#سؤال شنو #أخطاء طلاب السادس ؟ كلنا نعرف طالب السادس بالدفعات | احمد ابو السنتر
#سؤال شنو #أخطاء طلاب السادس ؟
كلنا نعرف طالب السادس بالدفعات السابقة يدخل لمرحلة السادس وهو يجهل هواي أخطاء ممكن تضيع تعبه و ممكن ما توصله لحلمه ؟ و تكون سبب بضياع حلمه مثلا !
من هاي #الأسباب_و_الأخطاء
طالب السادس يحتاج استراحات ع المدى اليومي و ع المدى الشهري ( مثلا لازم باليوم ياخذ اوقات استراحة تتراوح بين ٤ الى 6 ساعات ! بالإضافة لازم خلال الشهر او الأسبوع ياخذ يوم ريست ! ) لان كثره الضغط و الدراسة و هوسة المعاهد و الملازم راح تخلي طالب السادس يوصل لأهم فتره بالسادس الي هي المراجعة و يكون بوقته كاره كلشي وتعبان ! ، فلازم تجنب الضغط الزايد .
أغلب طلاب السادس تفكر بالماضي اشكد ضيعوا فرص و اشكد طلعوا درجات بالخامس ..الخ و يفكرون بالمستقبل شنو يردون يصيرون ؟ و يا كلية تقبلهم ...الخ ، بس هو ما يعرف هيجي تفكير راح يضيع أهم فتره بحياته الي هي فتره الحاضر بين ايده ! فلازم تفكر بالحظات الي هسه تعيشه و تفكر صح و تنجز أمور اشكد ما تكدر و تبتعد عن الماضي بس اخذ من عنده عبره فقط و ابتعد عن المستقبل بس اخذ من عنده الهمه فقط .
المقارنة شيء كلش مزعج ! هواي نشوف فئه من طلاب السادس + اهلهم مسوين مقارنه ويا شخص معين ممكن كرايبهم او مقرب الهم و يبدون يقارون ، هيجي مقارنه ادمر الطالب بدون ميدري و تحسسه هو مقصر ويا نفسه و عنده فد نقص ، المقارنة الصحيحة تكون ويا نفسك ! يعني لازم تقارن إنجازاتك بين نفسك سواء اليوم الفات او الأسبوع الفات و حاليا .
