أحيانا من تسمع تصريحات المسؤولين العراقيين تگول هذولة صاحين لو | اياد السماوي

أحيانا من تسمع تصريحات المسؤولين العراقيين تگول هذولة صاحين لو سكارى ، اليوم الأخ وزير المالية علي عبد الأمير علاوي صرّح أنّ حكومة إقليم كردستان ما الها حصّة بالموازنة القادمة حسب قرار المحكمة الاتحادية الخاص بنفط الإقليم ، على أساس الأفندي جاب الذيب من ذيله ، ليش هي الاموال الي أرسلها جنابك يا معالي الوزير إلى حكومة إقليم كردستان قبل قرار المحكمة الاتحادية كانت قانونية ؟ طيب يا معالي الوزير بعد قرار المحكمة كم مرّة أرسلت مبلغ ٢٠٠ مليار إلى حكومة الإقليم ؟ تگدر تگلي هاي تحت يا قانون أرسلتها ؟ معالي الوزير معذرة .. جنابك وزير غير أمين على أموال الشعب ، ولا تبيع بروس الفقرة حلاوة بجدر مزروف وتسوي نفسك أمين وحريص على المال العام ، أنت ورئيس الوزراء اثنينكم مصيركم السجن بسبب تعمدكم بإهدار المال العام خلافا لقانون الموازنة لسنة ٢٠٢١ ، وأنا ونت يا معالي الوزير نلتقي ان شاء الله يوم ١٧ / ٧ بالمحكمة الاتحادية ..