طريقة دراسة قواعد اللغة الانكليزية :-اول شي طلاب إسوا بعد م | احمد ابو السنتر
طريقة دراسة قواعد اللغة الانكليزية
:-اول شي طلاب إسوا بعد متقرون الموضوع وتفهموا كلش زين تجيبون ورقة وتكتبون بيه القاعدة مال موضوع بشكل مختصر وتكتبون مثال لو مثالين هاي الورقة متصدكون شكد حتفيدكم بالمراجعة وبالامتحانات
٢)بعد ما قريتوا الموضوع وكتبتوا مختصر عنه تبدون تحلون تمارين كتاب النشاط ويفضل طلاب قبل متبدون تحلون اي سؤال بالقواعد تكتبون القاعدة وعلى اساسه تطبقون هذا شي راح يخليكم تجنبون اي خطأ ممكن يصير
٣)بعد ما حليتوا التمارين ننتقل لحل الوزاريات طبعا طلاب انصحكم اي موضوع تقروا تحلون وزارياته اول بأول ابدا لتراكموه عليكم وتعوفوه لوقت المراجعة لا طلاب ابدوا من هسه حلوا وزاريات اي موضوع تقروا وأشروا الاشياء الي تغلطون بيه بالالوان علمود بالمراجعة والامتحانات ترجعون عليه وتركزون عليه
٤) وانصحكم طلاب اذا تريدون تحفظون ومتنسون اي شي وبالذات ألانكليزي تحلون ورقة وقلم هاي النصائح اذا اتبعتوه طلاب تضمنون درجة كاملة بقواعد ألانكليزي
