قناة الحجية أم علي البصرة🏴أحزان وافراح العترة الطاهرة

2023-07-23 22:29:25 وينهن الملايات تعالن وياي نروح للجنوب لقناة الشاعره نورس الحلفي ادري بيكم هالايام تحظرون قصائد لمحرم حتى تواسون الزهراء
تعالونشوف شمجهزه لخطارها اليوم حبيبتي الملايه جيبي جنطتج وكعدي اختاري القصائد والنعي الي يفيدچ بالعزاء لاتنسين تدعيلها بالتوفيق

هاااا ولتنسين منا الأشترااك




https://t.me/nawrasalhalfy

https://t.me/nawrasalhalfy باز کردن / نظر دهید

2023-07-23 16:24:22 مسوين حملة على هاي الصور نريد ننشر مقولة السيدة زينب بأي مكان الي تحب تشاركنه بهاي الحملة والي ماتحب على راحتها بس اتمنى من ادزلجياها دزيها لاقاربج اخواتج صديقاتج باز کردن / نظر دهید

2023-07-20 13:51:34 نشروا بكروباتكم أقسم عليكم بنحر الإمام الحسين عليه السلام الوضع صار إفلاتاً عند البعض باز کردن / نظر دهید

2023-07-19 18:11:45 قريض للحسين ع
فصيح
=========


بُعداً لقومِ قَتلو أبنَ بِنتِ نييهم
ماعُذرَهُم لو حانَ يومَ الحَشرِ

يَومَ تنزلُ فاطمٌ تحملُ قميصُهُ
تُنادي  باي ذنبٍ قَطّعو النَحرِ

وَبيدِها كُفوفاً منها الدَمُ يَنزفُ
ودَمّعُ عَينيها على الخدِ يجرٍ

ماذنبُ كفُ الكرامةَ يُقطعُ
والجسمُ منهُ بِلا رَأسٍ على النهرٍ

وماذنبُ ابنتي الى الشاماتِ تُسبى
وَقتلَ الأطفالِ وهَتكِ الخِدرِ

وها انا بَينَ يَدَيكَ كَسيرةً
اهٍ منَ المِسمارِ واهٍ من الكَسرِ

قد غَصَبو مِيراثي مني عِنوةً
وَاسقَطو جَنيني وكَسَرو الصدرِ

تبا  لكم  الَ زيادٍ والَ  اميةً
على مَدّى الدَهّرِ شيمَتكُمُ الغَدرِ

نَصَبوُ العِداءَ ل الَ البيتَ مذ امداً
ماراعو حقَ اللهُ فينا واوُلوُ الأمرِ

مَن يأخذُ الثاراتِ سيأتي مُحَتّماً
وَيشفي جُرُوحي  صاحِبُ العَصْرِ



=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-19 18:10:16 نعي للحسين عليه السلام يوم العاشر

========


تكلها يمه يايمه زهره يايمه

يمه شفت الولي علوجه مگلوب

مسلب يزهره وماكو الثوب

بلشمس عاري وهوه ليهوب

وراسه بحجر يايمه مضروب

..................

يمه لو شايفته گليبچ يذوب

خنصر اصبعه بعيد مذبوب

چا شنهي ذنبه وبيش مطلوب

يمه المصايب علينه انصبّن اصبوب

................

يمه والگمر منه مگطعه اچفوف

والراس يمه بعمد متلوف

والعلم يم النهر ملفوف

وانه عميت وبعد ماشوف

.................

وسياطهم  طبعن  بلچتوف

وبحالنه  محد  يروف

صفّت علينه الوادم اصفوف

عمت عليه يمه الطفوف

................

حطيت راس الولي بحضني

ونحب وصيحن يخال ابني

اعاين عليه ويزيد وني

مصايب كربلا يمه گضنّي

................

محد يحن ويسوي معروف

ويبعد عن حسين السيوف

دامي النحر واللون مخطوف

وگلبي على الخوان ملهوف

.................

يمه خلاف الحسين اصبحت اسيره

وي عدوان مابيهم الغيره

ويحدونه من ديره لديره

نسوان  والمحنه جبيره

..............

يمه ولو شايفه بنيته الزغيره

يوم  الشلتها   بلحصيره

حتاريت بيها شلون حيره

بخرابته گضت وهيه الأميره


على الله . على الله
يابت علي . جبرج على الله

===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-19 18:06:13 نعي للحسين عليه السلام يوم العاشر من محرم
===========


جانه الشمر للخيمه هادود

ويگلي حضري ثيابچ السود

ذبحت اخوچ وبعد ميعود

لطمي الراس وخرطي الخدود

.................

جاني الشمر ايلولح بسيفه

وكتله اخوي شلون كيفه

ويگلي سيفي اخذ حيفه

ومخضبه  اللحيه  الشريفه

.................

يگلي بشماته اذبحت الحسين

و بسفي  دمه  ماتشوفين

سويت جسمه بسيفي نصين

برجلي اكسرت من صدره ظلعين

...................

صحت بحزن  يمه يزهره

ومكسره ابصدري العبره

ابنچ حسين اگطعو نحره

وگلبي عليه اشلون اصبره

..................

سمعني وصرخ بسچ تره اجيچ

والسوط هاذا  اگطعه اعليچ

بهذا  الحبل  وربطهن ايديچ

وللشام فوگ الهزل وسبيگ

..................

للحومه اركضت  والچتف مشنوط

والحبل بيدي وحيل  مربوط

وصرخ يخويه وين محطوط

تره دمعي عليكم يترس اشطوط

.................

رحت وركضت اعلى السراب

ماشوف بعوني الضباب

لگيت الولي  فوك التراب

واللحيه حمره بدم الخضاب

................

شفت الحسين على الترايب

وكت الضهر والهوه لاهب

جيتك گلتله ورد اعاتب

تعوفونه  واحنه  غرايب

...................

حطيت راسه وسط حضني

ومن عاتبيته ماسمعني

ماهي مناسبه خويه تذبني

ماگلت هايه عمت ابني

.................

ياگبر گلي شبيك مابيك

اهل المحنه توسدو بيك

يعمي لعيون تراب ذاريك

يابصر هيّن كون انه اعميك

عميه على الوليان عيني


===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-19 18:00:15 قصيده للحسين عليه السلام
عودة الميمون
===========


ياميمون  الحسين

خبرني  الأخو  وين

خبرني  يميمون
گلي حالته شلون

ياميمون  الحسين

===========

اخوي حسين گلي شلون حاله

ادري لوحده ومحد بگاله

ياميمون  گلي  بلجراله

خذني روح  وياي
نمشي نشربه ماي

ياميمون  الحسين



صهل حيل وتنهد گال وينه

هاذا دم اخيچ ياحزينه

دم احسين اضنچ تعرفينه

يزينب  وين  اوديه
المنيه تحومي لعليه

ياميمون  الحسين



صهل صهله تفت الروح منها

لو نزلت على اجبال اهدمنها

صيحة موت هاي الصيحه چنها

ياميمون  ودني
يم حسين اخذني

ياميمون الحسين



ياميمون دلينه على اخونه

نودعه من گبل لايذبحونه

بلكي نلحگ نغمض عيونه

ادري حسين عينه
مشبوعه  علينه

ياميمون الحسين



همهم والدمع من عينه يجري

وصاح عل الجره زينب اصبري

هاذا دم اخيچ على صدري

يزينبنه الولي طاح
بجسمه نبل وجراح

ياميمون الحسين


===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-19 17:56:55 لطميه حيدريه وكفه
دكه سريعه لنهاية المجلس
على طور . هله هله حسين وينه بلسيوف مگطعينه
===========


هله هله ابنچ يزهره

بلطفوف انگطع نحره

===========

اليوم ماجوره بمصابه
والحسين انگطع نحره

والسهم بلصدر صابه
والحسين انگطع نحره

بلنحر صاير صوابه
والحسين انگطع نحره

والشمر داس اعلى صدره
والحسين انگطع نحره



خل تچي الزهره تشوفه
والحسين انگطع نحره

والگمر طاحن اچفوفه
والحسين انگطع نحره

مسلب وعاري بطفوفه
والحسين انگطع نحره

والدمه علارض يجره
والحسين انگطع نحره



لحگي يازهره علينه
والحسين انگطع نحره

بخيلهم داسو ولينه
والحسين انگطع نحره

واحنه للشام  انسبينه
والحسين انگطع نحره

مثلچ انه بخدي سطره
والحسين انگطع نحره



ياعلي سبع الحرايب
الحسين انگطع نحره

بويه بلطف ليش غايب
والحسين انگطع نحره

بكربلا شفت المصايب
والحسين انگطع نحره

والرمح صابه اعلى ظهره
الحسين انگطع نحره



والكفل ضل علشريعه
والحسين انگطع نحره

الرايه وچفوفه الگطيعه
والحسين انگطع نحره

لطمو ويانه يشيعه
الحسين انگطع نحره

محد من اهله يحضره
والحسين انگطع نحره


ماناسينه يازهره ابنچ
ماناسينه يازهره ابنج


===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-19 17:53:02 قصيده ثقيله للحسين عليه السلام
على طور
انه المنذبح عطشان ومن العذب حرموني
  للرادود المله جليل الكربلائي
===========


انه الي ... بلايه  راس

من  القفا  ذبحوني

ومن بعد الذبح بلخيل

  بحوافرهن  يسحگوني



انه الي متت عطشان
ذكروني يشيعه بنوح

بكيت على الثرى يومين
مرمي من القفا مذبوح

بس جسم وبلايه راس
دمي علثرى مسفوح

وسهام ونبل متروس
جسمي  لو تشوفوني



انه الداسته لخيول
ونرض ابحقد صدري

ورمح الحاقد الملعون
بيّن من خرز ضهري

وگص راسي الشمر بلسيف 
ويشخب بلدمه نحري

ذكرو محنتي بدموع  
ياشيعتنه واسوني 



انه الي ظلم ذبحوه
وشيبي مخضب بدمي

لاناصر  ولالي امعين 
كلها مذبحه يمي

بلاكافل بگت لعيال 
هاذا الزيده الهمي

زينب ضلت بياحال
عليها تنضر عيوني



انه الي بگه مطروح
يشيعه بحومة الميدان

مسلب خنصره مگطوع
عجب دامي النحر عريان

وراسي بلرمح مرفوع
وجسمي مرمي علتربان

بحوافر رضّو ظلوعي 
من كل كتر  داسوني



يوم الجاني الملعون 
وتربع على صدري

على وجهي گلبني بساع
وبلحربه يحز نحري

گص راسي ويهوس بي
ودمي علثرى يجري

عيالي لخذوهم ميسرين
بلايه دفن عافوني


===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-19 17:49:19 فزاعيه للحسين عليه السلام يوم المصرع
===========


السمه  والگاع

صاحت  واحسيناه

بعالي الصوت تندب وأماماه

===========

سماها وگاع صاحت طاح الحسين

اهتزت كربلا ارتجت الصوبين

وبراسه يهوسون الملاعين

ولمصابه // والدنيه هتزت


السمه والگاع صاحت واحسيناه
بعالي الصوت تندب وااماماه

%%%%%%%%%

سماها كبرت من داسته الخيل

والناس بأرضها كامت اتميل

دم حسين وسفه علثرى يسيل

ومرجونه // والدنيه ليومك


السمه والگاع صاحت واحسيناه
بعالي الصوت تندب وااماماه

%%%%%%%%%

الدنيه نگلبت الجو صاير تراب

يوم الصاح امام اكوانها انصاب

گوم احضر بناتك داحي الباب

احضر ليها // زينب بلظيم


السمه والگاع صاحت واحسيناه
بعالي الصوت تندب وااماماه

%%%%%%%%%

جبريل بسماها كبر وصاح

هاذا ابن الزچيه علثرى طاح

على مصاب الحسين المصطفى ناح

ومولانه // ماجور بأبنك


السمه والگاع صاحت واحسيناه
بعالي الصوت تندب وااماماه

%%%%%%%%%

السمه والگاع صاحت طاح مولاي

الزهره تگول من تتگابل وياي

تساعدني على ابني ولبة احشاي

ونعازيها // والزهره اليوم


السمه والگاع صاحت واحسيناه
بعالي الصوت تندب وااماماه

%%%%%%%%%

نعازيها الزچيه بلطم المتون

نبچي وياها وندگ اعلى العيون

تحضر بلمجالس شيعه تدرون

وعينيها // والزهره ويانه


السمه والگاع صاحت واحسيناه
بعالي الصوت تندب وااماماه

%%%%%%%%%

سماها وگاعها رتجت العباس

وسفه الحيد طايح بين الارجاس

مضروب بغدر عامود علراس

ومصوبينه // ياوسفه الحيد


السمه والكاع صاحت واحسيناه
بعالي الصوت تندب وااماماه

%%%%%%%%%

نعازيها الحزينه وام البنين

على الساده المشو چنهم شياهين

على عباس وخوانه الميامين

ونواسيها // ام العباس


===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید