2023-07-03 12:41:27
إجيتَك أدِفنَك أنا إلغالي إبنَك
سَعي لُمن إجيتَك
جسد مَرمي لكيتَك
أنا إلغالي إبنَك
٠٠٠٠٠٠٠٠٠٠٠٠٠
على راس إلـرُمُح يا بويه وِنِظَرتَك
سامِحني مِشيت إو عـــالتُرُب عِفتك
يَغالي مِــــــــــــن ثَلثـت إيام مَدفَنتَك
عَجيبه إشلــــون أصبُر بيها ماشِفتَك
يَبويه إعتِذآري تِأخَر قَراري
بِدَمِع عيني إعتِنيتَك
جسد مَرمي لكيتَك
أنا إلغالي إبنَك
٠٠٠٠٠٠٠٠٠٠٠٠٠
إسير آنـه يَبويـــه إو راسَــك إكَبالي
أحاجيـــك بِهَــــمِس وأدريك تِبرآلي
وسـط كلبـي جَـرِح مــايِشفــه للتالي
إدفَنت جِسمَك وِإجيت الحين يالغالي
عِتابَك حَنينَك حَنينك أنينك
تِعاتِبني يَريتَك
جسد مَرمي لكيتَك
أنا إلغالي إبنَك
٠٠٠٠٠٠٠٠٠٠٠٠٠٠
شِفِـت مَشغولـه زينب يـاظِـوه عيني
هَمس حاجيتك إنته بِسُرعه حاجيني
إذا إنـتِبهـت تَــــره دَمعَـتهـا تـآذيني
تِـسـأل عـالحِــوآر إلبينَـــك إو بيني
بِدَمِها حَزينه تِسِألك حَجينه
على زينب وِصِيتَك
جسد مَرمي لكيتَك
أنا إلغالي إبنَك
٠٠٠٠٠٠٠٠٠٠٠٠٠٠
جُثمـانَـك يَبويـــه أدري بــــي يِنطُر
وأنـا دَمعـي على إتـراب إلذَبِح يِنثُر
ثوآني إتأخَرِت عالكاع صِرت أنظُر
أدور ويـن بـويــه طيحَــت إلخُنصُر
رُفَعته بِديه أقدمه هَديه
يبويه إومانِسيتَك
جسد مَرمي لكيتَك
أنا إلغالي إبنَك
٠٠٠٠٠٠٠٠٠٠٠٠٠٠٠
إجيت إتفاجَئِت موهيجي من عِفتَك
مكطـوع إلجفـوف إو عاريه جِثتَك
مَسلوب إلعِمـامـه إوعيني ناظِرتَك
إذا أرجَع شَكول إلعَمتي من شِفتك
تِغَسلك دَمِعتي حَسِرتي إبرَجِعتي
بِجَرِح كلبي حِجِيتَك
جسد مَرمي لكيتَك
أنا إلغالي إبنَك
٠٠٠٠٠٠٠٠٠٠٠٠٠٠
رِحِت صوب إلشِريعه وأعثَر إبدَربه
شِفِـت عَمـي طِـريح إوحالتـي صَعبه
لأن عَـمـي كِتَــب بِجفــوفــه عالقِربه
سَبيـل إلـمـاي أول زينــــــب إتشُربه
يَزينب هِيامه يِكول إلسَلامه
يَعَمي إشكد تِنيتَك
جسد مَرمي لكيتَك
أنا إلغالي إبنَك
٠٠٠٠٠٠٠٠٠٠٠٠٠٠
خادم الحسين
حاتم ماشاءالله الكاظمي
الرادود احمد الزوار اضغط على الرابط
https://t.me/+QYhwKvqAiD7e_b1P
1.3K viewsالناشر احمد الزوار, edited 09:41
ا
