قناة بستان الألحان الحسينية

2022-08-01 23:14:17 محــــ١٤٤٤ـــــرم
#للعليله..

مرلي ياطــير السعد بحبابي
وللاهــل ويـاك اخــذ اعتابي
حلمي بس اسمع خبرهم
يلهج الســاني ابذكــرهم
مرلي ياطير
……………………………………

هاك اخذ ملخص كلامي البيه اسولف حالي
وگل لبوي اتگول بتكم بيـــتكم ضل خالي
أرحلو يا طـــــير عنــي غالي يتــــبع غالي
والنضر راصـــــد دربهم والحـــــزن چتالي

مرلي يا طيــر ابضعن عباسي
وگله شيب من هجركم راسي
عني ماغابت صورهم
يلهج السـاني بذكرهم
مرلي ياطير
……………………………………

لسكنه ورقيه الرسـايل بالعــــجل وديهن
ادموع وعتاب وسلام شكثر يلگن بيهن
شو نسن عدهن عليله وضــــاله اتانيهن
وآني كل لحظه التمرني الهــج ابطاريهن

اخبـــاري ياطير السعد وديهن
يم اخوتي اهناك سولف بيهن
ابـد لاتنـــــسه تمرهم
يلهج الساني بذكرهم
مرلي ياطير
……………………………………

كل مراســــــــيلي اخذها .. وروح يـم عماتي
بلكي مـــن يقرن عذابي .. يجبرن ابحسراتي
راح يلگن بالرســــــــايل .. ترجــــــــمة آهاتي
وفوگ ضرف الشوگ يلگن .. اثر مــن دمعاتي

سـلم اعله النسو حال احبابهم
وگلهم اليوجعني بس اغيابهم
گاعده ابابي انتضرهم
يلهج السـاني بذكرهم
……………………………………

آنه طفله وروحي ترفه .. والبــعد ماذيني
جمرة اغياب الاحـبهم .. بالگلب تجـويني
شحت اعليه الشلونچ .. والمرض سابيني
شوفت اوجه الغوالي .. هيه التــــشافيني

الغيبه صعبه وگمت احن لحبابي
واركض اشــــما هوه يحرك بابي
ناطره اليرجع بثرهم
يلهج الساني ابذكرهم
…………………………………

والله لمن ودعتهم .. هـــدمو كل حيلي
لا رتاحـيت بنهاري .. ولا مغمضه ابليلي
لارساله ولاكو طارش.. يرجع ويحچيلي
عالمشو والفارگوني .. يامــدامع سيلي

حلم ياريـــــته وافز من نومي
ويم ابوي الغالي اخلص يومي
واشفه من علتي واسرهم
يلهج الســــــاني ابذكرهم
………………………………
الخادم
كامل السعيدي






https://t.me/AlaaAlFahad8080 باز کردن / نظر دهید

2022-07-31 22:58:21 ابوذيات للسيده فاطمه العليله "عليها السلام"

جروحي من الحزن ماظل.....لهلهه
دموعي وحايره العبره.......لهلهه
العليله اكتاب من ودت ......لهلهه

اخبرهم تره بحجر المنيه
****
ولا ساعه الحزن يهدء......وماراي (يعني ومراي.......( المر)
ولا شفت الضعن يمي........وماراي (مايمر)
سالته حسين تاخذني........وماراي (يعني الرأي )

يبويه الشور يمك والقضيه
*
عطر فركاك صار شلون......ما طيب
عليله والجسم بچفاك......ما طيب
حلفت الدار عكب حسين ...ماطب

ونيني عليك كل صبح ومسيه
*
اسولفلك وريد اتصير......عيناك (اتعيني)
ردت منك تجيني بهاي.......عيناك
(عناي)
الله يساعدك ودعيت .......عيناك
(يعينك الله)

وحيد بكربله روح الزجيه
*

خادمكم : يوسف الفتلاوي





https://t.me/pagy007 باز کردن / نظر دهید

2022-07-31 21:19:43   3
يوم ثالث اهلي شنهي اخبارهم
ادري من يمشون اضل ابدارهم
ما اطيق اجفاهم
كون اموت وياهم
꧁꧁꧂꧁꧁꧂

يوم ثالث راح افارك كل عزيز وغالي
بهل مسيه وغربتي وبالبعد حس بالي
كمت اشوفنهن خيمنه و الجمر بذيالي
يا نهارك يوم ثالث وحدي اضل للتالي
نار بالخيمه تشب وضلوعي
ماي عيني وشلنه ادموعي
ويلي يا  فركاهم
كون اموت وياهم
꧁꧁꧂꧁꧁꧂

يوم ثالث من كعدنه وسولفو عن القتال
ماعرفت الي حجوهن هيج ساعه مالي بال
سلموها الرايه بيده وابو فاضل عل شمال
علي الاكبر عن يساره كال لو صار النرال
وانه اسمع والدمع بعيوني
اهلي كلهم رايح ايخلوني
وبلوه يا بلواهم
كون اموت وياهم
꧁꧁꧂꧁꧂꧂

اسمع ايكلون اهلنه ما تضل عدهم خيم
لمن الموت ايحضرنه وعين عباس بسهم
وانه بس اسمعت هذا كلبي يا ناس الجم
العليله و التجافي شلون يا راعي العلم
بالمرض محتاره بتكم تالي
راح مني جم عزيز وغالي
من عكب عيناهم
كون اموت وياهم
꧁꧁꧂꧁꧂꧂

و العليله بدار غربه شلون لو شالو هله
حتى يوم العيد عينه بس دمع بيها حله
سارو وحمل ضعنهم عمت عيني القافله
واخ  منج  مارحمتي بضعف حالي كربله
هل العليله الفاركت ولياها
تجري ابد مابطلت عيناها
دوم اضل ارجاهم
كون اموت وياهم
꧁꧂꧁꧂꧁꧂

والله من عكب الغوالي هموم كلالي شكثر
و الف عصره من بعدكم انه باليوم انعصر
الفارك عيوني شمسها وعمي عباس الكمر
و عكب الاكبر عمه زينب انه الوذ بيا كتر
حلم روحي مندفن بغيابهم
انه فدوه الاثر جدم اترابهم
شلون كلي انساهم
كون اموت وياهم
꧁꧂꧁꧂꧁꧂
حسن صالح العيساوي






https://t.me/pagy007 باز کردن / نظر دهید

2022-07-31 21:13:50 مربعه للعليله
اللهم صلِّ على محمد وآلمحمد

هد حيلي الهجر وحسين ماجاني
اونـن وانـتـحـب بالـــدار خـلانـي

خلاني وحيـده ومـارجـع ليـه
اظننه الولي مـابـعـد الـه جـيـه
كمر هاشـم اشـو مـادزه اعليـه
عجيبه شلون ابوي الحيد ينساني

ترى افراك الابو ماينحمل حراگ
يجيني الليل وانه لشوفته اشتاگ
افتر بالمبـاني اتوچـه اعلـه الراگ
اغياب اهلي يويلي علّه زاداني

تصب دموم عيني ليل ويه انهار
عليه موحشه يحبابي والله الدار
شو جنه نساني حسين شنهو الصار
وحيده انه ومريضه الوالي عافاني

اشو چنه بعد هيهات مايرجع
خل ابجي عليه دموم مو مدمع
واليفـگـد ابـوه الليل ما يـهـجع
ترى افراگه لبو السجاد عذباني

ابويه احنين مافـد يـوم زعلني
جـنت مـعـززه بوجـوده دللنـي
عليله انه وابوي شلون يتركني
واغياب الاهل ياناس هظماني

تمت بقلم المله والشاعره يقين الكربلائيه اهدي هذا العمل الى مولاتي فاطمه العليله
غير مبري الذمه من يحذف الاسم وخصيمه الحسين من ينسب الكلام إليه





https://t.me/pagy007 باز کردن / نظر دهید

2022-07-31 18:31:06 #العليله
3 محرم :- تجليبه كأني بلسان العليله (ع)

يبويه اعليك ضلع امك اخذني وياك
نجمه انه وضواها من ضوه عيناك
****
حملتو الضعن محد نشد عني
وخواتي ما يجن يمي ويواسني
ابو فاضل يبويه هم بجه الوني
واسمعه يكول اخذها سيدي اترجاك
****
دنيه خلاف وجهك لا هلا بيها
انه شمعه وطفت وانته التضويها
تموت الشجره لو غاب اليرويها
وانه يرويني من ايمر علي طرواك
****
خليني اشم عطرك يبويه احسين
وبيدك ضمني لحضانك ينور العين
عليه التمت احزان الهجر صوبين
هم تردلي باجر واركض اتلكاك
****
يرسمة ضحكه موجوده بوجه بنتك
انه ورده ويذبلها بعد جيتك
تعوف امي تصبرني ترجيتك
ضهري تكسره بغيابك صعب فركاك
****
انه طفله وعليله شلون اضل بالدار
ولضعون الإهل عيني تضل تندار
عله الباب انضرلكم والدمع مدرار
زغيره مدلله آنه وتره بحماك
****
انكسر كلبي بسكتك جاوب اعليه
اخافن تمشي عني وتكطع الجيه
صدك ذاك الدلال وهجي تاليه
اضل أبجي عليك والهج بذكراك
****
لخادم العليله (ع) سجاد الكربلائي




https://t.me/pagy007 باز کردن / نظر دهید

2022-07-30 22:11:37 نعي اليله الثالثه لمولاتي العليله ع


انه العليله وفوگ علتي
يخلوني هلي تهمل دمعتي
عله الناگه يروحي ماصعدتي
بت عمي صعدت ويه اختي
وزادت من نضرت الهن حسرتي
اه اه مامرت بوادم محنتي




يبويه حسين فدوه وياك اخذني
وفوگ الحزن لتزيد حزني
چفك يبويه شو عزلني
ومو من هلي واغريبه چني
يمي انته بويه وزاد وني
والدمعات مدري المن خذني




ويانه يبويه ماتروحين
اخاف اعليچ من علتچ تموتين
يطول سفرنه وماتحملين
يم امي هم ردتچ تضلين
ام عباس هايه ام الابنين
ومنچ ردت بويه تصبرين



اصبر اشلون وانته غايب
وانته هلي وكل الگرايب
بعدنه بالحچي ودلالي شايب
من تروحون گلي المن اعاتب
لاتسكت يماي العين جاوب
من المدامع جفني ذايب



من اهلي بضيف بونيني. من اهلاي
ودمع من دم احس دمعي. من اهلاي
مشوا كلهم طفل ماضل. من اهلاي
زماني مدري ابو اگطعوا بيه



دمع بالعين لمن مشوا. ماضل
واگولن ضل ضعنهم وصل ماضل
انه بداري عگبهم كون. ماضل
وكون الدار مهجومه عليه



شني يحسين نفع العمر. بعداك
بحالي انضر شسوه النوب. بعداك
بيك الصار كون يصير بعداك
ترد يايوم يالمبعد عليه
"""""""""""
اسألكم الدعاء
خادم ابي الاحرار
ضياء الكناني






https://t.me/pagy007 باز کردن / نظر دهید