كيفية دراسة قطع كتاب الانكليزي :- طبعا القطع بالوزاري علية ١٠ | احمد ابو السنتر
كيفية دراسة قطع كتاب الانكليزي :- طبعا القطع بالوزاري علية ١٠درجات وهوايه طلاب يعانون من مشكلة نسيان القطع وتضيع عليهم درجات بسبب هذا الشي افضل طريقة تقرون بيه طلاب القطع هي انه تطبقون الخطوات الي راح اكوله هسه :- ١)اول شي طلاب ترجمون القطعة ومتخلون كلمة متعرفوه يعني ترجمون كلمة كلمة وتأشرون الكلمات الجديدة او الي تشوفوه صعبة بالالوان ويفضل كل الكلمات الصعبة او الجديدة تكون بلون واحد علمود تذكروه هايه الخطوه حتفيد كلش الطلاب الضعيفين بالانكليزي ٢) الخطوة الثانية بعد ما ترجمتوا القطعة واشرتوا الكلمات الصعبة تبدون تقرون القطعة قراية سطحية يعني تشوفون شنو بالقطعة عن شنو تحجي شنو الاحداث الي دتصير يعني بس تاخذون فكرة وطبعا بهايه الخطوة كلش حتساعدكم الترجمة الي ترجمتوه بالخطوه الاولى ٣)بعد ما عرفتوا عن شنو تحجي القطعة وعرفتو ا الفكرة القطعة تجيبون ورقة بيضة وتبدون تكتبون الشغلات الي تحسوه مهمة او الشغلات الاساسية يعني تحاولون طلعون اسئلة عن القطعة وبكل سطر تقروا اسئلوا نفسكم واشروا الشغلات المهمة بلون واحد هذا شي كلش حيساعدكم بترسيخ المعلومات وتبقى اطول فترة ممكنة ومتنسوه ٤)تبدون تقرون مصدركم الاسئلة الي ذاكره ويفضل تقرون كل شي ورقة وقلم ويفضل طلاب متقره الاسئلة الموجودة بمصدرك الا بعد متكون فاهم القطعة ومطبق الخطوات الي حجيته فوك لان اذا قريت فقط الاسئلة بالوزاري اي سؤال يغير ولو تغير بسيط مراح تعرف تحل فيفضل تطبق الخطوات الي حجيته فوك يله تقره مصدرك ٥)تحلون وزاريات وميحتاج اكلكم اهمية الوزاريات وشكد ممكن انه تجي اسئلة من الوزاريات *اذا طبقتوا الخطوات الي حجيته بعد مستحيل تكون عندكم مشكلة بالقطع *اعداد رفل التميمي احد ادمنية سنتر السادس
