هتلاقي بين ولادك طفل كثير الكلام والجدال .. بيحاول يفرض رأيه و | تربيه جيل الأمه
هتلاقي بين ولادك طفل كثير الكلام والجدال .. بيحاول يفرض رأيه ويظهر نفسه .. كثير الاسئلة كثير الاقتراحات بيحب المهام الصعبة .. بيحس بالفخر الشديد لو صلّح لك حاجه في البيت او ساعدك في حاجه كبيرة
عامليه كرجل عقلاني لأنه طفل حواري .. اتكلمي معاه كتير .. واسمعيه كويس . وجاوبي علي اسئلته .. حمّليه المسؤلية واشكريه علي كل حاجه بيعملها معاكي لما تمنعي عنه حاجه عرفيّه الاسباب واشرحي له سبب المنع !! ولما يقصّر ويتراخي في حاجه قولي له كنت متوقعة منك افضل من كدا امدحيه كتير علي أفعاله الكويسة وحسّسيه انه دراعك اليمين وبتعتمدي عليه لو عايزة تعاقبيه يبقي العقاب "بالافعال" مش بالزعيق والعصبية والصراخ والصوت العالي يعني تمنعيه من موبايله او مصروفه او اي حاجة بيحبها لمدة محددة وعرّفيه سبب العقاب
