عشان تقدري تربي ولادك فانتي محتاجة : صبررر حكمة في التعامل ذكاء اجتماعي شوية تغافل وحبة تجاهل ثبات انفعالي طولة بااااال تكراااار مجهود وعي وعلم مراجعة نفسك.. وتصحيح اخطاءك من وقت للتاني كل ده بجانب دورك كزوجة وكمديرة منزل ولو كنتي كمان امرأة عاملة ومسؤليات اخري !! عشان تقدري تواصلي وتوازني بين كل ده : استعيني بالله واستقوي بيه .. وادعي كتير ربنا يعينك ويهديلك ولادك ويهديكي ليهم اتعلمي واقرأي كتير عن شخصية طفلك وازاي تتعاملي معاه .. وتفهمي طبيعه كل مرحلة دربي نفسك علي كل الحجات المذكورة .. فإنما العلم بالتعلم .. والحلم بالتحلم .. دربي نفسك علي الصح وخالفي هواكي افصلي شوية من المسؤليات عشان تقدري تواصلي .. اختلي بنفسك ربع ساعه او اخرجي لوحدك خروجه حلوة .. اطلعي اعملي شوبنج اي حاجه تسعدك اعمليها لان سعادتك هتريح اعصابك وهتنعكس عليهم وتقدري تكملي مشوارك ( دايما خلي تربيتك لله ).. مش عشان يقولوا عليكي شاطرة وولادك فل .. خلي نيتك هي تربية ابن صالح لدينه ونفسه ووطنه 295 viewsام إسماعيل, 19:46
