الشاعر عمار العيساوي الكربلائي

2022-08-23 10:58:22 استشهاد الإمام #السجاد زين العابدين عليه السلام


ذي لوعتي في ادمعي
نارُ الحشا في اظلعي
اني علي .. اني علي
. . . . . . . . . . . . .

انه اول بشر دمعاته مشروعه
وحزنه امترجم ابآهاته ودموعه
أنه المرّت سنيني لوعه وي لوعه
على البين الحوافر هشموا اظلوعه

تباً لعينٍ ما بكت ... اشلاءهُ إذ وزعت
اني علي .. اني علي
. . . . . . . . . . . . . . . . . .

خلص عمري وابد ما تخلص العبره
وكرب يوم المنيه وبالكلب حسره
أنه الشفت الشمر لمن رفس صدره
وشفته اموسط السيف الكطع نحره

لا أدري هل نورُ ابي ... ام هو ذا جدي النبي
اني علي .. اني علي
. . . . . . . . . . . . . . . . . .

الشمر من حقده انسانيته متحجره
ومن بغضه العلي ما بي رحم ذره
يكُلبه اعله الوجه ويذبحه من ظهره
ويطبّر ركبته بسيفه اثنعش طبره

ذا منظرٌ أبكى السما ... قلبي أنا مُتألِما
اني علي .. اني علي
. . . . . . . . . . . . . . . . .

صوت ابأذني يتردد ابكل امجان
ما انسى ( وحك جدي النبي عطشان )
أنه اللي بكربلا الاهلي صرت دفان
أنه اللي بالسبي متكفل النسوان

من شدةِ الحزنِ بكت ... اختي على الطشتِ قضت
اني علي .. اني علي
. . . . . . . . . . . . . . . . .

عشت سنيني آهات وحزن وبهم
على امصاب الطفوف الكلب يتألم
تالمني المصايب اكثر امن السم
ومن السم اشد كبري الذي اتهدم

ثاراتنا عند العدا ... يأتي بها المهدي غدا
اني علي .. اني علي
. . . . . . . . . . . . . . . . . .


خادم اهل البيت عليهم السلام
عمار العيساوي الكربلائي باز کردن / نظر دهید

2022-08-23 10:58:22 استشهاد الإمام #السجاد زين العابدين عليه السلام


الك صلى الصبر وبأسمك اتشهد
وبتسبيحك الهم صار يتعبد
. . . . . . . . . . . . . . . . .

يازين العباد وزينة الخالق
يل اسم وطبع كل لحظه متوافق
يقران الحزن يا مصحف الناطق
يا مشعل صبر بالعصمه يتوكد
. . . . . . . . . . . . . . . .

قانون الحقوق أصبحت عنوانه
ومنو المثلك باذان الله ارتفع شانه
ومنو الحارب يزيد ابصارم السانه
يزيد المن لسانك خاف وتلبد
. . . . . . . . . . . . . . . .

يالناذر حياتك هظمه لحسينك
يالما يوم جف الدمع من عينك
يالكربلا سلبت راحة سنينك
يمن رحت ابسبي وبجامعه امقيد
. . . . . . . . . . . . . . . .

لو نرسم جروحك عالنجم يطفن
ولو نكتب مصابك عالكمر يحزن
بكلبك جرح من نار الخيم خزن
ولهيب احشاك من لهب الشمس ازيد
. . . . . . . . . . . . . . . . .

يمن ادم على حزنك ترك حزنه
وإبراهيم عالمذبح ترك ابنه
هاليوم الاجل منك بده يدنه
بلكت بالاجل نار الكلب تبرد
. . . . . . . . . . . . . . . . .

أيوب العليل اتحير بأمرك
ويعقوب النبي منذهل من صبرك
اعد عمر البشر يم ساعه من عمرك
ابدقيقة صبرك . الوادم فلا تنعد
. . . . . . . . . . . . . . . . . .

هوّد واستجن من همك ونوحك
وخليها بأجلها تنشل اجروحك
وحين الجنة الباري تطب روحك
ابحظن حسين ابوك ابلهفه تتوسد

. . . . . . . . . . . . . . . . . . . . . .


خادم اهل البيت عليهم السلام
عمار العيساوي الكربلائي باز کردن / نظر دهید

2022-07-20 00:37:57 #علي_الاكبر ع


من گرب الوداع . . گمت اشعر بضياع
انه رقية يا علي الاكبر الى الوداع
. . . . . . . . . . . . . . . . . . . . . . .

يا خوية گرب خل ابوس اعيونك
يلي شلتني اسنين فوك امتونك
گلي يخويه شلون اعيش ابدونك
الله يعين اهلك واليحبونك

يالتوفي بالوعود . . ما ظن بعد تعود
وشينفع الما يرتوي من تذبل الورود
. . . . . . . . . . . . . . . . . . . . . . . .

يالواگف ابطول النجم يا هيبه
يالراضع العز والشرف و الطيبه
انة رقية اختك انة الحبيبه
لمن تروح وما ترد مصيبه

لحظات الانتظار . . اشعر بالانكسار
فوگ الصدر چفك حمامة وانة قلبي غار
. . . . . . . . . . . . . . . . . . . . . . . .

انشد واريد اجواب منك اسمع
ترجعلي لو رايح بعد ماترجع
منهو اليه بالسبي من اطلع
بهاللحظه عين الاكبر تهل مدمع

والاكبر الحنين . . قبّلها بالجبين
واتبسم الها وحسرته تتكسر بأنين
. . . . . . . . . . . . . . . . . . . . . . .

حب راس اخته و ابتسم طمنها
ومن تجري عينه ايدير وجهه عنها
ارهيفت گلب بس الزمن محنّها
سهام الوداع اويه الاخو جرحنها

واتشابگوا شموع . . وبلحظة الخشوع
ذابت مهج فوك الوجن وي نزلت الدموع
. . . . . . . . . . . . . . . . . . . . . . . . .

گالتله بسم الله وعلي حصنتك
سالم ترد لي يا بعد گلب اختك
ما احتمل لو يوم بي ما شفتك
وشلون بيه اعله الترب لو عفتك

من انضرب تصيح . . يا صوتي الجريح
تسمعني صح بس ما ترد فوگ الترب ذبيح
. . . . . . . . . . . . . . . . . . . . . . . . . . .

ما اريد كلشي ابدنيتي بغيابك
حتى التراچي التنسلب بثوابك
لو بيدي اهل دمعي وانگع اترابك
بلكت يرطب الگلب دمع احبابك

قربان كربلاء . . لخالق السماء
خويه لشبابك بالسمه وية الارض عزاء
. . . . . . . . . . . . . . . . . . . . .

خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____
لمن يجد صعوبة بالحن اطلبه من


@moatmed2 باز کردن / نظر دهید

2022-07-20 00:36:24 #كعدة_لعلي_الاكبر ع




يا علي ياعلي .. هاك اخذ كلبي درع
يا علي ياعلي .. عيوني مو حمل الدمع
دلالي بالهم ذاب وتفسر .. آنه رقيه يا علي الاكبر
. . . . . . . . . . . . . . . . . .

من صدر مرسوم عاجل صادر بحكم الامامه
لازم الاكبر يضحي كبل خوانه وعمامه
طلعت ارقيه تودعه وتدعي يرجع بالسلامه
تنشده ترد لو ما ترد
ارهيفه ودليلي مو جَلد
بلا ماي ميعيش الورد .. وروحي تذبل بالملامه

يالاخو يالاخو .. وياك اخذني بروحتك
يالاخو يالاخو .. مالي حيل الفركتك
مابيه اظل ياخوي اتنطر .. آنه رقيه يا علي الاكبر
. . . . . . . . . . . . . . . . . .

يا علي وياك اخذني درع خليني اعله صدرك
اشكف سهام الأعادي لا سهم ظالم يغدرك
ومره فيّ اعليك اصيرن عن عطش كلبك اصبرك
بلسم اخذني الكل جرح
وحطني اعله نحرك للذبح
خذني يمن وجهك سمح .. عمري ابدّيه اعله عمرك

انهظم انهظم . . الروحه ما بيها سلم
انهظم انهظم . . لكن ارجع ابتسم
خافن اخويه بحزن يتكدر .. آنه رقيه يا علي الاكبر
. . . . . . . . . . . . . . . . . . . . . . .

نادته وترجل الها نزل من سرجه و مهرته
و وصل يم اخته رقية اتبسم و حب راس اخته
و بين اديه لمن حضنها استبشرت حيل بشبكته
مشهد ميتكرر بعد
لو عنها لحضات ابتعد
معناها بالحومة انفكد . . والعده وذرت جثته

يا شهم يا شهم . . تكله والمدمع يصب
يا شهم يا شهم . . جني اشوفك عالترب
جني اشوفك دامي وموذر .. آنه رقيه يا علي الاكبر
. . . . . . . . . . . . . . . . . . . .

جني يالاكبر اشوفك . . عالتراب اموذرينك
بآخر انفاسك يخوية . . و عالخيام اتدير عينك
واستمع ليلى تنادي . . يا ثمر دلالي وينك
وانه احس من الحزن
دلالي ذايب منسحن
اشتاك كل لحظه و احن .. يالاخو اللمست حنينك

شوك الك شوك الك . . أشعل عيوني شمع
شوك الك شوك الك . . بيهن ايهل بالدمع
من عيني لأجلك دمعي يتفجر .. آنه رقيه يا علي الاكبر
. . . . . . . . . . . . . . . . . . . . .

روح اخذ وياك روحي درع و مزرد سنيني
و حرز و تشده اعله زندك لو رحت وياك عيني
و نتقاسم نبض قلبي بالحرب بينك وبيني
لو طحت مرمي على الثره
اختك تروح ميسره
لو حشمك ادريبك تره . . من اللحد تنهض تجيني

غيرتك غيرتك . . لو احشم يا علي
غيرتك غيرتك . . من اللحد تنهض الي
ادريك لو حشمك تجي وتحضر .. آنه رقيه يا علي الاكبر
. . . . . . . . . . . . . . . . . . . . . .

خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____
لمن يجد صعوبة بالحن اطلبه من



@moatmed2 باز کردن / نظر دهید

2022-07-20 00:34:53 #القاسم_بن_الحسن ع


يا رباي وكرة وعيون الحسن
يا ثمر جبدي وذخرتي الهالزمن
. . . . . . . . . . . . . .

كوم يبني بركبتك لحسين دين
عمك ورباك كل هاي السنين
كوم فتت جبدي واعية الحسين
وكلبي لمصابه نياطه اتكطعن
. . . . . . . . . . . . .

عمك ومولاك واجب طاعته
وركبتك قدمها يبني الركبته
غالي بس ترخص ييمه النصرته
شموع سهري اعليك يوليدي انطفن
. . . . . . . . . . . .

ياما فوك المهد سهرت الجفون
وشلت انته النظر يبني الهالعيون
امل عندي الهالزمن يبني تكون
سند يبني من المصايب والمحن
. . . . . . . . . . . . .

الدنيا عكب حسين ما تسوه تره
وحالة الاسلام صعبه ومُخطِره
حسين ما عز الوريد وخنصره
وكل نساء حسين باجر ينسبن
. . . . . . . . . . . .

كوم خل دمك على الغبره يسيل
مثل دم الاكبر ودم الكفيل
على العسكر خل يصير الظهر ليل
ابصولتك نكسها رايات الفتن
. . . . . . . . . . . .
كوم يبني اعليك كلبي منمرد
بلايه نصر حسين يبني لا ترد
للشباب ابكربلا ازرعتك ورد
ومثل للشبان صولاتك صفن
. . . . . . . . . .

هاك السيف الحسن والبس عِمّته
وصول ذكرهم بابوك وصولته
بالجنان الزهره عرسك حضرته
وحور عين الجنه ليك اتحضرن
. . . . . . . . . . . . . . . . . . .


خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____
لمن يجد صعوبة بالحن اطلبه من


@moatmed2 باز کردن / نظر دهید

2022-07-20 00:32:53 #كعدة_للقاسم ع


يالرحت صوب المعاره وصولتك صارت لغز
هاك اخذ كلبي حرز
انتصارك .. بانتظارك .. يالتقدم ركبتك
. . . . . . . . . . .

يل على امتونك اجعودك وانت كاصد للمنيه
ما يهز كلبك عددهم ولا تهاب اجيوش اميه
طالع بمبدأ عقيده وبسملاتك توعويه
من منطلق ترك العرس
لكل شاب وضحت الدرس
عالدين ما تنعز نفس .. نصرة الدين الهويه

الدين من طالب مناصر وابو اليمه اتكفله
وانته يبني فدوه له
بسفك دمك .. ويه عمك .. يالتقدم ركبتك
. . . . . . . . . . . . . . . . . .

طالع وماخذ فؤادي ومهجتي ودمك دمائي
يالضويت ابليل فكد الحسن جن كمره بسمائي
اليوم قدمتك العمك يبني يا جاسم فدائي
يالساكن ابريتي هوى
ذكرك على جروحي دوه
بموادعك كلبي انجوه .. وصار حزني كربلائي

يلي ماخذ حتى شوفي وخذت عمري وبسمتي
جنت كلشي بدنيتي
انته روحي .. ودوه جروحي .. يالتقدم ركبتك
. . . . . . . . . . . . . . .

يولدي كل شاب لأهله ذخر والنصرة عمامه
وعمك المعصوم واجب تفدي يبني بكل شهامه
واخذ سيف الحسن بيدك وعلى الجيش اخذ الزعامه
عويناتك أمن اتصد الي
جنها تكلي اتدللي
من تبرز بهيئة علي .. وهيبته وجفه وحسامه

من صفات الحسن يكرم وانته يوليدي اورثت
بروحك اليوم اكرمت
دمعة امك .. حرز لاسمك .. يالتقدم ركبتك
. . . . . . . . . . .

بدر وجهك يبني تمم كمر اربعطعش عمرك
زغير بس صبرك جبير وفاق صبر أيوب صبرك
من شفت دم علي الاكبر سال يا جاسم ابكترك
ومن شفت جثته اموذره
وصرعه العمام اعله الثره
الكل منهم انحز منحره .. وبالاثر يوليدي نحرك

بَسمَل ورَتل يمينك على الجيش الواقعه
يل يسارك قارعه

يا دلالي .. اشيصفه حالي .. يالتقدم ركبتك
. . . . . . . . . . .

بين صفحات النوايب دمعه سجلتك يجاسم
وانته يبني امسجل اسمك فوك صفحات الملاحم
ودمك الثوري البطولي لكل عقل واعي يلازم
كل شاب لو رايد عِبَر
بيها منافع للدهر
للتضحيه ايقدم مهر .. مثل صينية القاسم

يلي كاصد للمنيه بوجهي بعدك مبتسم
بالوضع عندك علم
انته كلبي .. وسهر تعبي .. يالتقدم ركبتك
. . . . . . . . . . .

خادم اهل البيت عليهم السلام
عمار العيساوي الكربلائي



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____
لمن يجد صعوبة بالحن اطلبه من



@moatmed2 باز کردن / نظر دهید

2022-07-20 00:31:24 #للعباس ع



يا حامل الجود ويراعي اللوه
يالمارويت الماي بيك ارتوه
. . . . . . . . . . . . . . . . . . . .

يل يمنتك بالحرب ما تلتوي
يالماد جفك بالنهر يرتوي
يا بعد اختك يا شهم يا قوي
رد ليه خل للوطن نرجع سوه
. . . . . . . . . . . . . . . . . . . .

ما ريد من دونك ارد للوطن
بفكرة رحيلك احس كلبي انسحن
عويناتي لو ما شاهدنك عمن
رد لا تطول عالنهر يا ضوه
. . . . . . . . . . . . . . . . . . . .

ساعة انتظر ما رجع منك خبر
لا رد جواب الصوتي من النهر
اسمع حسين ايصيح ضهري انكسر
گلبي انعصر واعليك ضلعي التوه
. . . . . . . . . . . . . . . . . . . . . .

شاطت الروح و للحسين اركضت
واباب صيواني بحيائي اعثرت
امكابر گمت بس اعله وجهي طحت
واعليك احس بالنار گلبي انچوه
. . . . . . . . . . . . . . . . . . . . . .

بخيمتك من شفت ابو الاكبر گعد
ومن حرگته بچفوفه هد العمر
مجروحة بس لحسين صرت السند
ادري انته عند حسين مثل الهوه
. . . . . . . . . . . . . . . . . . . . .

لكن سؤالي الك يا كافلي
من بعد الحسين انه منهو الي
لمن ارد منهو اليشد محملي
و ابقى انه لا حول وبلا قوة
. . . . . . . . . . . . . . . . . . . .

بالباري اشد عزمي و احشم الصبر
وانته اعله شاطي الماي عندك عذر
بس الهظيمه يصيح بيه الشمر
و سوطه اعله متني يا كفيلي التوه
. . . . . . . . . . . . . . . . . . . . . . .

بس يا هوانه الدهر بيه شعمل
وانه الاميره وبنت خير العمل
خلاني تتفرج عليه الملل
الهظمي ومصابي وهمي ما مش دوه
. . . . . . . . . . . . . . . . . .
خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____
لمن يجد صعوبة بالحن اطلبه من



@moatmed2 باز کردن / نظر دهید

2022-07-20 00:29:46 #للعباس ع


زينب انه وناديتك يا حامل راية حيدر
جيب الماي العبد الله بضماه اگليبه تفطر
جود . سيف . راية الك
جيب . ماي . طفلك هلك
. . . . . . . . . . . . . . . . . . . . . . .
روح
جيب الماي امن اجروفك
لا تنطي الشاطي اجفوفك
هاك
روحي و گلبي و چفيني
للنبلة قدم عيني ... خوية عود
ماي
جيبة لمنحر عبد الله
خافن ترويه النبلة
شوف
من گد ما ضامي اتلوه
و كليبة ابعطش اتجوه ... خوية عود


غارت يا خوية عيونه وانه من الهم حشمتك
ادري تقدملي عيونك ادريبك مترد اختك

. . . . . . . . . . . . . . . . . . . . . . .

شيل
جودك حطة اعله امتونك
صيح و خل يسمعونك
خوف
بثه اعله اگلوب العسكر
خل عن دربك تتطشر ... من تصول
فوت
للشاطي احتل اجروفة
والعسكر كسر سيوفة
نار
تسعر من ضربة سيفك
وانت تسيرها بكيفك ... من تصول

ضربة سيفك ادريها مقرونة بضربة حيدر
هذا الطف يبن الانزع جدد موقف من خيبر

. . . . . . . . . . . . . . . . . . . . .

صول
واحوي الطف ابچفينك
و ارعبها بخزرت عينك
جيش
بجدامك اسحگة و بيده
و ساوي بتراب البيده . . شما يزيد
كون
ما تترك منهم واحد
الموت و سيفك متواعد
حيل
بچف ايدك هز الراية
ميهمني الشاطي و مايه . . شما يزيد

عباس اقسم بعيونك الماي اعله اختك ما يصعب
لكن حال الطف هذا امن الباري اعلينه اترتب

. . . . . . . . . . . . . . . . . . . . . .

ماي
لو اطلب من الباري
نهرين اتطگ بكتاري
حسين
والدمعة بطارف عينه
وللباري يمد چفينه . . بالدعاء
چان
ربك خلة الطف زمزم
نروي وخصمك تشرب دم
چان
روجاته تغرك اعدانه
خالقنة و كلشي انطانة . . بالدعاء

لنصر الدين اتطوعنه و قربان اتقدم ضامي
حسين ايقدم دم نحره وانة يحرگون اخيامي

. . . . . . . . . . . . . . . . . . . . . .

روح
راح اتبعك نظراتي
واعليك اتطوف اهاتي
وياك
كلشي يروح وما يرجع
وصوتي يصيح وما تسمع . . يا كفيل
عين
تتبع خطوات اثارك
عين اتراقب بتارك
وين
يوگع حتة اندل چفك
واتمدد خوية بحتفك . . يا كفيل

كون اوصل يم الشاطي و انعي الگطعة چفينك
وبچف همي وحسراتي اسحب سهم اللي بعينك

. . . . . . . . . . . . . . . . . . . . . . .

خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____
لمن يجد صعوبة بالحن اطلبه من


@moatmed2 باز کردن / نظر دهید

2022-07-20 00:28:08 #كعدة_للعباس ع



ماي النهر راد .. من جفك امراد
والمشرعة تريدك .. تتروة بوريدك
بزودك يعباس
. . . . . . . . . . . . . . .

يلي محتل الشريعه والنهر ممتلك مايه
من سماء اخيام اخوك حسين مرسول اويه رايه
ومصحفك جود التحمله وجفك ال بالماي آيه
ضويت والجيش انطفه
وابنيت كعبه امن الوفه
امن اهل الكهف عندك صفه .. استوطنت وسط المنايه

سيفك السجّيل .. جفك ابابيل
والتِرجمه تصيبه .. ما تخطه تصويبه
بزودك يعباس
. . . . . . . . . . . . . .

من صدى زينب تردد هِمس باذنك صوت حيره
ومن عرفت بهظم اختك دخنت ابراسك الغيره
وانبعث وحي الاخوّه بينك وبين الاميره
جانت اذا تطلع امس
تصير الها ظل امن الشمس
بس كلي ياخوها شتحس .. لو مشت اختك اسيره

بيديها الحبال .. مابين الرجال
المحد كشف ظلها .. تريدك ترد الها
بزودك يعباس
. . . . . . . . . . . . . .

يلي جفك جف ابوك المرتضى و تشبه صفاته
منهو مثلك حيد ضيغم أسد متكفل خواته
الجعفر الطيار عمك جسدت بالطف ثباته
عمك على الرايه سِعه
وجفين منه امكطعه
مثله هون عالمشرعه .. اجفوفك وموتك مماته

يا ثابت الراي .. صورتك بالماي
والصوره معكوسه .. المي خدك ايبوسه
بزودك يعباس
. . . . . . . . . . . . . . . . . .

يا عضيد حسين بالطف سند صرت انته العضيدك
وفَرزَن بعينك شهامه حين حط الرايه بيدك
وسِمع جودك يابو فاضل بسمك يصيح و يريدك
بعيون الموادع صور
متجسده فوك النهر
تلتقي الشمس اويه الكمر .. والخضاب ابدم وريدك

من هِون جفين .. هل دمع الحسين
ومن ينكسر ظهره .. بس انته التجبره
بزودك يعباس
. . . . . . . . . . . . . . . .

يالهويت اعله الشريعه كمر ومخضب ابدمك
جن اجتي تريد تحضر فاطمه الزهراء يمك
اتحظنك اتظمك تكلك يولدي هاي آنه امك
من ام البنين العذر
يوليدي يمجبر الكسر
عالشاطي ابنيلك قبر .. وعالفرات انكتب اسمك

اسمك يعباس .. للخوه نبراس
يالوافي لعضيدك .. خط الوفه بجيدك
بزودك يعباس
. . . . . . . . . . . . . .

خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____
لمن يجد صعوبة بالحن اطلبه من


@moatmed2 باز کردن / نظر دهید

2022-07-20 00:26:03 #مسلم_بن_عقيل ع


اجيت بقافلة عشقي اسيرك .. امهد الكوفة تستقبل مسيرك
انه بحُسباني خادم بس حسابك .. يبو الاكبر يسميني سفيرك
. . . . . . . . . . . . . . . . . . . . . . . . .

عشك خادم عشكتك وامتثل لامرك
ورحت للكوفه هايم سيدي بسرك
بسمه العصمه إمام ومكتمل بدرك
وانه المتفاني عمري مقدمه لعمرك
اطوف ابعصمتك واشرب عذب صبرك
برحابة صدري ارخص نحري يم نحرك

ابن عمي وولي امري واميري .. يتارس گلبي وعيوني و ضميري
محبتك بوصلة رُشدي بطريقي . . وارافگ اسمك المُهدي بمسيري
. . . . . . . . . . . . . . . . . . . . . . . .

دخلت الكوفة و الناس التبايعني
لان باسمك اجيت العالم اتحبني
هاني ابلهفه يتلگاني و يظمني
اعله ريحة حيدره ميثم يجي يشمني
محبتهم الك كامت تحاوطني
وسليمان و حبيب وصحبك اتحفني

احس كل واحد ايهيم بصفاتك .. ويقدم الروح الك من گد غلاتك
وانه المتربي بين ايدك واسولف .. نفس حچيك وابسمل بسملاتك
٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠ ٠

جره اللي ما جره من غدرة الكوفة
وعليّ عسكر تحاوط مشهر اسيوفه
شفت طوعه علي دمعتها مذروفه
وتحرم بالحزن والمصرع اتطوفه
الكثرة تغلب الشجعان معروفه
وانه الوسط العساكر زارع الخوفه

اسل سيفي وترد خوف الجحافل .. وانه بيا حيدر اتقدم واقاتل
الحسن علمني اكرم ديني روحي .. واشد عزمي واصول بيا بو فاضل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

عطش سيفي برگاب العسكر ارويته
انه الچف يمنتي من علي تربيته
اوگفت جن عمي حيدر واكشخ بصيته
انه العزمي بعزم عباس شديته
خطيت و عسكر ابن زياد حاچيته
يمن خنتوا بمحمد واهل بيته

اشتريتوا جهنم ابسعر الخيانه .. عبيد الدنيا بالذل والمهانه
توابع للشياطين ابعماكم .. ضماير ميته و تحلل دمانه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

خضت ساعة نزال ورضخت العسكر
وابطال النزالي ادعوها تتعذر
قلعت اول كتيبه چن حصن خيبر
ومثل صولة حُنين امعلم اعله الكر
ولكن بالغدر طحت ابمكيدة شر
وانه البيه الضمه وثگل الحديد اثر

رسالة ابمدمعي رد لا تجيهم .. الغدر عدهم كذب اصبح حچيهم
وعد قطعولي بس خلفوا وعدهم .. خيانتهم تفوق اعله وعيهم
. . . . . . . . . . . . . . . . . . . . . . . .

خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____
لمن يجد صعوبة بالحن اطلبه من



@moatmed2 باز کردن / نظر دهید