نزله لأم البنين عليها السلام .. فدوه اله اربع بنيني فدوه اله وسالم يجيني فدوه لحسين فدوه لحسين .......................................................... هذا ابو السجاد اعرفه اله اعضم منزله عمري واولادي وحياتي ناذرتها الكربله حسين حبه ورد عدنه وكل وكتنه نرتله كون گبله نموت كلنا ولا خطر يوصل اله ............... ابن مولاتي الزهره ريت احط عمري اعله عمره فدوه لحسين فدوه لحسين ........................................................... جعفر وعثمان ولدي مو اخوتك بل خدم وبني عبد الله تعرفه من الزغر كلشي فهم وابو فاضل گتله يبني بعينك اتلگه السهم خل تتطيح جفوفك انته وبالك يطيح العلم ................ اله ولدي وكل سنيني واله يرخص ماي عيني فدوه لحسين فدوه لحسين .......................................................... بالسلامه ردلي ولدي ماگلتها لا ابد السلامه حسين عدي وراح أسولفلك بعد دلول حسين چانت باذن طفلي بالمهد امنيتي جانت ذبح ولدي وربي بهايه شهد ............... الغالي لاجله اطيت غالي صادقه بقولي وفعالي فدوه لحسين فدوه لحسين ......................................................... يا بشر خبرني سولف ابني شنهو حالته گلها عظم الله أجرج بابوفاضل واخوته بالدمع والعبره سألت من جديد ونشدته مو عن ولادي سؤالي عن احسين وعيلته ................ بأربعتهم ما ابالي بس على حسيني سؤالي فدوه لحسين فدوه لحسين .......................................................... مدرسة ام البنين تخلدت بارض الطفوف عشگت احسين ابصيره تمنت اعليها السيوف نست هي ولاد عدها تشوف بس اربع حروف حاء سين وياء نون وغير اسمه ماتشوف ............... حسين أمامي وهوه ديني واني انصره وبيقيني فدوه لحسين فدوه لحسين ................................................................. محمد صادق الدراجي https://t.me/AlaaAlFahad8080 257 views06:48
