'لحد الان !' كلمتين كلش ضرورية بوكتنا هذا .. ليش ! لان الناس | إحتواء
"لحد الان !"
كلمتين كلش ضرورية بوكتنا هذا .. ليش ! لان الناس مو نفس الناس ولا الوكت نفس الوكت ، صرنا من نعرف شخص ونشوفه الدنيا كلها نكول عليه خلص هوه هذا الي محنشوف مثله ونضل نحجي بي لعزازنا كد ما متفاجئين الدنيا بعدها بخير والناس الطيبه موجوده.
بس بعد كل هالكلام ، يبين معدن الشخص الحقيقي ويطلع مو مثل ما متصورين.
هذا الوكت خلانا حتى الناس الي متوقعيهم كلشي من نجيب طاريهم بالخير نكول لحد الان .. لان الناس صارت بثانيه تتغير وتخلينا نعض اصابيعنا ندم لان ذكرناهم بالخير ..
كل الي دتقرون .. امانة لا تتغيرون على احد يعزكم ويحبكم او تطمعون على ان هوه دايم الكم مهما سويتوا لان من كثر الضغوطات الي بحياتنا الناس صارت تتغير بكلمة مو بس موقف.
وختامها " لو خليت قلبت والدنيا بعدها بخير .. لحد الان! "
