هل أنت فاشل في الجمع بين الدين والدراسة هل أنت فاشل في الجمع بين طلب العلم وحفظ القرآن اوعى تفتكر أن الوقت اللي أنت هتشيله من وقتك للدين والعبادة أو سماع الدروس وقت فعلًا الدنيا محتاجاه أو الدراسة محتاجاه الوقت يسع للدين وللدراسة ولكن نريد حسن تنظيم الوقت لازم توقن أن الوقت اللي أنت هتعطيه للدين ربنا يبارك لك فيه في الدنيا والوقت اللي هتعطيه لدينك وحفظ القرآن عمره ما هيضيّع من وقتك أو مذاكرتك أو عملك قال تعالى:- { وَاستَعينوا بِالصَّبرِ وَالصَّلاةِ } ابدأ بالمذاكرة من الصيف نصف ساعة في اليوم في الأجازة يعني عشان أول ما تدخل الدراسة تبقى أنت واخد على المذاكرة يعني عوّد نفسك أن المذاكرة تبقى موجودة في حياتك وأنت لسه مش متوتر ولا مرتبك ولا خايف من امتحانات في الدين والعبادات حدد أوراد مقدسة لهم خط أحمر حتى لا تجور الدنيا على أوراد عبادتك ودينك اوعى تأڤور في الاتنين (الدين-المذاكرة) بمعنى مثلًا بحفظ كمّ كبير وعندي مذاكرة كتيير فالكلام ده ما ينفعش يعني بلاش المثالية اللي بتشل وتفشل بلاش الاستعجال اللي بيفشل احفظ ربع في الأسبوع وذاكر 15 صفحة في الأسبوع واحدة واحدة يا جماعة دي مرحلة التعود عشان مرحلة الانطلاق لازم نبني أساس الأول فيها وواحدة واحدة هتسخن وتنطلق القاعدة النهائية ما نقص وقت من عبادة كما أنه ما نقص مال من صدقة كل وقت هتعطيه لربنا ربنا هيبارك لك في باقي وقتك بس بالمعقول يعني ما ينفعش تصلي خمس ساعات والساعة اللي هتذاكرها هتطلع بيها امتياز وازن بين الاتنين وبلاش أڤورة #هل_أنت_فاشل 281 viewsKarima, 22:28
