#جرعة_تفاؤل -دائما طلاب الطب وتحديداً بالامتحان بكرهو الطب | ¸ مــُهارَاتْ 😉طـــبية🍎وصــيدلية ¸.•´)¸.•*)
#جرعة_تفاؤل
-دائما طلاب الطب وتحديداً بالامتحان بكرهو الطب وبكتئبو والكل بحكي عن مشوار الطب وصعوبته والفحوص يلي ما بتخلص
-لازم نعرف انوهاد الشي طبيعي والكل بتعب بمرحلة من المراحل ومافي طالب الا وتعذب واكتئب وكره حياته بالفحص من قبل بس مالازم نخلي السلبية تسيطر علينا ابدا
-انك بتملك دوماً هدف مستقبلي "بدي انجح - بدي اخلص لغة - بدي اختص الاختصاص الفلاني" هي نعمة عظيمة ما بتحس فيها ابداً اسأل طالب غير كلية تخرج بعد اربع سنوات وقاعد عم يدور. عن شغل وشوف الفراغ قديه بشع
-الطب مهنة عظيمة وبكفي شعور العطاء لما تداوي مريض تعبان ويدعيلك القصة مو مثاليات بس رح تحس بقيمتك كإنسان -نظرة اي مجتمع عنا وبكل الدول للطبيب دائما بتكون النظرة الاحترام لهاد الإنسان يلي قضى عمره بالعلم وحتى الناس بتنظرله انو هو مثال بالاخلاق ولا تلفتو لحكي الناس يلي بطلع عالنت كل فترة لانو هاد مجرد حكي بالعتمة من ناس فاضين موجودين بكل محل "اذا بدك تسمع للناس الفاضية ما بتقدر تعيش" بالواقع ما شفت حدى عرف شخص طبيب الا واحترمه
-استمتعو بدراسة الطب وحبوه لو صعب انتو عم تدرسوا خصائص وجسم اعظم مخلوق بالكرة الارضية وتذكروا انو في الاف الطلاب بحلمو يكونو محلكن ومنعتهن اجزاء من علامة
-ماتخلو فشل صغير يمنعكن تكملو الفشل شي اساسي من النجاح
#شوية_تخطيط #شوية_ارادة ورح تصلو لاحلامكن
ولا تنسوا تعيشو حياتكن بمراحلها وتستمتعوا بكل مرحلة وبعمركن ما تربطوا سعادتكن بمرحلة قادمة "بس اتخرج -بس انجح -بس اسافر"
-الطب صعب صح بس هو مكانك الصح: ما تحس انك ما حتقدر تكمل
تذكروا "لا يكلف الله نفسا الا وسعها" ولو ما كنت مناسب لهل مهنة ما كان الله وفقك لتكون فيها
