والله يا عدنان راح نفلح وعيونك تشوف .. عدنان الطائي .. أنت أق | اياد السماوي
والله يا عدنان راح نفلح وعيونك تشوف .. عدنان الطائي .. أنت أقسمت بالله أحنا ما راح نفلح وگلت سفينتكم مخرومة وما راح توصل وما خليت توصيف ما وصفتنا بيه.. وشرفك يا عدنان مو بس راح نفلح وسفينتنا تصل إلى مرفئها سالمة بعون الله ، لا لا ، راح تشوف بعيونك العماهن حقدك الأسود البغيض على الشيعة والمقاومة وإيران شلون راح نفلح ونشّكل حكومتنا الخدمية .. وما راح أگلك القافلة تسير … ، بس أگلك أنت تعرف مرشّحنا لرئاسة الوزراء شلون أخو أخيته وشهم وشجاع ويندل كل درابينكم الظلمة ، عدنان وروح ابوي السوداني راح يگطع عليكم الماي والكهرباء ، والله العلي العظيم ما راح يخلي ربعكم الحرامية يشتمون الهوا مو يسرقون .. ونت يا عدنان هذا الي أوعزلك وگالك اطلع هاجمهم بهذه الطريقة الوقحة ، هو أول واحد راح يتخلى عنك .. بعدين أنت بخطابك مال يوم أمس ثبتت على نفسك بالصوت والصورة أنك من المحرضين على الفوضى والمهددين للسلم الأهلي .. وابشرك عدنان القضاء وهيئة الإعلام والاتصالات اعتبروا حديثك مال يوم أمس هو تحريض مباشر على الفوضى .. وقبل لا اختم كلامي وياك أگلك ، الي صمم سفينتنا مثل نوح عليه السلام ، صممها لمقاومة أكبر طوفان ، افتهمت زين لو لا ؟ والأيام بيني وبينك يا عدنان ، وهاي أول خطوة راح اسويها راح اطالب رئيس هيئة الإعلام والاتصالات أن يوقفك نهائيا من الظهور على أي قناة فضائية ، لأنك يا عدنان اصبحت تشّكل خطر على السلم الأهلي وعلى الاستقرار والأمن ..
