خل تنوخذ اسيره زينب تضل اميره من عدها والله ونعم هيه مره | قصائد حسينيه للشاعر ابو اسد البزوني
خل تنوخذ اسيره
زينب تضل اميره
من عدها والله ونعم
هيه مره اوذلت زلم
خل تنوخذ اسيره
________
غصباً على الي يعادي هالكلمه تبقى اتكرر
لوما تثور العقيله هسا العبيد اتأجر
لون سكتت ولا نطقت يرد عصر الجهاله
بلا قطره احملت ثوره اكشفت درب الظلاله
نبي الحره او اجه القره يكلف بالرساله
عد الله زينب هم نبي محسوبه
والي يشك عاميته تلگه ذنوبه
دنيه يفوز او اخره البي حوبه
باجر علي شفيعه
كل خادم اليطيعه
بنار ابد خل لايهم
هيه مره اوذلت زلم
خل تنوخذ اسيره
_________
كل مرسل وعنده قصه بالمصحف الله ذكرها
بس بالطفوف العقيله چم قصه كسرت ضهرها
الف حرگه اوالف طگه او الف واحد شتمها
نعم خطبت ولا ذلت يرفرف ضل علمها
اصبحت قائد صفة رائد بعد مقتل زلمها
صارت اميره وشامخه العلويه
همه انسبو بس هيه ما مسبيه
عالحره ما تگدر كره الارضيه
جنها علي بخطبتها
اكبار الزلم ذلتها
كونك تسولف عن علم
هيه مره اوذلت زلم
خل تنوخذ اسيره
_________
عالعفه خلي نسولف ونستذكر السرها غيهب
من تمشي جان العقيله حتا الخيال يتحجب
لون تمشي الدرب يغشي علي حاجز تشوفه
ابوجها اضل اضن تخجل تضل حتى المشوفه
كطع چفه اخو الكلفه ستر سوه ابجفوفه
شكد چايحب اخته الكمر معناها
بجفوفه ابو فاضل اجه وغطاها
عن لا شخص يسمعها لو شافاها
رغم السهم حايطها
شال العقيله وحطها
ونعم بس امن الاسم
هيه مره اوذلت زلم
خل تنوخذ اسيره
_________
رايد اوجه رساله وانه اول المعني بيها
من تكتب اعلى العقيله لتخلي ركه عليها
حبر قلمك ترى يحطمك اخذ مني النصيحه
انس زلمه ونكر كلمه انشمر بالبر ضريحه
غداً يمه ابو اليمه تصح بس الصحيحه
لاتكتب اعلى الحره كلشي اسمعه
وتذلها الي بحجه تطيح دمعه
بالحره ضلت تفتخر هالسبعه
هاي الجليه العالمه
انكتبت بلوح السمه
معقوله تمشي بلا هدم
هيه مره اوذلت زلم
خل تنوخذ اسيره
_________
ارد اسال اهل المجالس والعنده غيره وحميه
تقبلها اكول اختك انت ذبت هدمها وسبيه
منو القائل ترى الكافل تضل تنزف جروحه
يضل يلهب اخو زينب اذا مسيتو روحه
الخطه بحقه يجي برقه يگله اطني السموحه
يتعذر الكال اعلى زينب ذلت
بالمجلس اعروش الطغات اهتزت
قادت حرب ام الخدر من طلعت
صاحت يويل الكافر
جانت تطلبه بحافر
وسفه الاميره وتنشتم
هيه مره اوذلت زلم
خل تنوخذ اسيره
_________
ابو اسد البزوني
