محنتج محنة
نشرح يامصاب ونبتدي منه
خلي نستمع وشكال المحنة
من فكدت اهلها وخابت الضنه

عتابي يخوتي ويامن عتابي
اذا جان الزمن رايد عذابي
شهر حزني وجرحني بطلعة اهلاله
_
ابو ريحانة الحساني
محرم الحرام ١٤٤٣ هج ٢٠٢٢ م باز کردن / نظر دهید

2022-07-10 12:16:28 ( خروج الحسين "ع" من المدينة الى كربلاء)
هالمسية حسين عايف موطنه
وحمل ضعونه وللطفوف اعتنه
ياحسين ياحسين ... ياحسين ياحسين
*
شلون حاله من مشه ذاك الضعن
بلليل اظلم  ودعو  ارض الوطن
بيد   عباس   النياك     اتنوخن
وهبط اجلال عله زينب وانحنه
***
ثنة رجله وكلهه صعدي ناكتج
انا اخوج وابن ابوج  بخدمتج
تسندي  عليه  ودركبي بهيبتج
ولاتخافي وتختشي ويمج انه
****
هبط  اجلال  لقدر  بنت  النبي
وكلهه يازينب يخوية بشاربي
انتي محروسة بحماية غالبي
ركبي عالهودج يخوية مأمنة
**
ركبي يامن انتي   لعيوني ضوه
واللوه    منشور   ميطيح  اللوه
وينه اليشوفج وأنه اشتم الهوه
وفِنّه   اليكرّبلج   ويمج     دنه
***
ولمن الحادي حده بدرب السفر
من المدينة الكربله ممشه شهر
يا ضلام   ايحل   عليهن  ياكمر
تضوي ظلمتهن لون ليل انجنه
*
وصلت  العيله لمشارف كربله
والعساكر تارسه احدود الفله
شلون  موقف والعيال مدللة
تشوف جيمان وعليهه مِكْمنه
*
حاوطوهم كل كتر ذوله البغات
وسدو عليهم عذب ماي الفرات
منهم   سيوف ونبل منهم رماة
وانعلن حرب الضروس الطاحنة
*
هجمت ارجال الهواشم بالطفوف
ابد ماهمهم   عددهم   والسيوف
والعده  الاف حل بيهه  الخسوف
والعزم   ثابت     يقينه    ومنثنه
__
سطرت   هاشم   ملاحم   للفداء
وخلدت  اسماءهه  بفيض الدماء
ولو  ردت   تتأكد   اكصد  كربلاء
تشوف تشبيه للصفه ومروة ومنه
*
ابو ريحانة الحساني
محرم الحرام / ١٤٤٣ هج باز کردن / نظر دهید

2022-07-10 09:08:08 الشاعر احمد عباس الحساني pinned «وحدك انت وحزنك اهواي ومحد    ايعينك    يمولاي تنلچم   لو   تشرب   الماي     يابوصالح ~~~~ يابو  صالح  شنهي  حزنك  الله  يعلم شلون أعينك يالدموعك تجري من دم گلبك   ايوّن   ما   يهّود   من    محرّم ولسة  تتنفس    رماد    امن   المُخيَّم تعرض ابعينك انحور وگلبك…» باز کردن / نظر دهید

2022-07-10 00:01:39 أمشي ابوسط سوگ     يا  وسفة  ع  النوگ 
     مهضومة وأون         من سوط المتن
     مايطفة الحزن        چي   گلبي  مخنوگ
~~~~~~~
للشام ..... شدونة ابحبل رحنة سباية
مانام  ... جفني ما طبگ بالرحلة هاية
أيام .. نمشي اوية الغرب ماعدنة راية
أيتام ....... لو   نامو   ألفهم   بالعباية

شگد  عندي  أيتام       يم    غربة   متنام
  نومة  يم  غرب              تكسر  بالگلب
  والمسبي صعب          ايأّمن     بالاحلام
~~~~~~
لانفاس ...... مخنوگة   ما  أگدر   أعاتب
عباس ...... كلفة  يالگمر  نمنة  ابخرايب
والناس .... صاحتلي  غريبة ابلا  حبايب
والراس ... شيب راسي من گد المصايب

ما   أعرف   شلون         تأذيني    المتون
   عنك     أفترگ               ومتوني زرگ
   أبچي وأختنگ            وأمسح  بالعيون
~~~~~
وياك .......  يحسيني    إخذني    للمنية
مگفاك .. شفتة اوية الصدر صارن سوية
بحماك ...... والچانت  أميرة  اترد  سبية
أنخاك .... وي  موتك   إخذني  مو  رُقية

من عفتك اهناك         لو    ميتة   ويّاك
  اهواي اتحملت             أتمنة   متت
من شفت الطشت        ومفطرَة   اشفاك
~~~~~~
ابلا صوت ... أدعي  وية موتك بلكي  موتي
والموت ... يگطع گلبي مو بس خوية صوتي
مفتوت .... چبدي ، والدمع   يفضح  سكوتي
تابوت ...... چن صارت  حياتي  ابلا  إخوُتي

والگلبة    مجروح        ما    يترك    النوح   
   اوگلبي منكسر                وأمشي اعلة الجمر
   شيخلص العمر               شيطّلّع       الروح
~~~~~~
يحسين  ... يوگف گلبي  لو صاحو  غريبة
والعين .... ما  تغمض  إذا  شافت  مصيبة
چا وين . مثل احسين اخوي امنين اجيبة
كلفين  .... فارگت  اخوّتي  كلهم   عجيبة

بس وحدي يحسين     وكل  اهلي  ميتين
    شدونة  ابحبل            واصعدنة الهزل
    فگدك مو سهل         چن  ميتة   مرتين
~~~~~
أحمد عباس الحساني باز کردن / نظر دهید