الدبلوماسي سيف الله /الثانوية العامة 🎓

2021-07-18 17:28:37 البوست التاني
انا اشتغلت معاك من كتاب المدرسة لأني قلت لنفسي ليه اشتتك واشتغل معاك من ملزمتي او من كتاب خارجي وانت في النهاية داخل بكتاب المدرسة
فكتابك معاك. ان شاء الله
#مستر_سيف_الله
#الدبلوماسي باز کردن / نظر دهید

2021-07-18 17:09:55 شباب ركزو معايا في الكلام ده اوي
بعد متابعتي لكل الاساتذة الافاضل اكتشفت اني كنت بفصل أوڤر، يعني في اساتذة راجعت الاربع فصول في 5 ونص والبعض راجع اربع فصول في 6 ونص والبعض بيراجع ويحل مع بعض في نفس الوقت تقريبا
وانا بحضر المراجعات بتاعتكم كنت بحضر وانا حاطط. في بالي انكم نسيتو المادة فكنت بتكلم في تفاصيل التفاصيل
يعني مراجعة اول اربع فصول خدت معايا 10 ساعات ودي مراجعة بس بدون حل اسئلة لأني زي مقلتلكم الاسئلة ان شاء الله هحل كل يوم على تلجرام بشكل منفصل
ليه بقولكم كدة؟
علشان مستر سيف أقل المدرسين شهرة على يوتيوب وبالتالي ممكن العدد القليل على القناة يخلي الناس الناس متغامرش زتدي لنفسها فرصة تتابع لمجرد اني مش مشهور مع ان يعلم الله اني فعلا قلت تفاصيل التفاصيل

فانا ان شاء الله هنزل بمراجعتي اللي فيها تفاصيل التفاصيل واتمنى متخذلوش مجهودي ومتضيعوش تعبي وتهتمو بالمراجعة
ملحوظة كل حصة مراجعة مش هينفع تشوف منها ساعتين تلاتة وتقفل لازم كلها لاني رابط المراجعات ببث الفيس ورابط الاتنين بحل التلجرام
خليك قد المسؤولية وخليني ابقى فخور بيك
#مستر_سيف_الله
#الدبلوماسي باز کردن / نظر دهید

2021-07-18 10:01:14 لا تكن كصاحب يوسف في السجن، ذاك الذي قال الله عز وجل فيه (( فأنساه الشيطان ذكر ربه))
اوعى تنسى العامل الاساسي اللي هيخليك تحل النهاردة ان شاء الله
#الدعاء باز کردن / نظر دهید

2021-07-18 07:07:25 تعالو احكيلكم حكاية ممكن تفيدكم دلوقتي ان شاء الله
لما كنت في الجامعة كان احيانا يبقى عندي مواد من 100 صفحة مثلا واكون مفتحتش المادة دي طول السنة وآجي قبل الامتحان بالظبط باربع خمس ساعات افوق والم تلتين المادة واخش واتفاجأ الاقيني جايب في المادة جيد او جيد جدا
ازاي بقى؟ .... الموضوع سهل
1- حلة قهوة كدة بسكر زيادة
2- الم كل أفكار المادة وحطهم ناحية اليمين
3- الم كل احداث المادة واحطهم في النص
4- الم اكبر كمية اسئلة واحطهم شمال
5- ابدأ بالافكار قرائة مبحفظش بس اعمل. نفسي كأني دكتور واقرأ بعنطزة ممكن مثلا اخلص نص الكمية في نص ساعة وبعدين اخش على الاحداث اخد تقريبا كمية مشابهة للافكار وبعدين احل في وقت مساوي للي خدتو في قرائة الاحداث من غير مبص ولما اغلط اقرأ السؤال باجابتة مرتين
وهكذا لحد ما يبقى فاضل على بداية الامتحان ساعة ونص اقوم البس ومعايا ورق الافكار بقرأ
6- انزل من البيت وبين البيت والمواصلاا اخد الاحداث قرائة
7- في المواصلات احل الاسئلة
انزل من العربية واثناء المشي للجامعة امسك اصعب حاجة حستها من التلاتة واشتغل قرائة
وافضل اقرأ لحد قبل اللجنة بالظبط بعشر دقايق اقرأ أصعب حاجة مقدرتش افهمها افضل اقرأ فيها لحد دخول اللجنة
من كرم ربنا اخش احل زي اللي بيذاكر من اول السنة
#الامل_موجود
كل دقيقة مهمة حتى لو قبل الامتحان بدقيقة
#مستر_سيف_الله باز کردن / نظر دهید

2021-07-18 06:12:40 باقي ان شاء الله من الزمن على المراجعة 14 ساعة ومستر سيف بقالو تلت اسابيع مبينمش
عارفين لو المراجعة نزلت ونمتو ومهتمتوش هعمل ايه؟
هدعيلكم ربنا يهديكم ويوفقكم باز کردن / نظر دهید

2021-07-17 20:04:02 قناة م. سيف الله هشام #الدبلوماسي تاريخ تالتة ثانوي pinned « مكثف ال 60/60 مكثف حل تاريخ اونلاين على الزوم هتدرس قواعد الحل وتتدرب على الحل وتحل بنفسك مع المستر حل كتير اسئلة كتير ومتوقعة ان شاءالله تثبيت للمنهج بشكل صحيح ان شاءالله البداية يوم الاحد القادم العدد محدود 50 طالب فقط للاشتراك والتواصل…» باز کردن / نظر دهید

2021-07-17 20:03:23 مكثف ال 60/60

مكثف حل تاريخ اونلاين على الزوم هتدرس قواعد الحل وتتدرب على الحل وتحل بنفسك مع المستر حل كتير اسئلة كتير ومتوقعة ان شاءالله تثبيت للمنهج بشكل صحيح
ان شاءالله البداية يوم الاحد القادم

العدد محدود 50 طالب فقط

للاشتراك والتواصل واتساب على 01020926820

طبعا الكلام ده ملوش علاقة بالخطة المجانية اللي كلمتكم عن زي ما وعدتكم ان شاء الله باز کردن / نظر دهید

2021-07-17 18:13:52 اللي لسة مفتحش منطق خالص يلا قهوتك واقعد اسمع المستر متقومش الا وانت مخلص
لو ذكرت منطق خلاص متسمعش واقعد.حل أفضل
بالتوفيق صديقي الطالب



باز کردن / نظر دهید