العبرات الحسينية

2022-09-01 21:22:12 *[ على السجاد وا ويلاه ]*

أداء: الملا #محمد_باقر_الخاقاني
كلمات: الشاعر #السيد_مرتضى_الياسري





مجالس شهر محرم الحرام لسنة 1444 هـ - 2022 م
مجالس ليالي العشرة الثالثة من شهر المحرم
عزاء هيئة سيدة الوجود عليها السلام - العراق - بغداد

مونتاج وإخراج: حارث العكيلي
مكساج: كرار الموالي
مخطوطة: حيدر الزمان
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج باز کردن / نظر دهید

2022-09-01 21:09:21 ميزانچ صعب ما ينحسبله احساب
ثلاثه اعوامچ ومحسوبه عالشياب

زغيره اضلوعچ وما تحمل الضربات
وتاليها الحوافر أثگل امن الباب..

گالوا من ترافة خدچ النسمات..
تمر بيه ابخجل بس الزمن دولاب...

الشمر من راسچ اكبر كفه چانت حيل
وما أدري اشسبب يمسببة الاسباب..

كل ما دمعتچ تنزل يلوح السوط...
ويگول الراوي من سطراته خدچ ذاب

اعله كل حال الدرب خلّص هضم بالشام
وطفيتي اشموع عمرچ نايمه ابلتراب..

آسف يم ثلث سنوات مرّن ويل..
هدولچ راس ابوچ ابطشت موش العاب

#يا_رقية
@youssefsoufan
https://t.me/youssefsoufan باز کردن / نظر دهید

2022-09-01 18:50:56 مأجورين ومثابين باستشهاد عزيزة الحسين السيده رقيّه صلوات الله وسلامه عليهما

رقيّه بالخرابه تصيح واويلي على المظلوم
تنادي تقول ياعمّه جيبي لي ابويّه اليوم

اريد انظر الى بويه قلبي من الحزن ذايب
شقد ايام والينا ياعمّه ترى غايب
شلون ابعمري هالأحزان اتحمّل هالمصايب
وجينا للبلد هذا وهذا هالبلد مشؤوم

چني شفته ياعمّه وعنده ضمني بلأحضان
گلّي كافي لاتبچي كافي بنتي من لحزان
الچ بس يوم وتجيني اتسكني يمّي ابلجنان
ومنّچ آنا يبنيّه ومن شوفچ انا محروم

قامت تبچي وتلطم ياوسفه ترى بليدين
قالت بالعجل نادوا يخواتي ابويّه حسين
چان اويايه هالساعه وشفته آني شوف العين
لكن غاب عن عيني من فزّيت أني من النوم

زادت ونّة الطفله وتبچي العيله ويّاها
ومن لدموع مانشفت من لحزان عيناها
ويتاما حسين من تسمع يبچوا هَم على ابچاها
وزينب تنظر ابحسره مرّه اطيح ومرّه اتقوم

ليمن ونّة الطفله وصلَت مجلس الملعون
ظل يسأل سبايا حسين ليش اليوم ماينامون
قالوا طفله للمظلوم يبچوا وهُم بعد يبچون
تريد تشوف والدها يللي اتخضّب بلدموم

قال اخذوا اليها الراس خل اتشوفه وتنظره
قولوا ليها والدها بالطف انگقطع نحره
وجسمه من بعد ذبحه انرض بالحقد صدره
وخلها اليوم تتفطّر من تسمع ترى بلعلوم

من جابواالطّشت ليها شافت راس ابو الأكبر
قامت تسأله وتقول منهو الهبّر المنحر
ومنهو الكسّر اسنانه وقلب المصطفى فطّر
وعليه اليوم هالمظلوم قلبي ممتلي بلهموم

فجأه سكتت الطفله ومنها انخمدت الأنفاس
ماتت ويلي بالحسره وهيّه اتضم اليها الراس
لجلها ضجّت الاملاك وضج العنده بس احساس
حتى هالمصيبه هاي بچّت بضعه من لخصوم

قامت بت علي بلحزان بلأيدين حملتها
ولين المغتسل راحت بلأغسال غسلتها
لكنّ الفجيعه وين من لمتون شافتها
بأثر لسياط متورمه چنها موشمه بوشوم

دفنوها بالغربه ياوسفه ابأراضي الشام
شقد صعبه ترى صعبه عليها صارت الأيام
بت أم الحسن وحسين خلّوها بخرابه تنام
ونصبوا العزا اعليها زينب ويّا
أم كلثوم

عبد الهادي احمد الجنبي
٤ صفر ١٤٤٤ باز کردن / نظر دهید

2022-09-01 18:50:32 حسين خويه الليلة جمعة...وين اسويلك ثواب
لا صحن لا سفره عندي.. بالخرايب ع التراب
***
حسين خويه الليله جمعة.. وتنزل المغرب الروح
ادري تتألم عليه.. لو شفتني بس انوح
ناحلة وشفت الشماته.. صاعدة فوق السطوح
الهضم مر وجرعته.. والقهر وي العذاب
**
الهضم مر وجرعته.. عالجدم گوه ادوس
ما اقوم اقيام اصلي.. انه اصلي لك جلوس
رايح من السوط متني.. راح راسي امن الشموس
اعداك خلوني بخرابة.. لا سقف لاعندي باب
****
لا سقف لا باب عندي.. لا ضوى وجن الظلام
خويه كفار السبونه.. ما يعرفون الحرام
تنتحب ضلت اطفالك.. بيش اغطيها وتنام
وانه املك بس عباتي.. وهيه ستري امن الاجناب
***
لا فراش العندي افرشه.. هاي ضلت بس عباتي
ومن اهد يوم التركتك.. يابس الساني ولهاتي
لو اجت روحك الليله.. اتقول مالطمن خواتي
ليش ما نصبن الماتم.. تعتب اوياذي الاعتاب
**
ليش مالطمن خواتي.. تعتب اعلينه وتقول
وانه منعوني المناحة..مثل عدوان البتول
باچر اكشف لك رقبتي.. من ترد ليك الحمول
انعمت عيني وعماها.. امقابلة روس الشباب
**
هذا راسك راح ارده.. من ارد للغاضرية
حسين خويه لو اچيتك.. لا تناشد عن رقيه
دولبوها وشتموها.. اوياي ودت لك وصيه
اتقول بالبر شتتونه.. وتفتر اعلينه الذئاب
***
تمت بحمد لله باز کردن / نظر دهید

2022-09-01 18:50:14 مَلِكٌ ولكنْ كالإماءِ نساؤُه!
سيقتْ تشاطرهُ القضا المقضيا

آهٍ على ذاكِ الحجابِ وخدرِه
أضحى بمفتضِح الضُّحى مسبيا

تاللهِ لم أنسَ العقيلةَ زينباً
مذ أدخلوها المجلس الأمويا

ترنو إلى رأسِ الحميِّ أمامَها
أنعم به لحماه ظلَّ حميَّا

فتبثُّ بالإيماءِ آيَ عتابِها
وتودُّ لو طُويتْ سماهُم طيّا

"يا ليتني من قبل هذا يا أخي
قد كنت نسياً غابراً منسيا"

كلا ولم أنسَ الربابَ إذِ انحنت
والسوطُ يؤلمُ ظهرَها المحنيا

"هذا فؤادي يا حبيبَ مشاعري
أمسى بوحشتِه يضجُّ خليا

قد ناحَ يرهقُه الفراقُ بحسرةْ
من بعدِما أمضى السنينَ مُضيّا"

وإذا نسيتُ فلستُ أنسى طفلةً
نظرتْ إلى طشتِ النُّضارِ زهيا

نادته:"هل تدري بحجرِك من غدا
أم لم يزل ضيف الفداء خفيا؟!

إن كُنتَ لا تدري فهذا أحمدٌ
هذا عليٌّ،فهل جهلتَ عليا؟!

هذا الزكيُّ أخو الزكيِّ المجتبى
أرأيتُ مثلَك مَنْ يُقِلُّ زكيا؟!

يا طشتُ كيفَ رأيتَ مخصرةَ الخنا
تدمي ثناياه ودمتَ رضيا؟!

يا طشتُ حتى أنت قد عاديتنا!!
حسبي إلهُ العالمينَ وليا

الشاعر علي عسيلي العاملي باز کردن / نظر دهید

2022-09-01 18:49:48 ألخَطبُ ما بَيْنَ الضُّلوعِ جليلُ
و الدَّمعُ مَهما سالَ فَهْوَ قليلُ

أليومَ دَسِّت جُعْدَةٌ سُمَّ الرَّدى
للمُجتَبى و الجسمُ منهُ نَحيلُ

أسفي عليهِ عَلى الفراشِ مُمَدَّدًا
و الموتُ مُتَّخِذٌ إليهِ سَبيلُ

قَدْ غَيَّرَ الوَقْعُ الشَّديدُ جَمالَهُ
سَلْ خُضْرَةً في الوَجْهِ، تِلكَ دليلُ

سَلْ عنهُ أحزانَ الحُسَيْنِ و لَوعَةً
في صَدرِهِ مِن بعدِهِ سَتَطولُ

سَلْ عنهُ دمعَةَ زَيْنَبٍ و فُوادَها...
تِلْكَ التي أحنَت عَليهِ تقولُ:

"يا نورَ عَيْني، يا حبيبي، يا أخي
كيفَ التَّصِبُّرُ و المُصابُ ثقيلُ!"

لهفي عَليها كم تَحَمَّلَ قَلبُها
فالحُزنُ فيهِ عَلى الدَّوامِ نَزيلُ

أليومَ في طَشتٍ ترى كَبِدًا كما
سَتَرى غدًا رأسًا دِماهُ تَسيلُ باز کردن / نظر دهید

2022-09-01 18:49:36 بابا بابا ... بالخرابة .. نوموني
ضلوعي بردن ياغطاي
وياهو اليكلي تعالي
عكبك انت .. عكبك انت.. عكبك انت..
____
فك اديك وكلي بابا لية لية بكل دفو
بابا البنية خطية من تضل ابلا ابو
فكلي حضنك يالحنين ومثل حضنك وين اكو
بابا صار الليل وينك وانا اخاف من الهدوء
فكلي عينك... يالونينك
طر دليلي .. طر دليلي
الچلمة منك چنها ماي
وياهو اليكلي تعاي
عكبك انت... عكبك انت... عكبك انت...
_
بابا لو فكيت عينك لاتكلي شهالاثر
ولاتكلي شبيها عينج زركة ودموعج مطر
لان ماكدر اكلك بعد ياخذ انسطر
وفز ع صوت الحنينة وكلها بابا من النحر
ولزم خدها... ورد نشدها
اعلة التراچي ... اعلة الترچي
تكلة يوجعني كفاي
وياهو اليكلي تعاي
عكبك انت... عكبك انت... عكبك انت...
__
بابا شو ذبلان اشوفك يالچنت چنك صبح
اضحكلي بابا اني العزيزة يالضحكتك ماتصح
بابا شو طالت سكتك والسكوت اعظم جرح
بابا اني عليك انامن لاتبدلني برمح
فكلي چفك... ارد احلفك
بالعليلة.... بالعليلة
تكلة يوجعني كفاي
وياهو اليكلي تعاي
عكبك انت... عكبك انت... عكبك انت ..

*كلمات وأداء مرتضى حرب* باز کردن / نظر دهید

2022-09-01 18:49:20 أول ليلة الشام...لمن كل الأيتام
ابخرابه لازم اتنام...صوت امن الخرابه
رقيه تصيح بابه

أثاريها رقيه...من ليل البنيه
تستوحش خطيه...ووسادتها الترابه
رقيه تصيح بابه

إجوها ايسكتوها...ابكل شي ما رضوها
جابوا راس أبوها...بالطش و الدم خضابه
رقيه تصيح بابه

ظنت بالطشت زاد...ابعدت و اتكترت غاد
الطشت دنوه الأوغاد...و كشفوا عن حجابه
رقيه تصيح بابه

لمن عرفته زين...صاحت بويه يحسين
عن عيني غبت وين...اليسر متعب عذابه
رقيه تصيح بابه

بويه الحضنك إخذني...و داوي اجروح إذني
يبويه و شوف بدني...أثر جم سوط صابه
رقيه تصيح بابه

ابدمعتها الحزينه...و بيديها الحنينه
غسلة فلقت جبينه...و تبوسه عله اصوابه
رقيه تصيح بابه

أثر جم سوط تلقه...جم طقه اعله طقه
يبويه امتوني زرقه ...اليتم يكلف مصابه
رقيه تصيح بابه

و من عظم الرزيه...الشافتها رقيه
دنت ليها المنيه...و بقه صوت الخرابه
رقيه تصيح بابه باز کردن / نظر دهید

2022-09-01 08:50:57 •{أحلى مشاية}•

واحد إنوي واتحضر
اثنين بيا علي توزر
ثلاثه أرفع الرايه
بدرب الأربعينيه
شغل أحلى لطميه
وامشي احلى مشايه
مشي مشي مشي مشي...محلى المشيه لحسين
مشي مشي مشي مشي...خل نتعب يرجلين

١/تره احلى درب بالعالم درب مشيك شنو المنظر
ولا ريد الدرب يخلص أريد امشي بعد أكثر
المشي للناس النحبها حلو تعبه يبو الأكبر

جيتك يمحبوب الروح يالإسمك اعله الرايه
مو راكبًا لا يحسين عاشگ واجي مشايه

دربك لون صعدة جبل...اصعد
والكلمن سأل...كتله
رايح مشي للجنه
رايح للمحلي العشگ...وادري
بس حبه الصدگ...ادخيله
لا ما ينشبع منه

مشي مشي مشي مشي...رايح لليگر عين
مشي مشي مشي مشي...محلى المشيه لحسين

٢/ملايينك بعد تكثر والزياره بعد تحلى
وحلاتي امن افتخر زرتك واليناشد انه اگله
شكر ناس اعله شباچه وانه الزمته وخذت قبله

صوره آخذ اباب حسين واعليها أكتب شعري
شنهو بظهر هاي الناس انه الحسين بظهري

لزيارتك عمري انوجد...عايش
حتى اخدم بعد...عمري
للخدمه الحسينيه
امن الآخر احچي قصتي...دوّر
لذة خدمتي...ماكو
مثل الأربعينيه

مشي مشي مشي مشي...أتنطرها كل حين
مشي مشي مشي مشي...محلى المشيه لحسين

٣/مو بس أمشي أروح أخدمها زوارك واخدمنك
المواكب مائدة مريم أشوفنها امن ازورنك
حتى الچاي بالموكب اِله لذه لأن منك

ويا موكبك يا محلاه ينحب تره اعله الفطره
وبيه بركه هذا الزاد لازمته إيد الزهره

كلشي التصق بيك انرفع...شآنه
وبإسمه لمع...مايك
فوگ الماي تعظيمه
بزادك يضربون المثل...لذته
ويشافي العلل...كم من
مريض وشافته القيمه

مشي مشي مشي مشي...آيات وبراهين
مشي مشي مشي مشي...محلى المشيه لحسين

٤/الدول كلمن وجنسيته لچن حُبك وطن ثاني
تشوف الأجنبي يمشي والعراقي والإيراني
خليجي يطعم اليمشي ويوزع ماي لبناني

كل اليحبون حسين واحد يحب الثاني
الله عليك شگد خير يحسين أحبك آني

جامع الناس بكربله...منهو
قدرك يوصله...إنت
التنحب وبعد كافي
هاي الملايين التطب...صحنك
حاضنها بگلب...كلها
ادخيل احساسك الدافي

مشي مشي مشي مشي...أمشيلك أنا اسنين
مشي مشي مشي مشي...محلى المشيه لحسين

٥/يروح التعب من أوگف على العتبه بدمع هامل
وحلاة الگعده ما بينك و بين الحب أبو فاضل
السنه الجايه أعد گلي واجيك ورايتي شايل

وفقني اجيلك كل عام وامشيلك اعله النيه
لو ما أجيلك مشاي شلفايده برجليه

تقبلها مني زيارتي...و اقبل
مشيي ودمعتي...وباچر
اقسملي بعد جيه
لا تحرم العاشگ هوه...تدري
بس بنينوه...والله
شايف راحه نفسيه

مشي مشي مشي مشي...ماكو لكربله اثنين
مشي مشي مشي مشي...محلى المشيه لحسين


*الشاعر الموفق ميثاق الحمداني*



رابط قصيدة "أحلى مشاية" :



_______
قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane
_______
القناة الرسمية للملا مصطفى السوداني على telegram :
https://t.me/Mustafa_Sudane
_______ باز کردن / نظر دهید

2022-08-31 19:52:08 *[ زين العباد ]*

أداء: الملا #محمد_باقر_الخاقاني
كلمات: الشاعر #أحمد_الهلباوي
ذاكر: محمد ذاكر





مجالس شهر محرم الحرام لسنة 1444 هـ - 2022 م
ليالي العشرة الثالثة من شهر المحرم
عزاء هيئة شباب علي الأكبر عليه السلام - العراق - بغداد

مونتاج: اعلام الهيئة
مكساج: سجاد الهيفي
مخطوطة: مرتضى حيدر
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج باز کردن / نظر دهید