حلمك_يستاهل انت عارف انا مين ! .. انا اللي مش بخليك تنام بليل ، انا اللي شاغل تفكيرك ، انا اللي انت نفسك توصلي و تحققني و تفرح نفسك و تفرح اهلك بيا .. انا الكلية اللي نفسك فيها و بتحلم بيها و مش شايف نفسك غير فيها .. انا المجموع العالي اللي عايز تحققه .. انا اللي ملازم عياطك و مصاحب حزنك وألمك و خوفك .. بس انت شكلك نسيتني .. ايوة نسيتني و بتنساني مع كل درجة امتحان وحشة ليك ، ايوة نستني و انت ماسك موبايلك و بتضيع ف وقتك ع الفاضي كل يوم ، ايوة نسيتني لما فقدت الأمل فنفسك و فربنا انك تقدر توصلي ، نسيتني فكل لحظة كسل و كل لحظة ضعف و كل لحظة اكتئاب وعياط .. كل كلمة احباط من حد قريب منك كان بيحاول عن قصد يبعدك عني اكتر عشان يشمت فيك فالاخر و انت بضعفك صدقته و استسلمت .. و مع ذلك انا برضو مش ناسيك ! انا حلمك و اختارتك انت بالذات عشان عارفك و عارف انت تقدر توصل لايه .. عارف انت تعبت و هتتعب عشاني قد ايه ، عارف ان حصلتلك مشاكل كتير و ظروف كتير و كسل و زهق و ملل ، بس انا عارفك و عارف انك قوي ، عارف انك تقدر تتحدي كل حاجة عشاني ، عارف ان اهلك ومدرسينك و اصحابك محبطين بس انا مستحقش منك انك تسيبني عشان كلامهم .. مستحقش منك تضييع وقتك و كسلك و زهقك دول .. مستحقش منك تنساني و انا اللي دايما فاكرك و مستنيك توصلي ! .. شايفك و انت بتقع كل مرة و فكل مرة بستناك تقوم .. اوعي فمرة متقومش !! اوعي تسيبني انا لحد تاني عمره ما كان يحلم بيا عشان شوية لحظات كسل و ضعف وخوف و احباط .. انا واثق فيك واثق انك تقدر وواثق انك هتوصل لو تعبت فعلا عشاني حتي لو بداية من دلوقتي ! انا قريب اوي منك فبلاش تبعد انت .. اتعب عشان حلمك يستاهل
