#فزاعية_دخوليات وصلنه كربلا ولحسين طبينه لا نمنه بخرابه ولا انذلينه جبنه الدرب كله امدللين شلون وعفناها المصيبه اطيح بسكينه حرمه وبين اهاليها عالو ياخلك بيها ركض الحرمه مايراد للمحتركه رجليها > ******* فتحوها الخدم البيوت فتحوها والسِفره اعلى شوف العين مدوها مت عيني يزينب بالخرابه تبات تفرش بالتراب الشام خلوها مابطلت بواجيها طاح الجان حاميها فوك التله خويه تصيح لمن دارو اعليها > ******* وصلنه ومن وصلنه حسين ونينه لا سوط العمانه ولا مجتفينه نلتم بالجوادر والضهر نرتاح وبحر الشمس مذبوح والينه ويلي حسين بالعاشر دامي ويكسر الخاطر عين اعلى الخيم ويلاه وعين لدوسة الحافر > ******* نمشي وبالطريق الماي ويانه لو طبينه سوك الناس ترعانه مو مثل التسكت اصريخ الابنيات عطشانه تكض بيدين عطشانه ويلي السوك يا ويله ويلي الما برد حيله لمن طاح حاديها غربه تكود بالعيله > ******* السيد احمد الاعرجي 1.1K views رهبة السقاء, 09:40