عبارات تحفيزيه :
بطل تحسبها.!
بطل تفكير ازاى هجيب مجموع وازاى ربنا هيوفقني كل دا ميخصكش .
متدخلش نفسك ف مقارنات مع حد متدخلش نفسك ف مقارنة مع صاحبك الدحيح اللى بيحسسك إنه خلاص مفيش أمل ليه بقا ؟ عشان الإنسان بطبيعته تفكيره سلبي فالمقارنات أنت ممكن تكون اشطر منه وبتفكيرك اللى بينعكس ع أفعالك تلقائي تفتكر إنه أحسن منك و ده يأثر عليك نفسياً وتُحبط من حاجة ف عقلك الباطن أساسا وملهاش وجود .
كافيء نفسك واتعب ( التعب الجسدى أهون مليون مرة من التعب النفسي) امدح نفسك دايما ومتستناش من حد إنه يقولك براڤو أو عاش عوّد نفسك إن تفكيرك يبقي إيجابي.
امحٍ من دماغك فكرة إنك مش هتجيب مجموع امحيها.! فكر وأنت بتذاكر دايما ف يوم النتيجة وإن كل تعبك النفسي والجسدى دا هيؤتي ثماره.
احسن الظن بربك و لا تيأس فبعد العسر يسر لازم بعد كل تعبك ده ربنا يكافئك بحاجة ماكنتش تتوقعها.. بعوض ينسيك كل وجع حسيت بيه و عيشته لازم ربنا يراضيك فضعف اللي كنت متوقعه و مستنيه ده رحيم و أرحم عليك من نفسك.. مهما طال العسر ف اليسر آتِِ لا محالة
@تحفيز ثانويه
