س/ انا بنت وعندي ١٧ سنه كنت بحب واحد من سنتين ونصف وحصل مابينا | أحمد المنجي | القناة الرسمية

س/ انا بنت وعندي ١٧ سنه كنت بحب واحد من سنتين ونصف وحصل مابينا علاقه محرمه وطلع شخص وحش اوي كان دايما بيخوني وبيزلني في المعامله .. ومكنتش قادرة ابعد عنه لاني كنت متعلقه بيه جدًأ..

حولت ابعد عنه كتير وتعبت نفسيا بسببه وكنت هدخل المصحه ومكنتش باكل وكنت هموت وبمعني أصح انا عارفه اني غضبت ربنا في حجات كتير وروحت لواحد انا ووحده قريبتي عشان يعملي عمل عشان ابعد حتي دا منفعش انا عملت حجات كتير وحشه حاسه ان ربنا مش هيسمحني ابدا ضميري تعبني اوي حياتي حياتي كلها ادمرت بقيت مهمله في درستي وحياتي كلها ...
..
ج/ سبحان الله ! النوعيه دي من الرسايل بتبقا نهايتها واحده ..بنت كلمت شاب ودخلت معه في علاقه محرمه العلاقه دي ممكن تستمر بالسنتين و٣ و٤ و٥ سنين ياخد منها كل الي هو عاوزة وبعد كدا يرميها ويبعد عنها ومع السلامه ..ايه النتيجه النتيجه اني اتخنقت وتعبت ودمرت وعاوز اموت ومش قادرة اصلي مش عارفه اكل مش قادرة اذاكر عياط ليل ونهار (ظلمات فوقها فوق بعض)

لازم تعرفي اما تكلمي شاب وتدخلي معه في علاقه محرمه اول حد هتخسريه هو انتي هتخسر نفسك .. هتخسر ثقتك في نفسك هتخسري كرمتك .. هتخسري علاقتك بربنا فضلا الي الاسائه الي الوالدين .. عارفه اما تكلمي شاب وتسلمي له نفسك انت كدا بتحطي راس ابوكي في الطين لان بعض العلاقات المحرمه بتخرج بفضيحه نسأل الله السلامه في الدنيا والآخرة..

انا عاوز اقول للبنت الي نفسها تكلم شاب البنات الي سبقوكي ومشيوا في الطريق دا وتدخل معها في علاقه وتحب وتتحب البنات الي سبقوكي كان النتيجه هي المدم والضياع والهلاك والدمار فمتمشيش في طريق يكون سبب دمارك وضياعك

تعرفي من أفضل الانجازات الي ممكن تحققيها في حياتك انك تحفظي علي نفسك وتحفظي علي علاقتك بربنا متبعتيش صورة لحد متفتحيش كميرا لحد في الحرام مفيش حد يلمسك في الحرام يبقا اول واحد يلمسك ويقرب منك هو زوجك دي اعظم الانجزات دي البطوله ودا الشرف الي تقبلي ربنا بيها يوم القيامة
....
لو بنت وقعت في شئ من المحرمات لا تيأسي ابدًا من رحمه ولا تقنطي من رحمه الله استغفري ربنا وتوبي الي الله وستجدين ربكِ غفورا رحيما نقطه ومن اول السطر وصفحه جديده مع الله وربنا يغفر الذنب ويقبل التوب ويعفوا عن السيئات 
..
⁃ الشيخ: أحمد المنجي -حفظه الله-