اموت اموت لو طولو سفرهم اموت اموت من ينگطع خبرهم ما خله ف | قصائد حسينيه للشاعر ابو اسد البزوني
اموت اموت لو طولو سفرهم
اموت اموت من ينگطع خبرهم
ما خله فركاهم حيل
ابلياهم اشيگضي اليل
من ينگطع خبرهم
حضرت بعيوني جربه وسهم فركاهم ضربها
شلون ينطي كلبه ابويه ويترك أبنيته اليحبها
ساعة الحمل ضعنهم روحي ضَل يحرگ لهبها
والدموع بعيني صارت كلجمر لوكمت اصبها
وداع وداع ينهش بقه ابدليلي
وداع وداع يابويه هدلي حيلي
من حملو شفت الويل
ابلياهم اشيكضي اليل
من ينگطع خبرهم
طالت بعيني المسافه والنفس شو قل عليه
فاركوني الجنت احبهم وكطعو ياوسفه بيه
ارسم أحلام الطفوله دائما جنت اعله اديه
بس ولا خطرتلي اصلا ًمالت اتسافر رقيه
حرام حرام مكسوره بتكم خاطر
حرام حرام بالله اشكثر تكابر
بيها الحزن ضَل يعيل
ابلياهم اشيگضي اليل
من ينگطع خبركم
شابحه اعيوني لدربكم والهجر تعب نضرها
مشيبه تطلع ياحسافه بويه كل حسره الاجرها
روحي اذا ماانت يمها كلي جاشنهي اليسرها
هيه التفارك مثلكم جا بعد شلّها ابعمرها
يوم يوم كل ساعه اعاتبنكم
يوم يوم ليمت يرد ضعنكم
تدرون صاحبت الميل
ابلياهم شيگضي اليل
من ينگطع خبرهم
امنين اسولف وبتديلك ياجرح مامر عليها
ريتك اتشوف العليه فرگتك شمسويه بيها
من كثر هم اليالي اتعثرت حتى ابمشيها
ليش دامي وماكو راسك بل حلم لمن تجيها
تشوف تشوف فوگ الرمح راسك
تشوف تشوف حافر فرس داسك
بضلوعك ادوس الخيل
ابلياهم اشيگضي اليل
من ينگطع خبرهم
بل حلم صوره اخطرتلي انجرح لو انضرلها
باجر المدلوله زينب محد ايضل امن اهلها
توگع ايمينه ويساره اعله النهر ذاك الكفلها
ياحسافه اسم الامير باچر
ادين ادين من المتن تتگطع
ادين ادين فوگ الارض تتوزع
من ينطفي نجم سهيل
ابلياهم اشيگضي اليل
من ينگطع خبرهم
ل الشاعر ابو اسد البزوني
