آدرس کانال:
دسته بندی ها:
دستهبندی نشده
زبان: فارسی
مشترکین:
5.84K
توضیحات از کانال
قناة تختص بنشر قصائد الشعراء
نعمل لخدمة خدام الامام الحسين ع
من شعراء وارواديد ........♡
يا ابا صالح {عج}
Ratings & Reviews
Reviews can be left only by registered users. All reviews are moderated by admins.
5 stars
1
4 stars
0
3 stars
1
2 stars
0
1 stars
0
آخرین پیام ها
2022-08-31 22:24:35
شهادة السيده رقيه ع
.
.
.
اباب الخرابه والحچي اهواي .. اسئل عليك الراح والجاي
وصفتك الهم چن صبح
گالولي ذاك اعلـه الرمح
والحچي هواي
-------
من بده الشوگ . بالخــرابه . اتبدت اعيوني حچي
شوگ الزغار . يختلف حيل . ايتـرجمه بس البچي
اگعدت يم باب الخرابه بويه مـن صـار النهار
لن بنات الشام سئــلن شــنو اســمچ باختصار
بس گلـــت الهـــن رقـــيه شامـــرني بالحـجار
لاحت اذاني وحده منهن .. رحمه يبويه ماكو عدهن
احچايات اهـلهن چالملح
گالـولي ذاك اعــله الرمح
والحچي هواي
---------
الچنها ورده . بضل وجودك . وبالتـــرافه تنلمس
الــدللـــتــها . عگب عينك . ذَبلت خدها الشمس
خاف ماتعرف رقيـــه من تــرد امــن السفر
بشامهم بس اني وحـدي بخدي للسطره اثر
بويه عنواني الخــرابه فوگ مـن قصر القهر
ولو تيهت تعرفني بالحال .. بيــديه اثر شدات الحبال
بالناس اوصي وانجرح
گالولي ذاك اعله الرمح
والحچي هواي
-------
وادم الشام . اعيون صلفه . تضحك وانه احترگ
امن اسئلتهم . هـمه گـــالو . صدر ابيـچ منسحگ
شامي منهم گال ايسي حسين جثه اعله الثره
شـــمر الجـــابچ ســـبيـــه هوه گـــاطع منحره
بويه صـــح هذا كـــلامه لــو اظــــل متــنطره
سديت اذاني من حچي الناس ..من گد حچيهم شيب الراس
وكل لحـظه مــنهم انذبح
گالـولي ذاك اعـــله الرمح
والحچي هواي
--------
بويه بالشام . الماله والــي . الناس شو تستزغره
والشماته . اعلـــيه بــــويه . بالـدرب لــومو سره
وانه بين اركبي راسي حاطـه امـن المستحه
حچي اهل الشام شفره وگـلب بنــتك جرحه
اسمع الضحكات بذني وگلبي چن بيه فاتحه
ماشايفه كل عمري ظلام .. مثل الشــفتهم بويه بالشام
وهالطـاري كلـــسا ينفتح
گالولي ذاك اعـــله الرمح
والحجي اهواي
---------
يمته ترجع . ارد احاچــيك . البيـــه ماينظم بعد
تبطي لو لا . ياحــيـــــاتي . گـــلي يــايوم الوعد
انـچان تتـــاخر يبويه بطيـــف بردلــي الگلب
انته مو طبعك تهجـره كلمن الشخـصك يحب
الصعب مو لمن سبـوني بويه هجرانك صعب
مشتاگه اشبگك يالابو كون .. ومشتاگه ابوسك بين العيون
وكل ما اسولف بالجرح
گالولي ذاك اعـله الرمح
والحچي هواي
------
حيدر تركي الكربلائي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
304 views19:24
2022-08-29 00:26:29
گربنه من القصر وبعيني شفته
وكلها تصيح وصلت وصلت اخته
چنها الناس متحضر اليه
وفزت عازت العباس بيه
ــــــــــــــــــــــــــــــــــــــــــــــ
المذبح خدري بينه الحادي گرب .. واتراعش عله النوگ
والف حسبه تجيني الطبت الشام..وگلبي وجدمي محروگ
وآنه فاجده ومكسوره ويريد .. حيل الطبته السوگ
واحير بحسبتي وندار للراس .. واشوفه برمحه مخنوگ
اجتنا منين ماچانت عله البال
بعد ذاك الدلال اوصل لهل حال
وطول اخواني يتبدل بالرماح
واسمي بسوگ وبحسن عالي ينصاح
ــــــــــــــــــــــــــــــــــــــــــــــ
اعله راگ الشام واسمع دگ الطبول .. وتدگ بگلبي چنها
واگل للناكله ارحمي بحالي انتي ... وخطوتج گصري منها
مانحمل بعد وحدتنه لسا ... بعدها ازرك متنها
وكتلت احسين بعده اخضر جرحها .. كلف كلش حزنها
وبچي اعله حسين ماخلصن بعدهن
يهد الحيل مو هين فگدهن
لطم والله لعمر لو يگضي كله
ماتنسد لبو السجاد خله
ــــــــــــــــــــــــــــــــــــــــــــــ
ملچومه بكثر ما مالت النوگ .. ومامش للوجع حد
وروحي تروح لو گالو سبيه .. وعازت موتي تشتد
تميل النوگ واحتار انه اكض بيش ..وچفي برگبتي انشد
وتاخذ گلبي وي كل ميله منها .. من اطيح شلون اصعد
وبسم عباس اسبح جبته دربي
معلگ عل رمح وي راسه گلبي
وي كل ميله اصيح الحگ عليه
واحس بدفو زنوده يتچي اليه
ــــــــــــــــــــــــــــــــــــــــــــــ
وللديوان وصل بيه جرحي .. وخدري نلچم گلبه
طحت وباد حيلي بعتبت الباب .. حرت شلون اطبه
زينب انه وموش اولام ديوان .. چبيره وحيل صعبه
اخجل وي هلي كون اگعد بيوم ... مو مگعاد غربه
طلعت روحي وانه بعتبت الباب
شحال الضعن عل ديوان لو طاب
وبس نسوان ضعني وكلها ثكله
وحچي العدوان ماواحد يحمله
ــــــــــــــــــــــــــــــــــــــــــــــ
طبيت انه اخ ولمن طبيت .. وبده مگاطف حچيهم
وارجف مستحه وترجف بناتي .. ومامش غيره بيهم
وسوط اعيوني هد حيل طولي ..اشد من سوط اديهم
الله يعين گلبي الگعد وي ناس .. دمه اخواني بعبيهم
وعرگت روسه اهلنا علينا غيره
وچانت حيره السجاد حيره
عليل وماكو حيل وعنه يشگف
ولا عدوانه من اسياطها تكف
ــــــــــــــــــــــــــــــــــــــــــــــ
وي كل چلمه صاحو وين زينب .. وبيه يفز رمح چان
حچيهم لچم روحي وجره دمعي .. وحط بگلبي نيشان
اوف شلون اخت عباس ياناس .. تطب بوسط ديوان
يضل ياهو اليجي يطيح دمعته ... هذه الماله خوان
واغشي من الفشل وجهي بديه
وشيفيد الزلم داير عليه
الم نسواني مدري طولي المه
مثل الشمعه خلصن لچمه لچمه
امير الساعدي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
839 views21:26
2022-08-26 12:52:53
هلا بيجن عساجن لا تعبتن
اشوفن لية مو كلجن رجعتن
الضعن عايز ابنية
و ما ردت رقية
انه الفاگدهه من يوم الصعدتن
___
يا هلا بعطر الجفوني الفارگوني و عوّدو
ماكو ردة يگلي گلبي وانه اگله اتعطّلو
زينب البضعوني ردو مو نفسهم من مشو
عايز ابنية ضعنكم ما اجت وي الأجو
حاجيني يزينب لا اتدنگين
رقية ابنيتي خليتيهه جا وين
جا وين التحبني وتغفة الا اعله متني
الخجل بين عليجن من گعدتن
___
گبل لا تمشون اجتني بنيتي گعدت تستراح
طاحت بحضني يزينب وأنه حيلي وياهه طاح
اتعصّر برجلي وتشمني الحادي يالله امشونه صاح
نامت بحضني ونسوهه وحرك وبضعوني راح
امنتج عليهه وگلتي بحماي
كسرت كلبي من جابتلي الماي
الرمح شيلوحة عالي واحتارت أكبالي
عله بنيتي يزينب ما نشدتن
___
بنيتي ما تصبر بدوني واذكر بيوم اهدعش
جابت الماي وتگلي يروحلك فدوة العطش
جا جبير السادة مات و ما يشيعونه بنعش
ونعمة الله اعله الصحاري ورحمة الباري انفرش
وين تبوسني احتارت رقية
كتر سالم يزينب ماكو بية
بدت بجروحي اتعد تگلي بداعتي اكعد
ومشيتن عنهه بس ما عاتبتجن
___
يا هلا وگواجن الله هوايه ضعني اتنطره
بكثر نار اخيامي بيه و عله الملگة اموجرة
حسين لا تنشد بزينب مو نفسهه اختك ترة
من بعد طيحت كفيلي الكافل اضعونك مرة
دوهني الدرب وافراك اخوتي
انه اتمنيت يكرب مني موتي
لا موت اللفانة وجتالك حدانة
بمو نفس الهزيلة اعليك ردن
___
الما تنام الا على زندك ماتت بحضن الطشت
بجيتي مستحية انه منك جي عكب موتك عشت
عايفة ابنيتك غريبة وأنه ليكم عودت
ماتت ارقية اعله راسك وأنه عذرا ما متت
گبل لا تعتب ابنيتك عفتهه
بدشداشتهه يحسين ادفنتهه
مشتاكة اشكثر ليك طاحت ماتت اعليك
خفت اعيونهه من الدمع يعمن
~
الخادم أحمد داود
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.3K views09:52
2022-08-24 00:10:06
نزله للامام السجاد
.
.
.
خيــمه لو رمــح لو نــبلـه لو حــافر
ياهو اليوجعــك منهن يـــبو البــاقر
***
جــروح هواي بــيك اتجـاوزت الفين
ياهــو اليوجــعك منهــن يبعــد العين
امتون الحره عمتك لو ضلوع حسين
ومــن صدرك الحـــافر ياضـــلع كاسر
***
بصدرك ياضلع مكسور ومـهــشم
يــزين العابـدين الـــياهي تـتـألم
للحــفــاي ركــضن لـــو للمــخيم
المــن لسه يـهمل سـيدي النــاظر
***
لهسه يهل الـــك ناظـر ولا ينــشـف
يالبالطف سبو من عندك المـصحف
آ يــا عملة اهــل الشـام يوم الطف
اعله عمـاتك لمــن بحجارها تشامر
***
مشامرها ســـوالف يوجعـــنك حيل
يريدن حيل وانتــه منيـلك هالحيل
راح الحيل من سحگت ابوك الخيل
ولســـه ترن بذانــك غـــارت العاشر
***
بذانـك لسه كلمة غــافي عبدالله
دللــول الولد لا يگــعد اســم الله
سهم حرمله من ابمــنحره صــله
اونـات الربـاب التــكــسر الخاطر
***
يكــسر خاطرك خــد عمتــك ذابل
من گد ما بچــت لفراك ابـو فاضل
الممشه للســبي يوجــع بـــلا كافل
طبيعيه اعله زينب من تضل حاير
***
طبــيعيه دموعــك والله ما تـنلام
شــفت آلام مامــرت على الايـــام
هيــه اگليله قابــل طبـــتك للشام
مگيد على الناگه امـفــرع وحاسر
***
مگيد عله النــاگه والـگلب مـحروگ
عله المثلك چبيره وادري لا متـلوگ
شــكبرها وطببو نسوانكــم بالسوگ
شــماته سوگـــهم مابي ابــد نــاصر
***
حيدر تركي الكربلائي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.7K views21:10
2022-08-19 11:27:57
وين هاشم خل تجي لتاليها
الجان بوالهة الفخر غاطيها
__
وين ناس العز براضيهم ربة
ابيوت مستورة وخدور مرتبة
خل تجي الأطنابها متسلبة
وناسهم حر الظهر عاميها
___
وين ابو طالب واولادة الفحول
الجانت تكف المحاجي اشما تطول
بكربلة مالت لبن حيدر احمول
احمول هاشم بالفلة اميسريها
___
وين اهل مكة الملوك اعلة العبيد
وين ذيج التطعن بسن الحديد
الحومة فرغت والحرم زلمة تريد
ولا هواشم ظلت وتحميها
___
وين ابو النسوان هاي البالاخيام
وين ذاك اليهتم بأكل الحمام
من العطش اطفال الك صارت تنام
منهو غيرك يا علي يرويها
__
وين سيد هاشم وشيخ الرجال
وين حلال العگايد والاغلال
هاي زينب جتفو جفها بحبال
والاحبال مخليه اثر بيديها
__
ضاع تعبك يابو زينب بالخدر
الجنت خايف بس عليه طول العمر
ما تطب بس تنجبر تدخل قصر
وطبت الديوان كلفه اعليها
__
يا عزيز النفس عگبك ذل طفح
و راد يوصل خيمت حسين ونجح
وذاك سرك يا علي بحومة وضح
وگامت الوادم تسولف بيها
__
لهاي آلامك علي ماضن شفة
اله اشوف الراية بيد مرفرفة
بطلعتة نحس نار الاخيام انطفة
يمتة يطلع ابنك ويطفيها
…..
حسين حيدر الموسوي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
2.2K views08:27
2022-08-19 11:27:37
چا .فوگ الجَرِح .. والدم والذَبِح
مرافَگني برمِح .. خويه
خَلْ نحچي آلام .. منّااا للشـام .. خويه
ــــــــــــــــــــــ
من ظهر الناگه .. وشلون إمـلاگه
لوجهك مشتاگه .. بس امتعبينك
يالـ مِنهَد حيله .. ومشتاگه أحچيله
سفرتنه اطويله ..وانته الله يعينك
يالـ عايش بيّه .. إتحمّلني شويّه
سوالف مسبيه .. وإقراها بعينك
شمسوي الحجر .. بجبينك حُفَر
خَلْ نحچي القَهَر .. خويه
دامك گِدّام .. منّااا للشام .. خويه
ــــــــــــــــــــــ
غير انته الغالي .. نسولف عن حالي
بس شوف احبالي .. تعرف موضوعي
يابعد إعيوني .. وياگ إيمشّوني
يآذنّي امتوني .. ومرضوضه اضلوعي
ضربونه وصِحنَه .. من النوگ وطحنه
وبرمحك لِذنَه .. أو وشّلت إدموعي
رمحك دار . إلي .. هااا يابو علي
شو . مو الأوِّلي .. خويه
بس رافع هام .. منّااا للشام .. خويه
ــــــــــــــــــــــ
خويه اشما اعثر .. صاحولي العسكر
حِلْ . يابت حيدر .. شتموني وعُبْرَت
يبو راس الدامي .. الذبحوه گدّامي
وحرگولي خيامي ..وأيتامي إطشرت
ما شفنه الخيمه .. خيمتنه الهيمه
إيتيمه اعله ايتيمه .. بالطف انشمرَت
يا بعد الگلُب .. إختك وي غُرُب
صارت تنضرُب .. خويه
بس ما تنلام .. منّااا للشام .. خويه
ــــــــــــــــــــــ
جاي أفهـم ردّك .. لا تحچي العندك
ويسولف خدّك .. بي حافر طابع
يا ريحة جَدنه .. إشما يمّك أدنَه
شفافك مو هِنّه .. ومن دمك شابع
يا هيبة غالب .. شو لونك شاحب
چان وين الحاجب .. الـ عله رمشك راكع
يابعد الأهل .. شو خدّك ذِبَل
برمحك بس جبل .. خويه
وممشانه أيام .. منّااا للشام .. خويه
ــــــــــــــــــــــ
من يوم العاشر .. وللشام انسافر
وهم نرجع باچر .. وراسك بيديّه
ويحسين اعذرني .. خاف اتشاهدني
من يرجع ضعني .. ناقص علويّه
لَتفكّر بيهــا .. ولتخــاف اعليـها
ارتاحت تدريها .. من ضيم الدينه
كاتلها التَعَب .. سِلبوها الذَهَب
ولهذا السَبَب .. خويه
خلّيها إتنام .. منّااا للشام .. خويه
ــــــــــــــــــــــ
مهدي التقي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.9K views08:27
2022-08-19 11:27:25
قصيده گعده للسبي
.
.
.
راحت الدنيا اويه اهلها
من عگـب عيـن الكفلها
زينب ابلا اخو زينب .. ماكو حامي اليفزع الها
***
كان يامــاكـان كانــت سـيده تدعى الامـيره
چانـت امن تريد تطلع تطلــع اوياها عشيره
مو خشب محملها حيدر فصله تفصال غيره
يتخدر بضلها الخدر .. شيلتهـا عنوان الستر
تاليها يــندار العمـر .. وتنـوخذ زينب اسيره
الچانــت الجنـه بكبرها
تستحي تحچي بخدرها
عالهزيله بلايه محمل .. وحايره اتلم بشملها
***
زينب الستر التـــبقه بوكــت بـــي ماكــو شهامه
بت علي لو ماخــدرها عـالشــرف نقــره السلامه
وچـان راس الســمه فــرع لحـد متقــوم القيامه
وصارت ضريبتها السبي .. وحاديها زلــمه اجنبي
شكــراً الى بنـــت الــنبي .. الدين ردتله احترامه
والله لو وياها اخــوها
بالحــچي ماشامروها
آخ نظرات الشماته .. عله زينــب وشثكلها
***
احجابها رايــة (محمد) وماتطـــيح ابداً الرايه
ضنهــم اشويه العـقيله وبالسبـي طلعت اهوايه
چـــم ولايــه طـبـــبوها ابــلا كفيــل ولا حمايه
اذنت حي اعله الشرف .. والــعالم بكبــره وگف
الوالدها سلطان النجف .. زحمه تنعد عالسبايه
الچان ابو فاضل سماها
شـمر من عگبها سباها
اوف ياكــلمة ســــبيه .. زينب اتخلبص غزلها
***
زينــب الــمــحــد لمحـــها زينـــب الحــره الابـيه
الباري لو للــعفه ارســل نبــي چـــان ارسلها هيه
زينـب اول تالي تدخـــل فـي دواويـــن ال اميه
ويديها مشـدوده بحـبل .. لا والله ابــد ماتنعقل
وينك صحت ياباالفضل .. تحـضــر الهه بالرزيه
مدللت عباس وحسين
وينـها اويـن الدواوين
من عگب عين ابوفاضل .. ياهو اليـــنزل حملها
***
چان مــن يــمر ذكــرها ماقـــبل عــشره مــحرم
الناس كــلها تصيح صلى الله علــى زينب وسلم
شــصار ياهالنــاس بلله مــن وره حرگ المــخيم
من طاح اخوها اعله النهر .. مسبيه سماها الدهر
وسفه انسبت اخت الگـمر .. والخـدر ذاكه تهدم
لاعشيرة ولا كرايب
سكــنوها بالخــرايب
تچوي خد السمه زينب .. لمــن الدمـــعه تهلها
*
حيدر تركي الكربلائي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.5K views08:27
2022-08-17 17:18:03
مفجوعات. متعوبات. من الحبل
مسبيات. محنيات. فوك الهزل
****
طلعن لليسر كلهن. وين اهل الوفه ايصيحن
ولو طاحت مره اعله الكاع كلهن بالسره ايطيحن
اشما طكهن شمر بالصوط. لخوهن كلهن ايديرن
بنات الجاه والعفه. حكهن لمن ايحيرن
بس ايتام. ودرب الشام. ما ينحمل
مسبيات. محنيات فوك الهزل
*
هذني الاجن علويات. بس امتربه أعبيهن
بسوك الكوفه ليش الناس. بس تتفرج اعليهن
واحد غيره ما مش بي. ابو فزعه ويحاميهن
كلش تعبن امن الطف. وبعد لجمات ما بيهن
مهظومات ومسلوبات. ومال الحمل
مسبيات. منحيات فوك الهزل
****
زينب تجري دمعه. وكلبه امن البجي تفطر
صحت يا علي ادركني. وتشكي ضلت الحيدر
صاحت ليش جا ما جيت. لمن سلبو الخدر
تدري بصدر اخوي حسين. بويه بحافر اتكسر
بصدره الخيل. داست حيل. ريتك عدل
مسبيات. محنيات فوك الهزل
***
الرباب تنوح عبد الله. وليلى براس ابنها اتهم
ولمن وصلو الكوفه. حميده ركضت المسلم
صاحت بويه حاجيني. وكامت بالتراب اتشم
اكثر بويه من الصوط. صاحت فركتك تلجم
نادت وين. وعالخدين. المدمع يهل
مسبيات. محنيات فوك الهزل
*
بت حيدر خذاها الشيب. وبدت من الحزن تتعب
وبسوك العبيد اشلون. اسأل وكفو زينب
كلب زينب جبل بس حيل. من ضيم الطف اتعذب
دارت عينها اعله حسين. وبحركه بدت تنحب
عالمظلوم. تبجي دموم. والون يسل
مسبيات. محنيات. فوك الهزل
***
العشاير كالو التمت. وأرض الشام ضجوها
والعدها عشيره تكوم وعشيرتها يخلصوها
واهل زينب كظو بالطف. والوليان عافوها
وما عدها عشرة نشوف. يفزعون ويطلعوها
اشبيها الناس. تهبط الراس. من تنسال
مسبيات. محنيات. فوك الهزل
*
تمت
تحسين الخفاجي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.6K views14:18
2022-08-17 17:17:09
اخت عباس وكفوها بدواوين
.
.
عكب ذيج الكفالة أو صيت الاحيود
اخت عباس وكفوها بدواوين
بحبال اجتِفُوها الكوم وكيود
اخت عباس وكفوها بدواوين
جبدها من السبي والنوح ممرود
اخت عباس وكفوها بدواوين
وكفت بالغصب ما بين الاحشود
اخت عباس وكفوها بدواوين
غريبة الحرة وتنوح .. أو جبيرة بيها الاجروح
أسيرة يا وسف عكب المامين
اخت عباس وكفوها بدواوين
.
.
خذوها بناكة هزلة الديرة اعيون
اخت عباس وكفوها بدواوين
محد من أهلها الفزع لام عون
اخت عباس وكفوها بدواوين
بل بلدان بالحرة يطوفون
اخت عباس وكفوها بدواوين
يهاشم للعقيلة هاي ترضون
اخت عباس وكفوها بدواوين
تسوك الناكة الارجاس ... عكب اجفوف عباس
افزعوا يآل هاشم كون عدلين
اخت عباس وكفوها بدواوين
.
.
مشت للشام تربات الاجاويد
اخت عباس وكفوها بدواوين
يا حيف اوكفت وبمجلس ايزيد
اخت عباس وكفوها بدواوين
تتلفت تدور هاشمي اتريد
اخت عباس وكفوها بدواوين
يسحك روس كل هاي العرابيد
اخت عباس وكفوها بدواوين
رادت هاشمي ايكوم ... يقلع منحر الكوم
عكب ذيج الاسود البل ميادين
اخت عباس وكفوها بدواوين
.
.
يرضاها الكفيل الوادم اتكول ؟
اخت عباس وكفوها بدواوين
ظل بكربلا العباس مچتول
اخت عباس وكفوها بدواوين
أو راسه اعله الرماح اوياها محمول
اخت عباس وكفوها بدواوين
تلكوها ابيسرها الناس بطبول
اخت عباس وكفوها بدواوين
يسيره بت الاطياب ... تطب الديرة اجناب
سبيه الجانت ابعز المحامين
اخت عباس وكفوها بدواوين
.
.
الأميرة الهاشمية أو ستر الاسلام
اخت عباس وكفوها بدواوين
عليها اتعاين الشمات بالشام
اخت عباس وكفوها بدواوين
أو عين الناس جنها رمْي الإسهام
اخت عباس وكفوها بدواوين
يم راس الكفيل اتسبها الاقزام
اخت عباس وكفوها بدواوين
تدير الوجه لا وين ... الزينب مامش امعين
وحيدة أصبحت بت خير النساوين
اخت عباس وكفوها بدواوين
.
.
فاضل عباس الخزاعي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.4K views14:17
2022-08-17 17:16:58
وصللنه ولاية الشمات وبگلبي الجمر يلهب
والحادي بعلات الصوت تولانه بشتيمه وسب
وصاح أعله الرماح حسين والفوگ الهزل زينب
والنوگ بخجل عثرت
وعيون الحرم مطرت
والذبحت علي السجاد
غربه وعالحرم نظرت
دلالي .. بقه أهناك.. بالطفوف دلالي
خيالي.. غرب حيف.. يشوفون خيالي
__
وادم كلهم ألسانات وبأسمي غدت تلهج
الهظيمه الخاص ويه العام كلهه أعلينه تتفرج
محد شالته الغيره واعله الصار أجه يحتج
عرگت ناگتي الهزله
وادم مستحه موشله
ولكم كافي يهل الشام
من الله وعلي فشله
يصيحون.. يأشرون.. أختمن سبيه
وانه أم عون.. الوكت دار.... عليه
_
تحرگ دمعة المتعوب من تنزل تچوي الخد
بظعن الله الشماته تعيل ياگلب البعد يبرد
ظعن من كربله لشام موت وغربه يتفرهد
مچتوفه وولا أگدر
أفرك چفي وتحسر
اول تالي يا هالناس
بنات العفه تتيسر
بغربتي.. تشب نار.. بالضلوع غربتي
ودمعتي.. غفت ليش.. بالعيون دمعتي
___
وين بيا وكت عباس أندهه ومايصد لاخته
بالسوگ ونظرت اعليه وفاضت بالزعل گصته
من شفت القصر ناديت ياشارة علي وبخته
ماصارت گبل وسفه
واحد بينه يتشفه
كون بمستحانه نموت
أعيون ال بالقصر صلفه
يظحكون.. يشمتون.. أ يا حيف بالظعون
يرامون.. حچي أحجار.. علينه يشمرون
__
شسولفلك على اهل الشام خويه السالفه تجرحك
طبت تبچي زينب غاد وأهل الشام بس تظحك
راسك من دخلنه السوگ گوة مچلب أبرمحك
ضامي وبالدمه منگع
خفت لا عالجرح يوگع
ماعايز بعد لچمات
حتى بهايه تتلوع
غرايب.. أصد وين.. والوجوه غرايب
خرايب.. سبي الشام.. گعدنه بخرايب
_
:حسين حمدان الدلفي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.4K views14:16
خ
