الشاعر عقيل الحسناوي

2022-08-31 09:44:19 هوسات لطم لزيارت الاربعين

بلايه چفوف رحب صاحب الرايه
هـلا بـزوار اخـوي الـفـت مـشايـه
هـلا باللي تحـبـهـم زينـب هـوايـه
حـوائـجكـم تلمـها الزهـره بالصايه

( بصاية ابو اليمه / التگـطر ادمايه )
---------------------------
ترحـب زينـب وعالوجنـه دمعـتها
ردت بـالـهـظـيـمـه مـن خـرابـتـهـا
اجت لحسين تفرك حسره راحتها
بخـرابـتـها رقـيـه هـنـاك عـافـتـها

( بالشام العزيزه / شلون دفنتها )

---------------------------
اذا احچيلك اجرح خايفه احساسك
من شافـت رقـيـه بالطـشـت راسـك
صاحت هالـثـغـر بـيه النـبـي بـاسـك
ليش ابخـيـزرانـه ايـزيـد چـا جاسك

(يطگ بشفاك بويه / گبال عباسك )

---------------------------
ودخن راس ابو الغيره وجدحت عيونه
احـترگ رمـح اللي راسه بـيـه يشيلونـه
ويـزيــد ارتـعـش طوله واخـتلـف لونـه
وأمـرهـم راسـه عن وجـهـه يـوخـرونـه

( وگـام من الرعب / تتصاكـك اسنونه )

---------------------------
وصوت من النحر ذاك الدماه جاري
صاح حـسيـن مـيـت هــلا بــزواري
هـلا بالجـاي گـاصد معـتـني الداري
حـي الله الاجـاني وصار الي جاري

( وبسابع الجار / اموصي الباري )

---------------------------
هـلا بالمـعـتـنـيني والـگـصـد لـيه
ابشـر حاجـتـك احسبـها مگـضيه
بـالحـرگـه اريـد ولـطـمـك اعـلـيه
تـتـلـگـه العـزيـزه الاجـت مسبـيه

( فوگ الناگـه ردت / اختي محنيه )


الشاعر عقيل الحسناوي.. باز کردن / نظر دهید

2022-08-31 09:44:06 مشاية الاربعين

اجيت وگـلبي الك مو جدمي مشاي
احـس الزهـره امــك تـمـشـي ويـاي
واسمعـها الـعـلي وياك .. يـزايـر ابـنـي حـياك

……………………………
اجـيتك بأربعـينك لهـفـه بيـه
يمـن ازيـارتـك صارت هـويـه
مشاي اسمي صار اتصيح اليه
خـــدام الـزيـــاره الـزيـنـبــيـه
واحــس ويـاي انفاس الزچيه
من اتـعـب احـس تـاخـذ اديه

يلـه وليدي اسمـع گـوم بهـداي
احس الزهره امك تمشي وياي
واسمعها العلي وياك .. يزاير ابني حياك

……………………………

وخــدام المـواكـب يرحـبـوني
هــلا بـزيـر هــلا يستـقـبلـوني
ودموع الفرحه تنزل من عيوني
صرت مشـاي كـلهـم يسـمـوني
تصـيح ارتـاح والــه يگـعدوني
بفـخـر شيابـهم من يخدموني

وريحـتهم الهيل اتگول بالچاي
احس الزهره امك تمشي وياي
واسمعها العلي وياك .. يزاير ابني حياك

……………………………

اشوف اطفال تخدم چنهم اكبار
حـاضر منـه شطلب گـالي وصار
بخدمـتك ابـدعت مـولاي الافكار
بحيث الزاير ايضل يمشي محتار
الشبـاب اتـصيح يـاحـياك خـطار
اگـعـد زايـر اشرب چـايك الحـار

وچبير اهله وعمامه يگلي مولاي
احـس الزهـره امك تمشي ويـاي
واسمعها العلي وياك .. يزاير ابني حياك

……………………………

زوار وخـدم مـتـوحـده الگـلـوب
كـلـها براحـه الك مابيـها متعوب
بوجه واحد تجيك واسود الثوب
وبـيضه اتـردها انتـه من الذنوب
عشگـنـاك وعشگـنـاها هالـدروب
يلـمـلبسنه عــزه وانتـه مسلـوب

ملايين عله حبك نصفه بس راي
احـس الزهـره امـك تمشي وياي
واسمعها العلي وياك .. يزاير ابني حياك

……………………………

يبو الاكبر عشگـنه وياك قصه
يالكـل البشـر منطـيـها فـرصه
يعـلـه اليخدمك والغـير ينصه
بخدمتـك كـَمل الشي الينقصه
من خـيرك اخذنـه كـلـنه حصه
يمـك سهـلـه الـعـلـيـنه تـعـصه

فضلك سيدي جـازيـنـه بهـواي
احس الزهره امك تمشي وياي
واسمعها العلي وياك .. يزاير ابني حياك

الشاعر عقيل الحسناوي .. باز کردن / نظر دهید

2022-08-31 09:41:41 يوم اربعينك

نظـره يبو اليمه ردت تشملني عينك
اخدم وازورك واعـتني يوم اربعينك
حبيبي ياحسين .. حبيبي ياحسين
…………………………

للمـجـالـس وفـقـتـنـي سيـدي احـضر
لكن بخـدمـة محرم گـلبي احس قصر
وهـاي ايـام اربـعـينـك خـيرك مـطشـر
ارزقني اخدم بالمواكب واتعب واسهر

سيـدي رايــد دعـاء .. خـاف قـصـرت بـعــزاء
بخدمة الزوار اكون .. من الصبح حتى المساء

ياسيدي ادعيلي انرزق وارفعلي ادينك
نـظـره يبـو اليمـه ردت تشمـلني عينك
حبيبي ياحسين .. حبيبي ياحسين
…………………………

شكبره حظه الي توفقه وخادمك يصبح
اخــره ودنـيه بـخـدمـتـك سيدي يـربـح
بكـثـر مـا يـبچي المصابك بالتعب يفرح
الـيـخـدم الـزوار فـايـــز  بـالأجـر افـلـح

يالعليت اعله الرماح .. خدمتك اصل الفـلاح
وحـتى اليقـدم قليل .. بداخله يحس برتياح

يشعـر يـواسيـك بألـم فـرگـة بنـيـنـك
نـظره يبـو اليمـه ردت تشمـلني عينك
حبيبي ياحسين .. حبيبي ياحسين
…………………………

ومن نعـزلها المواكـب نمـشي مشـايه
هـذا اليـواسي بلـطمـته وذاك بقـرايه
هذا اليبچـي الغـربـتك والتـون هـايه
والطفل بيه غيره يركض شايل الرايه

لگبرك اهوايه الدروب .. تجي مشايه الشعوب
ماتحس بيها اختلاف .. بخـدمتك كـلها تذوب

كـلـها تـلمـها سيدي بخـيـمـة حـنـيـنك
نـظره يبـو اليمـه ردت تشمـلني عينك
حبيبي ياحسين .. حبيبي ياحسين
…………………………

الناس كلها نحسها واحد  ذايبه بحبك
گـلوب هاي الناس كـلها تنبـض بگـلبك
الكـرم والطـيبه بأهلنه نشوفـها بدربك
واحـد يحـيي بالاخـر راحـه كـل تعبك

الناس يغمرها الحنين .. وكلها تصرخ ياحسين
ما نعـوفـك يالحبـيب .. وحگ مگـطوع الادين

الحب من جمعنه سيدي اختارينه دينك
بنـظـره يبـو اليمـه ردت تشمـلني عينك
حبيبي ياحسين .. حبيبي ياحسين


الشاعر عقيل الحسناوي.. باز کردن / نظر دهید

2022-08-28 09:24:06 ليلة استشهاد عزيزة الحسين رقيه ع

جروح ابوجـهك هواي .. شفـافك مارون ماي
يمن مذبوح عطشان .. شكـثر يابويه ذبــلان

--------------------------
قبل ساعـه چـنت يمي بمنامي
اسلم اعليك وانته اترد سلامي
هـسه ليش وجـهك بويـه دامي
شفافك ذابله وحيل انته ضامي

راسك شفته مذبوح .. هواي بشفـتك اجروح
هاجت بيه الاحزان .. شكـثر يابويه ذبــلان

--------------------------
اصد عيني عله وجهك ماشفت نور
شفـت هـواي وجـهك بويـه مطبور
عـظـم الوجـنه  هـذا حيل مكـسور
چا هـم مـثلي انتـه هـواي مسطور

هم هواي طگوك ؟ .. هم بالنار حرگوك؟
اشمن بيك دخان .. شكـثر يابويه ذبــلان
شكـثر يابويه ذبــلان

--------------------------
اشوف  هـواي متـغيره عيونك
العـطش يابويه غير حيل لونك
بحلگـك ليش كسروهن سنونك
اذا مـذبـوح  الـمـن يضـربـونـك

يمن عطشان منحور .. سنك ليش مكسور
وراسك كله تربان .. شكـثر يابويه ذبــلان

--------------------------

دمك خـل اوخره العامـي العيون
فك عينك يبويه وشوفني شلون
اراويـلك شـصـار بـهـاي المـتـون
بيـه هـواي مـن بعـدك يضـربـون

نزل لعـظامي السوط .. وچـفي بحبل مربوط
الحبل سوالي نيشان .. شكـثر يابويه ذبــلان

--------------------------
عگب ذبحك خيمنه اشتعلت بنار
احـترگت انـي يـبويـه وي الزغـار
انسبينه احنه ودخلنه شام الاخطار
اطـفال الشـام بـينه تشمر احجار

بحجر بينه يشمرون .. يشتمونه ويضحكون
وراسك عالي بالزان .. شكـثر يابويه ذبــلان

--------------------------
بويه الشام تهضم كلش الشام
ونظرات الشماته مـثل السهام
بخـرابه بلا سكـف خلونه انام
خرابه وليـلها مانعـرف شضام

خرابه وصوت الونين .. يـهد الحيل يحسين
نون باليل نسوان .. شكـثر يابويه ذبــلان
شكـثر يابويه ذبــلان


الشاعر عقيل الحسناوي.. باز کردن / نظر دهید

2022-08-28 09:24:05 (ليل الخرابه).. شهادة السيده رقيه ع

بالخرابه .. خـيـم اللـيل بـحـزن
بالخرابه .. راح طفـلـه تـنـدفـن
بالخرابه .. ينسمع صوت التون
حـُسيــــن .. حـُسيــــن .. حـُسيــــن
------------------------

عگب ذاك الدرب كله ومصابـه
عليها نفتحت اجروح الخرابـه
جـفنها من غمض لحظه يويلي
رقـيــه فـزت  تـنـادي يـبــابــه

تكول حسين اريده
يوسدني عله ايـده
اشـمـنـه  بــوريــده


هسه شفته .. جاني ابويه بالحلم
هسه شفته .. العب بحظنه واشم
هسه شفته .. وجهه الـيه يبـتسم
حـُسيــــن
------------------------
بطشت راس الابو لمن اجاها
رقيه صاحت ولطمت وجاها
يعـمه هـذا مايشـبه حـبـيـبي
شفافه مفـطره وينزف دماها


يعـمـه اللـي  انـظره
اشوف بوجهه طبره
تصب دم عله شعره


هذا عمه .. چـنه مـو بـن فاطمه
هذا عمه .  عظام وجهه محطمه
هذا عمه .. لسه شـو يـنـزف دمه

حـُسيــــن
------------------------
يـولـي شـبگـت الـراس بحـزنـها
وعلى جرح الوجه خـلت وجـنها
وبدت تحچيله بالصار وجره الها
عـن اللطمـه حچـتله وقرط اذنها

حچـتله ذيـچ الاهـوال
شكـثر طگوها الارجال
وبـديـها شـدوا احـبال


صاحت بصوت .. ينكسرلـه كـل گلب
صاحت بصوت .. بـابـا تـعـبني الدرب
صاحت بصوت .. هواي متني ينضرب
حـُسيــــن
------------------------
يبـويـه حـرگـو الخـيمـه عـليه
احـترگـت وناري اطفـيها بديه
اركـض والشمـر يركـض ورايه
يصيـح اليـوم اذبـحـنـچ رقـيه

وسطر عـيني وعماني
وجـانـي جـنـدي ثـاني
سلب قرطي من اذاني

بويه يحسين .. خـدي بالچـف انسـطر
بويه يحسين .. وعظم بالوجنه انكسر
بويه يحسين .. ونعـمـه بعـيـني النـظر
حـُسيــــن
------------------------

وعلـه ناگـه هـزيلـه صعـدوني
يبويه معـصبه چـانت عـيوني
دمه ضلت تصب لمن سطرني
يبويه عمـيه عالناگـه خـذوني

وچنت انظرلك احساس
يبويـه وانتـه بـس راس
علـيـه تـبـچــي عـبـاس

تگله خويه .. يابـو فاضل طفـلـتي
تگله خويه .. شصار بيها بطيحـتي
تگله خويه .. والله غـربـه غـربـتي
حـُسيــــن
------------------------

وبعـد مابـي يطـاوعها صبرها
وعلى راسه خلص اخر عمرها
رقـيه مـاتت بـذيـچ الخـرابـه
غريـبه وبغـرب حـفروا گبرها

يهـالـوادم مصـيبه
بغرب گـبر الحبيبه
ويتيمه وهم غريبه


بدار غربه .. من توفـاها الاجـل
بدار غربه .. لا عشيره ولا اهـل
بدار غربه .. والضعن عنها رحل


الشاعر عقيل الحسناوي.. باز کردن / نظر دهید

2022-08-28 09:24:02 شهادة عزيزة الحسين رقيه ع.

بحظنك بويه راسي ردت اخـليه
اشو راسك اجاني وحظن ما بيه
صدرك وينه حظـنـه .. حـوافـرهـم خـذنـه
بــابــا حـسيـن .. بــابــا حـسيـن

……………………………
وينـه صدرك الـدافـي بحـنـيـنـه
الچـان ايلـمني انـي وي سَكـينه
اشـو بـس راس هذا الجـايبـينه
يعـاينـلـي اشوفـه وتبچـي عينه
اثــاري بخـيـل صدرك  مـارديـنه
وجـسـمـك يـاحـبيبي مـوذريـنـه

من شفتك نسيت ابكربله شصار
يمن دفنـوك بويـه بـذاك الحجـار
كـون وياك مـتـنه .. حـوافـرهـم خـذنـه
بــابــا حـسيـن .. بــابــا حـسيـن

……………………………
يمـن داست  عـليك  الاعـوجـيه
وعفـنـاك ومشـينه  عله الوطـيه
ردت حـظـنـك واسـولفـلك عليه
من حـرگـو خـيمـنه جـنود امـيه
گـامـت نـــارهـم  اتـچــوي بـيـه
وگـمـت اركـض واطفـيها بـاديه

ركضنه وبابا بابا بكربله نصيح
نعـثـر بالجـمـر خـلونه ونطـيح
خـيمنه من چـوتـنه .. حـوافـرهـم خـذنـه
بــابــا حـسيـن .. بــابــا حـسيـن

……………………………

شردنـه والزلـم لحگـتنه بالخيل
وجلد من المتن بسياطها تـشيل
من ذاك الركض ماضل بعد حيل
تطشرنـه وعلـينه چـلچـل اللـيل
وجـمـعـتنه العـقيله ويـه اللعليل
وتگـابلنه ونـون ودموعـنه تسيل

يـاذاك الــدلال ابكـربـلـه الـــراح
بـيـن اسـيـاط ضلـينـه والـرمـاح
نبـچي وعالي ونـه .. حـوافـرهـم خـذنـه
بــابــا حـسيـن .. بــابــا حـسيـن

……………………………
عگب ماعمنه فوگ المشرعه مات
يبويه من الهـزل خلصنه طيحات
يطگـونه ويـبو فـاضل الصرخـات
العـقـيلـه تحـشم وبالعـين دمعـات
وگـضيناه الدرب يابويه شـوغـات
كـلمـا عالظـعـن راسك جـزه وفات

راسـك بـويــه مـن ايـمـــر عـلـيـنـه
كـلـنـه نصـيـح يـابـويــه انـسـبـينـه
وتصد بحرگـه النـه ..  حـوافـرهـم خـذنـه
بــابــا حـسيـن .. بــابــا حـسيـن

……………………………

وللـكـوفـه يـبـويـه مـن دخـلنه
بشماته الناس طلعت تنظر النه
هـذا اللـي يسـبـنـه واليـطـگـنه
وهـذا اللـي يـشـتم الزهره امنه
يـبـويـه بكـربلـه ياريـت مـتـنـه
عــاد المـوت يجـمـعـنه بشملنه

بالكـوفـه عـلـيه الـتـمـت اطفـال
يعـثروني وطيح بجـرت الاحبال
تجرها وكـلنه طحـنه ..  حـوافـرهـم خـذنـه
بــابــا حـسيـن .. بــابــا حـسيـن

……………………………
علـيـنـه شـلـون دارت ذيــچ الايـام
شـسولـفـلك يـبويه بدخـلت الشـام
ونـظـرات الشمـاتـه المـثـل السـهـام
شفنه مصاب اشـد من حرگ الخيام
طگـــات الحـجـر تـكـسـر بـالعـظـام
ودمــه تـتجاره گـامت حـرم ايـتـام

هـذا اليجـري دمــه وذاك مكـسـور
بـهـاي الحــالـه طـبـيـنـه للـقـصـور
الهـظم بويه كـتلـنه ..  حـوافـرهـم خـذنـه
بــابــا حـسيـن .. بــابــا حـسيـن

الشاعر عقيل الحسناوي.. باز کردن / نظر دهید

2022-08-23 21:20:26 الیله ابوالباقر
#الشاعر_عقیل_الحسناوی
#الرادود_یعقوب_البوغبیش باز کردن / نظر دهید

2022-08-23 13:05:04 استشهاد الامام السجاد ع

الليله ابو الباقر باخـر انفاسه
وگاعد اوليده يقره يـم راسه
يقره مصيبة حرگ الخيم
بالهيمه فرت ذيچ الحرم
يقره يم راسه ..
…………………………
العـلـيـل اللـيلـه يـودع بـاحـبـابه
وفوگ راسه الباقر دمعته سچابه
گعد يـم الابـو والدمعـه يجـريها .. ويقراله المصيبه
قره قصة السبيه وما جره عليها .. زيـنـب الغـريـبـه

وگامت الدمعه بالهـظم تهمل
التصعد الناگه صعبه من تنزل
وهـيج بالصدر ذاك الالم
بالهيمه فرت ذيچ الحرم
يقره يم راسه ..
…………………………

يالفض بأنفاسه ودم تصب اعيونه
موسـدينـه گـوه يوجـعـنـه امـتونه
عمر گضاه يون لمن ينام ايريد .. بمتنه هواي الجروح
واثـر للجـامعـه لسـه بقـه بالايـد .. تلچمه وتوجع الروح

وبالسبي شاهد قصته الباقر
بجامعـة ايده لحمـه متناثر
ومتنه بالضرب كلش ورم
بالهـيمه فـرت ذيـچ الحرم
يقره يم راسه ..

…………………………

بعينه صد للباقر وبالدموع ايگله
بويه موت حيلي ياسهم عبدالله

علل خلـه بـدليلي اچماله بمصابه .. رضيع ابدمه شفته
وسدته ويه ابوي وهلت انه اترابه .. وبـأيــدي دفـنـته

بويه من شلته دم ترس صدري
چـانت اوداجـه بالـدمـه تجـري
الله اشعمل بينه هالسهم
بالهيمه فرت ذيچ الحرم
يقره يم راسه ..
…………………………

وگبل طَلعت روحه وگبل خمد انفاسه
يصـيح آه يرقـيـه وضل يـدگ ابراسه

مصيـبتـها الظهـر يالبـاقـر اتكـسره .. الماتـت بالخـرابه
بطشت شافت ابوها وقبلت نحره .. وحظنيته بخضابه

بـونــه تشكيله العـاشـر ويــومه
وعالطشت ماتت اختي مهظومه
من گد مابچت راسه انهظم
بالهـيـمـه فـرت ذيـچ الحرم
يقره يم راسه ..
…………………………

وگـالـهم چفنـوني لومـتت بالرايه
الباقي بيها لسه من الكفيل ادميه

الرايـه من هـوت فـوگ النـهـر قصه .. نرويـها بدمعنه
لهسه بصدري من طاحت بقة غصه .. الراعي المحنه

لعمي ابوفاضل غصه اكو بصدري
بگـطعـت ازنــوده انكـسر ظـهري
مات وعالنهر طـاح العلم
بالهيمه فرت ذيچ الحرم
يقره يم راسه ..
…………………………

هـــو اصلـن مـيـت بظـهـر ذاك الـعـاشـر
بصدر ابو من شاهد يرض ضلوعه الحافر

ميت من هـذاك اليـوم بالحـومـه .. شـاف ابعـينه الخيول
بحوافرها ظلوع حسين مهشومه .. بصدره گامت اتجول

وشاهـد الحـافـر يمـرد ابگـلبه
وعالترب ذبه بسحگته ايگلبه
گـلبه عالترب يتجره دم
بالهيمه فرت ذيچ الحرم
يقره يم راسه ..

الشاعر عقيل الحسناوي.. باز کردن / نظر دهید

2022-08-20 20:21:21 .
الامام زين العابدين السجاد ع
نزله..

ويلـي محـد عاني مـن مــات ابوي
من انذبح عمي وعلي الاكبر اخوي
واويـــلاه .. واويـــلاه

اني يـاناس العليل الگـلبي ذاب
بكربله شفت اني بعيوني العذاب
شفت ابوي حسين عاري عالتراب
والدمه وذاري الترُب صاير خضاب
واويـــلاه .. واويـــلاه

مـا بـقــه نـاصـر الـــه وانـي علـيـل
من اجت داست عليه بالحافر الخـيل
واني مثل السعفه صرت ابحزني اميل
يـا هــو احـشـمـنــه واگـلـلـه دخـيـل
واويـــلاه .. واويـــلاه

توجهت بعيوني انه صوب الفرات
صحت وين الي كفل خدر الخوات
عمي ان چانك بـقه بـروحك حياة
گـوم الحگ والــدي يـاعمي مــات
واويـــلاه .. واويـــلاه

ياعلي الاكبر صحت وين الاخو
اني اعرفنـك يخـو سكـنه كـفـو
گـوم يحـزام الظـهر غـيرك مـنـو
يخـلص المذبـوح من خيل العدو
واويـــلاه .. واويـــلاه

وين جاسم وينه چا شبل الحسن
بالحوافـر صدر الحسين انـطحـن
گـوم ياخـويه تـره عـيوني عـمـن
النـار شبـت والحــرم يـتـراكـضـن
واويـــلاه .. واويـــلاه

وين هاشم وين چا ذيچ الانصار
خلـي تـفـزع للمـخـيـم داوي نـار
يـالهـواشـم ويـن تشـرد هالزغـار
بـيـن دخـانـتـها ضـاعت والغـبـار
واويـــلاه .. واويـــلاه

الشاعر عقيل الحسناوي.. باز کردن / نظر دهید

2022-08-20 20:20:58 شهادة الامام زين العابدين السجاد ع

مامات مسموم .. مات من الهموم
اگباله ذبحــوا والـده عطشان عــاري

اي موته النوح .. عالمات مذبوح
وعياله تركض خايفه بذيچ الصحاري

…………………………………

اي ياخَلگ چبده صدگ بالسم تگطع
اي ضل يلوج و ونته عرش الله يسمع
اي ضل يلوج اعله الترب والروح تطلع
لكن يلوج اعله الذي مالمه مصرع

ألمنه بقه تشيل .. بالحافر الخيل
لحمه وتطشه بكربله فوگ الترايب

اي منها ياناس .. ضل يلطم الراس
يذكر رمح نص چبد ابوه ياويلي صايب

…………………………………

ابعينه شاهد كربله شعملت بالاحباب
مذبوح ابوه امن الگفه ويرفس عالتراب
وشچم سهم وشچم رمح چم حجر منصاب
حجار ورمل شاف اعله ابوه ايسون احجاب

شاف الولي طاح .. متشابچه ارماح
جسمه ويسيل اعله الرمل ياويلي دمه

اخته اجت ليه .. حتارت تلم بيه
من كل كتر جابت عضو وگعدت تلمه

…………………………………

شاف الشمر لمن اجه وثنـه اعله صدره
يحسب الـه گـام اثنـعش طبره يطبره
وبرجله من رد يضربه حيل اعله خصره
وشافه يگـلبه وعالظهر رجله ، وينحره

من شعره جراه .. وبسيفه كراه
والدم ترس وجه الشمر لمن يحزه

ومن لحيته شال .. ويراوي العياله
راس الأبو يگطر دمه وبيده يهزه

…………………………………

ابعينه شاف الخيل اجت صدره تسحگـه
اتدوسه والحافر دمـه جسمه يغرگـه
وزينب اجت تركض اله ورادت تشبگـه
بس مالگت سالم عضو والها تطبگـه

شالت دمه الراس .. وصاحت يعباس
من راس اخيك ما بقه بس دم اليه

من عنده ماضال .. لافيَّ ولا اخيال
واشراح اگـلها عنه لونشدت رقيه

…………………………………

شاف الشمر ألعَـمـته لمن اجاها
ابسوطه يم حسين اجه الظالم ولاها
يضربها تركض گامت ويركض ورها
ويصيح هاي بت علي المحد حماها

ومن تعـثر اطيح .. يايمه اتصيح
غطيني يايمه بعباتچ يالزچيه

خلصيني منه .. يطگني واظنه
بذاك الحبل يربط اظن رايد اديه

…………………………………

واشبيده ال بالطف عليل امگيدينه
غير الدمع والحسره ياناس او ونينه
هاي المصايب كلها من شافتها عينه
بخيمه ويصيح احترگـة الخيمه علينه

وابذاكه وضعـه .. ياهو اليطلعـه
واولاد هاشم عالثره كلهم ضحايه

وحتى النساوين .. حتارت تفر وين
وكل وحده محتاره بسترها وبالعبايه


الشاعر عقيل الحسناوي.. باز کردن / نظر دهید