حرم او رضعان نار او دخان الفزع ملتم عليه ...منو اليفزع | قصائد حسينيه للشاعر ابو اسد البزوني
حرم او رضعان نار او دخان
الفزع ملتم عليه ...منو اليفزع اليه
نار او دخان
---------------
حيهم يااخوتي الگوم وصلوني
انه ابخيمتي اورادو يحرگوني
زينب يالله اطلعي ضل ينادوني
سبو والدي او ردولي سبوني
يابو الاحرار حرگتنا النار
شفت جثتك رميه ..منو اليفزع اليه
نار او دخان
---------------
ياهو العنده غيره ويقزع اعليه
فوگ التل صعدت اوانه علويه
الزلم يابويه كلها اشمتت بيه
وعباس الكلف ضل جثه مرميه
طاح العباس مگطوع الراس
اكطعت نحره اميه..منو اليفزع اليه
نار او دخان
---------------
لراعي الغوث اريدن وجهي اديرنه
اكيد الوالد امننحشمه يسمعنه
نكله ياعلي احضر تبهذلنه
حرم كلنا ثكاله اوحرمله يطگنه
يا راعي الغوث هل من مبعوث
دنت مني المنيه ..منو اليفزع اليه
نار او دخان
---------------
جنت امدلله ومتحشمه ابخدري
ماجي لكربله لوهيج جنت ادري
انه ام الصبر بس شو نفذ صبري
مو هينه اشوفن ينذبح عمري
فوگ الخشبات حطو ايات
غضب رب البريه..منو اليفزع اليه
نار او دخان
---------------
وينج يمه الحگي اعليه يالزهره
هذا حسين ابنچ رضرضو صدره
مو من الوجه من القفى نحره
اخ ايصيح اسمعه لاچن بحسره
يايمه ايصيح وادموعه اطيح
فدك طلعوها بيه ..منو اليفزع اليه
نار او دخان
---------------
ابو اسد البزوني
