مال بليس للشيطان .. أكو كم حرامي وفاسد كانوا معولين على تشريع | اياد السماوي
مال بليس للشيطان .. أكو كم حرامي وفاسد كانوا معولين على تشريع قانون الأمن الغذائي الي مواعدهم بيه أبو ريكان محمد الحلبوسي ، وهذوله دفعوا رشاوى عشرات الملايين من الدولارات حتى يفوزون بعقود قانون النهب والسلب ، لكن هذولة الحرامية ما كانوا مخلين بتصورهم أكو محكمة اتحادية عليا بيها قضاة تعلموا القضاء بالعدل والإنصاف من سيد القضاة الأولين والآخرين علي بن أبي طالب ، وهاي المحكمة راح تحكم ببطلان قانون النهب الغذائي الي هو كذب مو غذائي ، وإنما عبارة عن قانون لنهب أموال الشعب من قبل تحالف الحرامية .. هسه ذوله الي دفعوا هاي الرشاوى بالملايين راحت فلوسهم بولة بشط ، وضحك عليهم أبو ريكان وصلخهم بوري معدّل .. إلى جهنم وبئس المصير همّه وفلوسهم الحرام .. مال بليس للشيطان ..
