#قصائد_استشهاد_الامام_الجواد_ع #مـۄسسـﮫ_مــﻥــبـريۄن_للالـﺢــ | 11.منبريون للشور والزنجيل🧿

#قصائد_استشهاد_الامام_الجواد_ع

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار


لاستشهاد الإمام محمد الجواد عليه السلام شوط كربلالي

حگها الروح تشبع نوح وعيني تسكب العبره
على النور الگظه مسموم امامي تاسع العتره

********* ٠
الارض لجله وسماها تنوح لجله يغضب الباري
امام بلاذنب مسموم بيه حكم القدر جاري
ماعنده ذنب معلوم بيهم شيمته ايداري
لكن ذنب بالعدوان تكره للشرف طاري
بالسم ينمرد چبده
بقه بدارالصبر وحده
غريب ولااهل عنده
يلوب من الالم معلول طريح ولوعته بصدره

,******************
يبوالهادي بقه الهادي خلافك حاير وبلهم
بظهر محني وسط عدوان لهجتها الذبح والدم
كل يوم الطفوف تعود اعليك و نار المخيم
غبت عنه ابحلات الشوگ ذاك الشمل مايلتم
شباب تفرهد ابغفله
عليك ايام موسهله
على الماواحد من اهله
يگطعها فجاج البيد وكت النايبه يحظره

******
مهظوم العلم بعده تموج الدنيا مختله
راح الجود عن الناس ماينطي الوكت مثله
المساكين بهظم تنعه اليتامه تنحب ابذله
صعبه جنازته بهلحال غريب المايجون اهله
بغداد اشجره عليها
بحزن ضجت نواحيها
الگمر فارگ لياليها
ضجت شيعته تندب عليه بگلوب مستعره

*******
ابد مامعتصم بالله البلله معتصم اسمه
شيبها الليالي السود بجوره وسلطته وظلمه
طفح كيل الحقد مدفون ذاك اليدعي الحكمه
الطبعه شوك مايهتم تمر لوماتمر نسمه
القليل وجوهره خالي
ويحن لبليس ويوالي
يغار من النجم عالي
اشجاب الشوك للقداح وليالي السود علكمره

*****
خطه اتنفذت بالحال لفتله ام الفضل بالشر
ماعدها رحم وانصاف غير الغدر ماتگدر
من سابع ظهر أحقاد. ابد مايوم تتغير
ثلث تيام سيدها وجهه الشمس بيه تصهر
بلاعاطفه ولارحمه
سمت تاسع اليمه
ولاواحد بقه يمه
ياهو للمدينه يروح لابنه الهادي ويخبره

الشاعر حسن لعيبي الحريشاوي



مؤسسة منبريون للالحان رقم 1
@ahmed_alziwar1

مؤسسة منبريون لنشر القصائد 2
@ahmed_alziwar2

مؤسسة منبريون للمقامات3
@ahmed_alziwar3

مؤسسة منبريون للنعي4
@ahmed_alziwar5

اكبر كروب لتلحين القصائد

1.كروب 1 خاص بنشر وتلحين القصائد
https://t.me/joinchat/Dw92Dj9pmspR5uHfACGjlA