والله حيره.. حيرت عيون الحرم من يسروهن دون ابو الغيره العلاوي شلون يمشن والله حيره.. بين ناس ونار ومراكض يتامه اطلع امن الخيمه صعبه وصعبه اضلن ((في خيوطِ الشمس قد حل الضلام)) فوك راس الطفله وتطيح الاخيام والمصيبه بت علي شافوها... (( من لهيب النار قد بانت عيون )) وكت خله احسين بي يشمتون والاعمامه اعلى الترب شمروها.... يبتسم من ينذبح هذا اليعيش الجرح موش انه زينب.... < هذا حالي... وسفه ويعاين علينه الموش زلمه هذا تاليته اليفارك جلمة الله هذا حالي.... كمت اسد ذاني لان وكحه الشتايم وادم اتصلي الفجر وتعاند الله ((قتلو العشقَ ومااتت ذكريات)) اي وحك الماترك نهر الفرات اي وحك عين الكمر وحجايته... (( قطفو الورد وخانو في الربيع )) براس اخونه الوادم تسوم وتبيع ذاك جبريل اليعدل ابصايته.... يضحك اكبالي ويحز نحره بالخنجر يهز موش انه زينب < والله غربه.... غربه ويكودون بت شيخ الطوايف عميه عين الما بجت لعيون زينب والله غربه.... اركض وشمس الضهر تجوي الصحاري ايفحط اركاض الضهر والحرمه تتعب ((وضعو الخيل على صدر الحسين)) عمامته الشدها علي ماندري وين شيخ مات وحتى مامش فاتحه ((سرقوا الدين ولاذو بالفرار)) ضلت الماعدها اهل لا عدها دار تبجي وتكوم البنات الطايحه والشمر ماينحمل خله بجفوفي الحبل موش انه زينب..... < نمشي كوه عايله ومن تمشي خطوه اتموت خطوه والخضار اتفرهد امن ايد المناجل نمشي كوه بين صوت وموت وسمع هايه زينب روحي وحدج طاحن اجفوف الرسايل ((وضعوا العرش على ضهر النياق)) وحده بينه الضيم من كاع العراق عايله وهيجي خلك ماشايفه ((وصلو السوق ونادو مفرحين)) هاي اخت عباس هاي اخت الحسين هاي بت شيخ العرب والطايفه والعلاوي تفرفحن غربه يالجنت الوطن < السيد احمد الاعرجي 8.5K views رهبة السقاء, 05:17
