خدر الفواطم لنشر القصائد النسائيه

2022-08-21 17:00:17 عند سبي العقيله الى الكوفه واخذو يسحبون السبايا في ازقة الكوفه واسواقها،،، هنا تخاطب زينب اباها علي وتروي قصة العذاب في ماجرى عليها

الحك يا علي بلسوك جرونه
تتفرج علينه الناس خلونه

جيتك شايله بمتوني هظمي
ماشميت بويه ريحة أمـــــي
مكسور ونحل علصار عظمي
ببدور العشيره حيل فجعونه

مكسورة ظهر علگطعوهن
جفوف الدللني شمروهن
لون عباس حاظر ماسبوهن (الفاطميات)
وعلى متون الهزل ماصعدونه

جنت الآمره وجنت الاميره
طحت بيد الشمر بويه أسيره
وجيت الكوفتك والبيه حيره
وكوه للقصر من دخلــــــونه

جمر امنل خيم تتطافر الروح
وي عثر الهزل يتزايد النوح
وظل ابكربلا الحسين مذبوح
اخذو راسه يبويه وجتفونــــه

ياحيل الجبل البطول حيلي
ياطول الصبر يا گصر لليلي
عله متوني شلت راية جفيلي
من شلت العلم باهت بدونـــه

سيفك وين بويه هسه اريده
وحقك ياعلي مجدك اعيده
يخافون منكولن يلصميده
ميت بس رعبهم بان لونه

كلمات
ام الحسن الزيدي باز کردن / نظر دهید

2022-08-10 21:41:23 السيده زينب في خريبة الشام
عندما ارادت زوجة يزيد هند معرفته من هيه المسبيه وتتفاجأ بمولاتي زينب الاسيره

زينب بت علي يلماعرفتيـــه
ياهند اشكثر انتي خدمتيه
♡♡♡♡♡♡♡♡♡♡
طبت للخرابـــه هــــــــند مذعــوره
وشافت بت علي من الظيم مكسوره
ماعرفته حگـــــه بهاي معــــــــــذوره
دخــــان الخـــــــــيم غيــــــــر معانيه
♡♡♡♡♡♡♡♡♡♡
نزلت من عرشه هند مفجـــــــــوعه
اجلاللآ للعقيله وصاحت ابلوعــــــــه
وصاحت ياحسين بصيحه مسموعــه
وظلت راكعه هنـــــــد اعله رجـــــليه
♡♡♡♡♡♡♡♡♡
تكله المعذره وخجلانه من عندج
وين اطي الوجه من امج وجدج
مسبيه بحرم وطفال وبوحـــــدج
وخوتج يادهر هذه الصفه بيــــهه
♡♡♡♡♡♡♡♡♡
عساني لاشفت وكفتج بــلديوان
وكدامج يفر ابرووس هل وليــان
بس صبرج غلب ياشيخة النسوان
يزيد وزمرته اللــــــه لايطيـــــهه
♡♡♡♡♡♡♡♡
تكله زينب اعله نوح عوفيني
وعل صار بهلي بس لاتنشديني
ظلت بس صور تتراوح بعيني
مبارك رووسهم ظليت اصد ليه
♡♡♡♡♡♡♡
زينب بنت علي يلماعرفتيه
كلمات ام الحسن الزيدي
خادمه الحسين باز کردن / نظر دهید

2022-07-26 16:15:51 ليش اعمامت المظلوم بلميدان داسوها
كطعو منحره وبلكـــــــاع شــــــمروها
♕♕♕♕♕♕♕♕♕♕
طلعت من الخيم اركض البو اليمه
وشوف الكاع حمره فاييضه بدمه
وشفت عمامته وشفت الشمر يمه
(يحز راسه ـــــــ ويلوح بسيفه)
♕♕♕♕♕♕♕♕♕
اخ منل الجره وماينوصف يومه
كتلوه وبعد ما خــــلوه اهدومه
اخوي ابلا وجه شوضايعه ارسومه
(عله ارسومه ـــــــ يابس دم راسه)
♕♕♕♕♕♕♕♕
لعبت خيلهم بعمامته الخضره
مجلبه بلحوافر من لحم صدره
مدري ياكتر من جثته اتجره
(فجعوني ــــــ يحسين بدمك)
♕♕♕♕♕♕♕♕
گضتني الرزيه وماظن اتهدني
فجعتني بخوتي اوهدنتني
وي كاتل هلي من سيرتني
(مجبوره ـــــــ ارافك جتاله)
♕♕♕♕♕♕♕♕
شفت عمامته علكاع
كلمات الشاعره:: ام الحسن الزيدي باز کردن / نظر دهید

2022-07-20 03:26:49 السلام عليكم ورحمة الله وبركاته

أخواتي كروب يضم المشاركات الحسينيه وتعلم الأطوار...
هي... الحوزه النسويه على الواتساب....
لراغبات بالاضافه إلى حوزة العتره الطاهرة يرجو المراسله على هذا المعرف @hasaeni
للنساء فقط..

خادمة الحسين الملا ام قاسم كربلاء_ المدرسة لتعليم الاطوار علي الوتساب هلا وسهلأ خادمات الحسين باز کردن / نظر دهید

2022-07-19 19:51:05 خدمةً لسيدي ومولاي الامام الحسين عليه السلام
الاخوه الرواديد جميعآ لمن يجد صعوبه بالحن يتفضل بإرسال المستهل مع نص او القصيده كامله
على المعرف التالي



@moatmed2 باز کردن / نظر دهید

2022-06-25 19:10:56 ارد اعتني الكفالي ـ يحسين وين المشرعه
~
يحسين دليني النهر
خويه تأخر الكمر
يحسين خلصت الصبر
بطه علينه الوالي
~~~
بس لا بلحومه وكع
خلص صبري والدمع
يحسين اخينه مارجع
بس لا راح الغالي
~~
اكعد وتاني رجعـته
شوماتلوح رايــــــــته
يحسين الحكه بحومته
وخبره عني شحالي
~
وسفه يسبع الكنطره
رحت وتركت امخدره
لاتگلي يختي المعذره
ارجع وشوف احوالي
~~
موماي دم المشرعه
لجفوف ليش مكطعه
عفتني اتاني ملوعه
طايح كمرنه العالي
~~~
فدوه اروح الغيرتك
ارجعلي وترك جربتك
كلبي لعب من روحتك
منهو بعد يبرالي
~~~
ارد اعتني الكفالي /كلمات الشاعرة ام الحسن الزيدي باز کردن / نظر دهید

2022-06-24 13:53:12 انه ابشارب العباس ــ يلرايد سبه اضعوني
انحب يم اخوي بحرگـــــــــه خلونــــــي
♡♡♡♡♡♡♡♡♡♡♡♡♡♡
ياحادي ولظعن اوكف
ما امشي وعوف الطف
ودم اخواني ابد ماجف
واسمعهم ينادوني
♡♡♡♡♡♡♡♡♡♡♡♡
اشلون الشام اطبنه
والمجلس ادخلنه
اولاوالي يرد عنه
وسمعهم يشتموني
♡♡♡♡♡♡♡♡♡♡♡
ما اكدر اطب للشام
حرمه ابجمعت الازلام
خذتونه نسه وايتام
عليهم تشبح اعيوني
♡♡♡♡♡♡♡♡♡♡♡
إنه اخت الشهم عباس
ليث المرجله النوماس
وشلون انسبي ياناس
وشحدكم تظربوني
♡♡♡♡♡♡♡♡♡♡
انه اخت الولي المذبوح
اشلون عليه ابطل النوح
جسمه بكل كتر مجروح
وبراسه فجعتوني
♡♡♡♡♡♡♡♡♡♡
انه بشارب العباس::: كلمات: الشاعرة ام الحسن الزيدي باز کردن / نظر دهید

2022-04-25 21:20:55 عبد الله انذبح يا خوية عطشان
شگل للرباب ابدمه غرگان

••••••••••••••••••••••••••••

يا خوية الطفل خمد ونينة
صاح بصوت نبراتهةحزينة
ومن ادماه اتخضب جبينه
وگلبي اعليه والله خوية وجعان

•••••••••••••••••••~
يَأمه اهنا فزعيله وتلگيه
واخذي للخيم وبمهده خلي
وبالج ع النحر بيدج تلجمي
مذبوح الولد وبدمه سبحان

~~
ريت الصاب نحرك صوباني
يعمه اصواب عمرك شوغاني
وما أدري بعد شنهي بزماني
وديتك لأبوك بأمره حيران

~~
خوية حسين اتلگة الطفل مات
شفته طير طار ويه الحمامات
الله يعين گلبك عل مخفيات
يومي ريت گبل يومك اچه وحان
~~
نوحي وياي يأم عبدالله نوحي
بونينه الغاب عني اخذ روحي
اهزن بلمهد وتون جروحي
وجسمي اللطم يا خوية تعبان
~~
من شالة حسين المثلث تلگاه
عطشان الجبد و اتوجر اظماه
اتروه الطفل من وشلت ادماه
ومن فيض الدمه لن جسمه غركان
~~
طفلك ليش ما ظاگ العذب ليش
خفيفة الروح عنده بخفة الريش
شتطلب هل طفل يا حىملة ابيش
حوبت هل الطفل عد رب الاكوان
~~
يرب اشهد عدنه هل الطفل راح
من ايد حسين بظربت سهم طاح
هتزت كربلة من الولي صاح
يربي تقبل هذا قربان


كلمات الشاعرة أم الحسن الزيدي
. باز کردن / نظر دهید

2022-04-21 18:40:04 الليله يجمع الموله بنيــنه
ويكفل الكمرخيته الحزينه
يگله بشاربك هيه
وصيتي بلوداعيه
♡♡♡♡♡♡••
ناده ابوالحسنين زينب وخوتهه
وعينه عل عباس يمسح دمعتهه
يبني تــكفلهه وتــــحل شدتــهه
هذا اخر مسه وتحظر منيتي
بزينب وجهي اتشوفه وصيتي
خيتك شوفهه بيه
وصيتي بلوداعيه
-♡ـ♡♡&&&♡♡
بنيتي من شفتي راسي المطبور
كوي كلبج حيل لوشفتي منحور
دهرج متانيج والزمـــــان ايــدور
حطي راسج ابكلبي تسمعين
اخر نبضه لي وتغمض العين
لاتلطمين اعليــه
وصيتي بلوداعيه
♡♡♡♡♡♡
تكله يابويه خلـــــــيني يمــك
بيدي اسد جرحك ومسح بدمك
اخر لحضه وياك خليني اشمك
هلحضه يسموني يتيــــمه
بويه روحتك والله هضيمه
اتذكر عندك بنيه
وصيتي بلوداعيه
♡♡♡♡••♡♡
وصيتي بلوداعيه:: كلمات الشاعرة
ام الحسن الزيدي باز کردن / نظر دهید

2022-04-19 19:20:57 ♡

يابو المروه ـــــــــ يابو المروه
ياعلي بويه ـــــــــ يابو المروه
رفجتك حلوه ــــــــ يابو المروه
يلشلت عني بساع ــــ يابو المروه
♡♡♡♡♡♡♡♡♡♡
غمضت عينك وضلمت دنيــاي
بويه انه بكلبي مكدرات اهواي
حاجيهه بنيتك يابــعد عيــــناي
بويه بصيامك مافــطـرت ابـماي

فاطر ابدمك ـــــــ ولولد يمك
يوجعهم الوداع ـــــــ يابو المروه
♡♡♡♡♡♡♡♡
يافجر طريت وطركلب زينب
يلخذت مني اليث المـــجرب
ودار ابوي اليوم مابعد تنطب
بكل ركن بلدار اشوفه وتعذب

ابوي الغالي ـــــــ كدر احوالي
مشتاكه ليه الكاع ــــــ يابو المروه
♡♡♡♡♡♡♡♡♡♡
خيمه للاايتام ياهو من بعــدك
بلهظم يبجون ولاذو ابســــدك
ودارت الاحزان ياعلي ابولدك
من يشوفونك غـــارگ ابدمــــك

من عسا لاصار ـــــــ فجرك الغدار
جم طفل بعدك جاع ــــــــ يابو المروه
♡♡♡♡♡♡♡♡♡♡
ضاعت اسنيني بضيعتك مني
يلخذت روحي وبعدت عني
يابويه ظليت ساهره ابوني
ياعلي وياك بلكبر خلنــــي

بويه اريد اوياك ـــــــ ماعيش ابلياك
العمر بعدك ضاع ـــــــــ يابو المروه
♡♡♡♡♡♡♡♡♡
جرح ابوي اغميج واسمع اونينه
من امس دمه جامــــد ابعيــــــنه
ينشد اعله حسين والحسن وينه
والكمر مكسور وشابـج ايديـــنه
يلتشيعونه ـــــــــــ لاتلجمونه
للكبر الوداع ـــــــــ يابو المروه

༺༺༺༺༻༻༻༻
الشاعرة: ام الحسن الزيدي

. باز کردن / نظر دهید