عز نفسك دايم الدوم وتغانا ما عليك من الزمان ولا ظروفه عن مواج | حمد البريدي
عز نفسك دايم الدوم وتغانا
ما عليك من الزمان ولا ظروفه
عن مواجيب الرفاقه لا توانا
وغيرها عادي اذا بتطوف طوفه
ابتسامك للعرب والصدر عانا
من سيوف الصبر هي خيرة سيوفه
النفوس عزاز .. والمولى عطانا
والقناعه كنز من حطه بجوفه
نكسب الوافين ونحب خويانا
وما على ما راح فالدنيا حسوفه
من يصافينا ولا يجرح نبانا
هو معزبنا وحنا له ضيوفه
ومن يناظرنا بطرف عينه ترانا
مثل ماهو يشوفنا حنا نشوفه
