حبايب حبيت اشاركم اليوم بخبالاتي بالسادس ..طبعا حتتفاجون | الاستاذ علاء حسن ( مدرس الرياضيات )
حبايب حبيت اشاركم اليوم بخبالاتي بالسادس ..طبعا حتتفاجون من هذا الشيء بالبيت بالطابق الفوك عدنا غرفة ترك ما نستعملها جنت ادرس بيها وشكد ما مليت من القراية والحفظ بالسنه الثانية واني السنة الاولى جنت مضبط وجبت معدل 94 وعدت والسنه الثانية تخيلوا شكد راجعت المادة وضبطتها ..المهم قررت اكتب كلشي وزاري ومهم ومكرر على الحايط والباب من تعاريف ومعادلات ورسم ( شخبط لاخبيط ) وهذا جان يغير الي جوه القراية وشوون تغيرر غير شكل فعلا جان شي خبالي ولحد هاي اللحظة موجودين بالغرفة . حبايب صدكوني الله مستحيل يقبل بانو عبد من عباده ينظلم مهما كان والا ما ينطيك على حسب نيتك وصدقك وحتلو لو يتاخر لان بالاخير ( الله يمهل ولايهمل ) ممكن بان يتاخر حقكم بالشيء الي تستحقه بس الا ما ادور الدنيا ويرجعلك والله مينساكم ابداا
اتذكر من طلع قبولي كلية التمريض شكد بوكتها انقهرت بس ابدا ما انسى كلمات استاذي الغالي استاذ علاء جان يكلي ...لاتضوج ابني الله اكيد ضاملك الشيء الاحسن بعدين حتعرفه وما ممكن انو ميساعد طالب مثلك شاطر وتعبان على نفسه ..((استاذ علاء صراحة اهوايه عنده فضل عليه لان تعب وياي سنتين وبلا اي كلل او ملل ودائما جان يكلي ال100 رافد فعلا اني انسان محظوظ بمعرفتك وانت جنت دائما وجه خير عليه ))
وبالنهاية حبايب اكللكم حاربوا علمود حلمكم حتى المووت ولاتنكبتون على نفسكم وعيشوا بهاي الحياة مجرد عناد على الحياة وعلى كل شي وكل شخص يقلل من احلامكم ...مجرد عناد حبايب فقط بالنسبة الي احلى يوم واحلى سنة واحلى عيد مر بحياتي تخيلوا الشيء الي جنت انتضره من الخامس الابتدائي صار حقيقة وانتو هيج ظلوا اقروا علمود تعيشون هلفرحة حبايب ..
بالتوفيق ابطال وفرسان المستقبل على كولت استاذي علاء Love u جداا
