2022-06-27 00:20:42
#المعدل_التراكمي
- شنو هو المعدل التراكمي ؟ وشنو يفيدنا ؟
- اهم نقطة لازم يعرفها الطالب بالجامعة هي المعدل التراكمي خووووش ؟
زين لويش هيج مهم المعدل التراكمي ؟!!
- مهم لأنه شكد معدلك التراكمي عاااالي شكد نسبة تعيينك تصير قوية وتكون مفضل بالدراسات العليا ايضاً ، خوش ؟ يفضلونك بالتعيين والدراسات العليا اذا المعدل التراكمي مالتك قوووووي خوووش ؟ اي تمام خوش.
زين شنو هو وشلون يكون ؟
المعدل التراكمي هو محصود تعبك بالكلية مالتك خلال كل السنوات ومراحل الدراسة بالجامعة . واضح ؟
زين شلون ينحسب ؟ هسه افهمك
خل افترض انت طالب كلية ( ٤ سنوات )
فاكو بكل مرحلة معدل يخصها :-
المرحلة الأولى :- ١٠ ٪
المرحلة الثانية :- ٢٠٪
المرحلة الثالثة :- ٣٠٪
المرحلة الرابعة :- ٤٠٪
اذا تجمع المراحل كلها فيصير المعدل :- ١٠٠٪ تمام ؟
فإذا أنت معدلك بالمرحلة الأولى ٨٪ من اصل ١٠٪ وبالثانية ١٧٪ من اصل ٢٠٪ وبالثالثة ٢٧٪ من اصل ٣٠٪ والرابع ٣٥٪ من اصل ٤٠٪
راح يجمعون معدلاتك بالنهاية فيصير :- ٨+١٧+٢٧+٣٥ = ٨٧٪ هو هذا الناتج بالنهاية يسمونو المعدل التراكمي للطالب ، وشكد عالي شكد الك فرصة اقوى بالتعيين ، لأنه اذا اجت فرص تعيين فراح يسحبون اعلى المعدلات التراكمية للطلاب ويعنونهم ، فشكد معدلك عالي شكد فرصتك اقوى بالتعيين+ الدارسات العليا.
توزيع النسبة المئوية للمعدل التراكمي للكليات الي دراستهم ( 6 سنوات) :-
المرحلة الأولى :- 5%
المرحلة الثانية :- 5%
المرحلة الثالثة :- 5%
المرحلة الرابعة :- 15%
المرحلة الخامسة :- 30%
المرحلة السادسة :- 40%
توزيع الدرجة للكليات الي دراستهم 5 سنوات :-
- الاولى :- 5%
-الثانية :- 10%
- الثالثة :- 15%
- الرابعة :- 30%
- الخامسة :- 40%
اما دراسة المعاهد عبارة عن سنتين :-
- الاولى:- 40%
- الثانية :- 60%
@AlailchemistryAlirq8893
1.6K views21:20
ط
